كابا قسنطينة لاجديد

[badr alg]

قال لي صديق ذهب الى قسنطينة انه تم الاعلان على انه سوف يتم النضر فيها بعد العطلة اي انه لم يتم الفصل
فيها اذا كانت موجودة ام لا يعني لم يضهر الخبر اليقين ونحن في الانتضار وتحيا الجزائر

[roumaissa88]

والله غير تمسخير واش هاد حال سور بداو يسجلو تحت تحت هادي هيا بلادنااااااااااااااااااااااااااااااااااااااااااااا ااااااااااا

[badr alg]

هذاك لي راني خايف منو انتع التحت التحت

[roumaissa88]

باينا طول دعوا بدات مي التحت التحت ربي يستر وخلاص

[*marmoura*]

المشاركة الأصلية كتبت بواسطة badr alg

هذاك لي راني خايف منو انتع التحت التحت

مافهمتش معناها الكابا ماكانش ولا كاينا معناها دارو الاعلان نورمال مون اليوم يبداو يسجلو ولا كدبت ارجوكم ردوا عليا واعطيوني الملف هكدا باش مانشقاش باطل وبارك الله فيكم

[badr alg]

ياخي لا يوجد تسجيل قامو باضافة اعلان اخر راهم يعقبو فينا وخلاص رانا صابرين بعد العطلة قالك درك نشوفولكم حل ينحلو يا منحلوش

راهم يخترعو الساعة هاذي في الكابة اصبر درك يخرجولنا بصاروخ بعد العطلة رانا قاعدين من بكري عادي في بلادي الصابر ينال

[badr alg]

*marmoura* انت درتي موضوع محتارا بين قسنطسنة وعنابة تاخذ راي وكان الوفت مزال للتسجيل في عنابة رحي لعنابة لان قسنطينة

ماهو باين والو والله اعلم

[bilel0522]

الي دا دعوة شر يقرا كابا في قسنطينة هذه هدرة تع واحد قراها في قسنطينة

[badr alg]

وعلاه ابلال عبرنا شوي على شعورك انا قريت في باتنة مضنيتش كاين دعوة شر كثر منها تخيل مرة مدو 400 صفر للمجموعة الاولى

وتخيل 130 معيد سنة 4

[bilel0522]

المشاركة الأصلية كتبت بواسطة badr alg

وعلاه ابلال عبرنا شوي على شعورك انا قريت في باتنة مضنيتش كاين دعوة شر كثر منها تخيل مرة مدو 400 صفر للمجموعة الاولى

وتخيل 130 معيد سنة 4

قسنطينة دولة في وسط دولة كل شيء فيها لا يشبه الولايات الأخرى و ولاية الهدف من وجودها الفوضى و المشاكل كل شيء غير منظم يا أخي تخيل أستاذ يعطيك سؤال هاكا:
*إختر الجواب الصحيح:
-عند وقوع حادث تسببت فية سيارة تابعة للدولة؟
1/مجلس الدولة
2/المحكمة الإدارية
روح أنت جاوب ماكانش خلاض الجواب الصحيح في الإختيارات خليني مانكملش أنا قلت أخطيكم من قسنطينة و رايحين نتلاقاو هنا في المنتذى و تقولولي عندك الحق لا لا ماعجبكش واش راهم يديروة درك أرواحوا 12/12 و مكباعد لا حتى ورا العطلة .....
سلام

[smisma87]

المشاركة الأصلية كتبت بواسطة bilel0522

قسنطينة دولة في وسط دولة كل شيء فيها لا يشبه الولايات الأخرى و ولاية الهدف من وجودها الفوضى و المشاكل كل شيء غير منظم يا أخي تخيل أستاذ يعطيك سؤال هاكا:
*إختر الجواب الصحيح:
-عند وقوع حادث تسببت فية سيارة تابعة للدولة؟
1/مجلس الدولة
2/المحكمة الإدارية
روح أنت جاوب ماكانش خلاض الجواب الصحيح في الإختيارات خليني مانكملش أنا قلت أخطيكم من قسنطينة و رايحين نتلاقاو هنا في المنتذى و تقولولي عندك الحق لا لا ماعجبكش واش راهم يديروة درك أرواحوا 12/12 و مكباعد لا حتى ورا العطلة .....
سلام

اك تحكي علئ زغداوي ...ايه خربطونا كامل كيما المدرج تاعنا قالونا الاساتذة و هو استاذ من بينهم حاسب في روحو*ح.عصام* انو الاجابة الصحيحة هي التي تضع علامة فيها والعكس هو الصحيح كما قال استاذ المادة ويلعبوها فاهمين المهم ربي ينجحنا برك غدا التلاثاء النتيجة...
وبخصوص الكابا هي موجودة بالفعل لم يحددوا التاريخ لبداية التسجيل فقط والتحت لتحت ماشكيتش كاينا....

[badr alg]

والله كل كلية حقوق فيها فرعون فان دل انما يدل على ضعف شخصيته وسلوكه المضطرب مثل جامعة باتنة يوجد منهم الكثير

ويوجد كذلك من يمثل التعليم العالي احسن تمثيل مثل مزياني فريدة وعواشرية نعمة الاساتذة


لايوجد بديل عن قسنطسنة ورقلة 500 كيلو ياسر اتسمى تروح ودجي 1000 كيلو ههههه

عنابة ثاني بعيدة كاين قسنطينة 200 كيلو هذي لقريبة في بسكرة محبوش يديرو

اتسمى مرغم اخاك لا بطل

[smisma87]

bonne chance c tou.....

[bilel0522]

المشاركة الأصلية كتبت بواسطة smisma87

اك تحكي علئ زغداوي ...ايه خربطونا كامل كيما المدرج تاعنا قالونا الاساتذة و هو استاذ من بينهم حاسب في روحو*ح.عصام* انو الاجابة الصحيحة هي التي تضع علامة فيها والعكس هو الصحيح كما قال استاذ المادة ويلعبوها فاهمين المهم ربي ينجحنا برك غدا التلاثاء النتيجة...
وبخصوص الكابا هي موجودة بالفعل لم يحددوا التاريخ لبداية التسجيل فقط والتحت لتحت ماشكيتش كاينا....

راني نحكي على زغداوي الي عندو 10000 حجة مالا خلاص رسمي غدوا أنا ماطلعتش اليوم و عنابة ماشي كامل الولايات يقدرو يسجلو فيها ربي يسهل سلام

[badr alg]

ربي يقدر الخير برك الحجة ليست دليل على التقوى الواحد يقول ربي يهدي ماخلق وهذا مكان