لي راهو حاب يجيب الباك بسهولة وبمعدل هايل

[-sabrina-]

السلام عليكم
انا صبرينة عضوة جديدة هنا انا ايضا مقبلة على شهادة البكلوريا هادا اول موضوع ليا حبيت افيدكم ببعض النصائح
اهم شيئ هو تخصيص جدول للمراجعة الكل يتسائل كيفاش ندير جدول المراجعة
اولا نشوفو جدول التوقيت المدرسي ونشوفو اوقات الفراغ الي فيه ونخصوها للمراجعة مدام انت راك في المؤسسة واصدقائك معاك ديرو مجموعات وحلو تمارين وتناقشو فيها و ايضا كيما متقراوش كاش ساعة علاش تقعدو تقسرو وتلعبو بدل ما تضيعو هاداك الوقت راجع فيه مع زملائك ولا تكون ماشي فاهم كاش حاجة حوس على كاش استاذ يفهمهالك ديرو في بالكم بلي الوقت من ذهب وتضيع الوقت ماشي لصالحكم وراهو جاي الوقت لي تكرهو من اللعب والقسرة اصبرو غير هاد كم شهر راهو مبقاش على لباك
دوكا نروحو لاوقات الفراغ يلي في المنزل اكيد كامل نرحو تعبانين اكيد نقعدو نريحو ونستجمعو قوانا بالنسبة للبنات خليكم من المسلسلات ما تبعوهم ما تولو متشوقين للاحداث هادو الافلام الوقت لي تحب تعاودومهم تعاودوهم كي تجيبو لباك تاعكم تفرجو حتى تكرهو هادو الممثلين راهم فارين صوالحهم اما بالنسبة للذكو خلوكم من القعدة تاع الشارع ماراح تفيدك بوالو اقعد في داركم وراجع دورسك في الصيف ادا حبيت متوليش كامل للدار اما استخدام النت خلوه للدراسة فقط النت ماشي راح تهرب
الاوقات الجيدة للدراسة هي الفترة الصباحية ارقدو بكري ومتسهروش باش تقدرو تنوضو صباح نوضو صباح يكون الهدوء ويكون مخك مرتاح وجسمك ايضا مرتاح احسن شيء في الفترة الصباحية هي الحفظ راجعوا ولا احفظو حسب البرنامج لي درتوه ثم صلو واقراو شوية القران لازم الانسان يستعين بالله فهو المعين القدير وهو الذي لا يتخلى عن عباده والصلاة والدعاء طريق للنجاح

هناك نصيحة اخرى ابتعدو عن رفقاء السوء و المشاكل و....و....و.....كل واحد يخمم غير في روحو وفي صوالحوا واحد ما راح ينفعك ولا راح يدوملك غير قرايتك وهادا هو المستقبل تاعك غمضو عينيكم على كل حاجة وياما ناس تبعت ناس لعبو كيف كيف ضحكو كيف كيف وفي الاخير في النتيجة واحد ناجح و واحد راسب

نصيحة اخرى ديما كي متفهمش حاجة ارجع للاستاذ سقسي ومتحشمش متقولش امبعد ونولي ليها ولا امبعد ونفهمها لان هاذا خطأ لا تاجل عمل اليوم الى الغد


اي مرجع اي معلومة متخليهاش تروح من يدك لي تشوفها تفيدك متضيعهاش



انتبهو في القسم وخلوكم من القسرة ركز مع الاستاذ في اي حرف يقولو




ديما دير حاجة في بالك بلي مكاش حاجة مستحيلة اذا ثابرت وخلي تقتك في نفسك عالية ديما قول لي جابوه فاش خير مني ديما دير في بالك بلي كاين زوج تعبو على جالك لي هما والديك لي حابين وليدهم ولا بنتهم يفرحهم





ونصيحة اخرى التغذية الجيدة وعدم ارهاق الجسم






كتـــــــــــــــــــــــابة الدروس ثم كتــــــــــــــــــــــــــابة الدروس والتنظيم طبعا











نصيحة اخرى في اخر السنة ردو بالكم على كراساتكم لانو كاين ناس حسودين ميحبولكش الخير يسرقوهملك باش متحفظش والله غير كاين ناس صراتلهم ههههههههههههههه









