عاونوني لصنع ...............

[zoubidaas]

السلام عليكم
اخواتي الكريمات ارجوكم ساعدوني لصنع الغريبة يعني تعطوني طريقة صنعها بالمقادير وكيفية التحضير والصور لكيفية التشكيل
انا نعرف وحد الطريقة كي نكون نعجن فيها تكون مليحة بصح كي تطيب تولي مشققة وما تصلحليش لذلك راني حابة منكم تعطوني الصور تاع تشكيلها يعني كيفاش ندير الشكل ديالها
وجزاكم الله كل خير


[IMG][/IMG]

[شهرزاد3]

كيلة سمن + كيلة غير ربع سكر ناعم + لفاني + قرصة ملح خلطيهم مليح و لمديهم بالفرينة حتى تتحصلي على عجينة طرية شكليها كيما حبيتي وديريلها شوية قرفة من الفوق و طيبيها غير تحمار شوية خرجيها من البعد تشد روحها

[sofiane2075]

ديري المقادير كيما قالت لك الاخت احدمي الربدة مع السكر مليح لتشكيلها استعملي اللمبوط تخرجلك شكل وردة او اعملي حربوش خططيه بالفرشيطة و قطعي مقروطات هده الكرق نستعملوهم في الشرق بالتوفيق

[نسيبة 2009]

كيلة زيت او زبدة +كيلة سكر رطب + جلجلان او كاوكاو مرحي+قرصة صغيرة ملح +فرينة حت تتلم نصنع كويرات ونضعها في المول نتع المعمول وذرذري عليها شوية قرفة ثم ادخليها للفرن وبالتوفيق.

[zoubidaas]

شكرا لكم بصح انا الطريقة نعرفها بصح المشكل اني مانعرفش كيفاش ندير الشكل ديالها خاطش كي نشكلها ومبعد كي نحطها في الفرن وكي نخرجها تولي مشققة و تتفرتت و ما تصلحليش
وشكرا لكم على المقادير وراح نجربها ونردلكم الخبر

[نسيبة 2009]

كي ديريها في مول المعمول يعطيلها شكل مليه او ماتشققش

['' أمة الرحمن '']

ماديريش الزبدة ديري سمن مدينة بالمقادير التالية

3 كيلات فرينة

كيلة سمن

كيلة الا ربع سكر ناعم

ذوبي السمن و اضيفي له السكر الناعم ثم الفرينة تدريجيا

شكليها بمول المعمول و ضعيها في الفرن الى ان تجف

شهية طيبة

[zoubidaas]

مشكوووووووووووووووورة ومشكوووووووووووووووورين