ان شاء الله نكون ساعدتكم ولو بقليل وان شاء الله يوفقنا كامل ونجيبو الباك بمعدلات ممتازة
اتمنى ان تدعو لي بالنجاح
سلام

[عاشقة المحبة]

مشكووووووووووووووووووووووووووووووورة اختي في الله
اريد معرفة ان سبق لك وان جوزتي الباك على حساب الهدرة تاعك راك مريتي بهاذ التجربة

[الوئام المدني]

صحيتي بزاف كلامك هايل قبل ما تبدا هادي العطلة درت برنامج باه نقرا وخصصت وقت للمواد كامل بصح العطلة راهي خلصت في رمشة عين ضاعت مني وما قريت غير المواد العلمية اااااااااااااااااااااااااااااااااااه ربي صبرنا ووفقناااااااااااااااامييييييين

[asma1856]

شكرا جزيلا اختي بارك الله فيك

[saraharaha]

العطلة المهمة هي عطلة الربيع من ثما يبدا التحضير الرسمي

[بن حميميد]

بارك الله فيك الاخت صبرينة كلامك كلو صح انا معيد ونتمنى الجماعة كامل يديرو بهدرتك -
مشكوووووووووووووورة ربي ينجحنا كامل بالمعدلات اللي نحبوها آآآآآآآآآآآآآآآآمييييييييييييين

[طالبة غفران الله]

يعطيك الصحة راكي رفعتي من معنوياتي
ونقلك صراحة بلي راني منيش نركز مليح في القسم
ونعتمد علي دروس الدعم

[طالبة غفران الله]

يعطيك الصحة راكي رفعتي من معنوياتي
ونقلك صراحة بلي راني منيش نركز مليح في القسم
ونعتمد علي دروس الدعم

[احمد ياسر]

اختي انا من الفاشلين العام الماضي لاني كنت ااجل عمل اليوماا لى الغد فاحدري جوان غدا الايام تجري يجب ان نسرع نحن ايضا
بالتوفيق

[ismahane11]

machkoura okhti rabi ywafa9na nchalah

[imene-hmd]

merci vrmt cé tré intéréssant


RABI YENAJAHNA KAMEL INCHALAH WE BEL MOU3ADAL LI NHABOUH

WELI YET3AB YELKA INCHALAHHHHHHHHH

[* إبتسامة الأمل *]

ربي يعيشك أختي و يوفقنا أجمعين ...حتى أنا نعقب الباك السنة

[سلسبيل2492]

بارك الله فيك اختنا صبرينة
جزاك الله خيرا

[koukou93]

merci نصائحك بزاف مفيدة

[sofianey2g]

pff ana magdertch nkemel na9raha hadou nasa'ih ta3ek t3ayi hada ga3 ou tahadri ou ma3labalich dija kima nti kima lokhrin 3leh nti jewezti BAC ki raki tgoulilhoum wech dirou wech ma ydirouch 3andakoum mkench ga3 menha ana jewezt bac l'3am li fet ou ma dert ni programe ni walou haja li ji fi rassi na9raha khatrat nkoun na9ra fi MATHza3ma netfeker His.Geo nrouh liha ou makesertch ga3 rasi ndir programme ou lhamdoulah jebtou b13 mais kayna haja ki kount f dar na9ra wahed ma lazem dirongikoum lazem tchedou kayi meme tkounou karhine ana chi yamet kount mdigoutie fihoum mais kount nched kayi ya louken teb9aw tekhouzrou fih wellah kima ani ngoulkoum ih 9bel ma nensa BAC mafihch ZHAR li ya9ra hjibou li ma ya9rach wellah ma yjibou ou matkesrouch raskoum ta3 njibou ma njibouch psq ana kount dayer manjibouch malgré kount khadem ou jebtou hmd kayen haja tanik dirou wech yekhrej 3likoum mateb3ouch l'rachi wech ygoul ihhh tfekert haja dirou group ta3 4 pas plus ou group ya9ra ou wellou koul sebt trouhou trivisiw ana haka dert kounna daymen b sept nahabtou Li C ou na9raw koul khatra wech netfahmou na9raws aya 3labali tawelt 3likoum ou rebi m3akoum matensawch dirou wech yekhrej 3likoum .