حبيت نسقسيكم...........

[racha2011]

السلام عليكم اخواني و اخواتي
ربي يخليكم قولولي : ما مرضتيوش في هذ الامتحانات ؟؟؟؟؟؟؟؟؟؟؟؟
لاني انا ما قدرت نقرا والو نعبي كراس ندوخ و نولي ما نشوفش تلقاني غير نبكي كل ما نسمع سيرة القراية تحلف عليا جامي درت امتحان و كيما قالي الاستاذ هذا غير امتحان عادي ما نعرف واش رايح يصرالي نهار الباك ؟؟؟؟!!!!!!!!!!!!
ربي يكون في العون
و انتم قولولي واش حسيتوا؟؟؟؟؟؟؟

[fadi3]

لاااااااااااااااااااااااباااااااااااااااس

[ساحر النهى]

تبكي ؟؟ فكرتيني بوحد الروبيني نعرفو

على كل حال انا راح نقيم نفسي في الرياضيات والفيزياء والعلوم فقط

كيفاش نقيم روحي في مادة ماعطيتلهاش حقها ؟ المواد الثانوية كي يقولو غدا عدنك تربية اسلامية اليوم نراجعها وبالتالي اي نقطة رايح نديها فالتربية اسلامية مثلا ماهيش رايحة تغيضني ، كي نصيب روحي مليح فثالوث الموت نسيي نقلب الفيستا مين ذاك للمواد الاخرى وبخصوص الرضا الحمد لله دائما راضي وننسى ليه ليه ، كيما نفرح بالنقطة المليحة وننسى الرح ليه ليه تاني ننسى هم النقطة لي ماهيش مليحة وبالعكس هي دافع ليا باش يوريلي وين راني واصل و تدفعني للعمل اكثر فاكثر رغم ان الوقت راه كيما المنشار غير تخمم باش تهدر معاك يجرحك فمابالك تخلط فيه ؟

سلام

[إبريق]

لالا أنا مرضت او قريب نغرغر
القراية صعيبة ما لقيتش روحي

[نسيم الجود]

السلام عليكم


أنا بانسبة ليا أني حاس روحي بلي جامي قريت

[رحاب بن عودة]

في الواقع أنا لم أشعر بتوتر أثناء الإجابة ولا قبل الإمتحان .. ربما لأنني باردة الأعصاب فلم يسبق لي أن شعرت بتوتر أو خوف .. حتى أن نبضات قلبي لا تخفق قبل تسليمنا أوراق الأسئلة .. عموماً لقد حاولتُ بذل أقصى مجهوداتي في هذا الإمتحان .. لستُ على ثقة بتحقيق معدل ممتاز كما تعودت في السنوات الماضية لكنني أعتبرها تجربة مضت وأخذت منها العديد من العبر و النقاط المهمة التي ستفيدني في امتحان البكالوريا

عليكم أن تحاولوا ضبط أعصابكم لأنه مجرد امتحان فصلي وامتحان البكالوريا مختلف تماماً عنه وهذا لا يعني أنه أصعب ولكنه مختلف من ناحية طبيعة الأسئلة التي تكون واضحة ومباشرة على عكس الإمتحانات الفصلية التي تكون مدققة

بالتوفيق لي ولكم جميعاً
دمتم بـود

[الفلاح المحترف]

يستطيع كل واحد منا ان يدخل قاعة الامتحان وهو يبتسم
مجرد امتحان فصلي لا يسمن ولا يغني لكنه فرصة للتعود على نوعية وصعوبة الاسئلة ومع ذلك فالاغلبية لم تحسن استغلاله
بالتوفيق

[anouar_tlm]

انا كامل نسيت بلي راني نفوت اختبارات .هدا مجرد معركة وليس الحرب اخسر معركة ولا اخسر الحربوهو الباك
هههههههههههههه

[minou23]

walah normal jani koulech mli7 wrani n9ayem fi rouhi bhad les compo

[✗ ┋ وَړْﮃَةُ آلـﭴَزآئـړْ ┋ ✗]

رغم أني حضرت مليح للامتحانات وحفظت وراجعت لكن مانيش راضية

الفيزياء: 5 تمارين صعبة جدا في ثلاث ساعات فقط والمصيبة الكبرى أنو موحد مع تقني رياضي يعني هوما حلو السوجي في أربع ساعات وحنا في ثلاث ساعات فقط والسوجي معمر بالأخطاء يعني الفيزياء مادتي المفضلة راحت كاعاد ما كملتش ما كفانيش الوقت

الرياضيات تمرين كامل على 6 راح لأنو ما ركزتش في أول سؤال
العلوم خدمت مليح مليح
الفرنسية: مع أستاذتنا ربي يجيب إن شاء الله نلحق ل 10
انجليزية خدمت مليح
أدب نص بنص
اجتماعيات خدمت مليح
شريعة: خدمت مليح
فلسفة خدمت مليح

يعني عموما لاباس مانيش متوقعة معدل ممتاز كيما تعودت في السنوات السابقة لكن المهيم نتعلمو من الأخطاء لأنو هاذ الاختبارات الفصلية رانا نحضرو بيها للباك

[meryem1992]

ااااااااااااااااااانا والو لمتحنات هذوا مخدمتش مي نورمال كلش فالباك

[الفلاح المحترف]

ارى ان الجميع لا يتوقع معدلا جيدا
وما المشكل ؟ ما فائدة معدل 18 في هذه الفصول خصوصا ان كانت الاسئلة سهلة والمعدل لا يدل على المستوى

[الفلاح المحترف]

المشاركة الأصلية كتبت بواسطة ouarda1992

رغم أني حضرت مليح للامتحانات وحفظت وراجعت لكن مانيش راضية

الفيزياء: 5 تمارين صعبة جدا في ثلاث ساعات فقط والمصيبة الكبرى أنو موحد مع تقني رياضي يعني هوما حلو السوجي في أربع ساعات وحنا في ثلاث ساعات فقط والسوجي معمر بالأخطاء يعني الفيزياء مادتي المفضلة راحت كاعاد ما كملتش ما كفانيش الوقت

السلام عليكم
ممكن اسئلة الاختبار؟

[✗ ┋ وَړْﮃَةُ آلـﭴَزآئـړْ ┋ ✗]

المشاركة الأصلية كتبت بواسطة حكيم يابوس

السلام عليكم
ممكن اسئلة الاختبار؟

طبعا ممكن
الأسئلة في متناول الجميع لكن المشكلة هي الوقت يعني نفس السوجي مع تقني رياضي وهوما يحيوه في 4 ساعات ونحن في ثلاث فقط

والله العظيم كنت نحل ونكتب وما نتأكد ماوالو والأسئلة اللي يحتاجو تخمام نخليهم ونفوت باش نكمل قلت مبعد نرجعلهم كي نكمل لكن المشكل أنا كملت التمرين الخامس خلص الوقت وما رجعت ماوالو هذا غير أنو الحسابات متأكدة باللي غلطت فيهم
والتمرين الأول مليء بالأخطاء



الصفحة الأولى:




الصفحة الثانية والثالثة:




الصفحة الثالثة:

[الفلاح المحترف]

[quote=ouarda1992;4231718]طبعا ممكن
الأسئلة في متناول الجميع لكن المشكلة هي الوقت يعني نفس السوجي مع تقني رياضي وهوما يحيوه في 4 ساعات ونحن في ثلاث فقط

والله العظيم كنت نحل ونكتب وما نتأكد ماوالو والأسئلة اللي يحتاجو تخمام نخليهم ونفوت باش نكمل قلت مبعد نرجعلهم كي نكمل لكن المشكل أنا كملت التمرين الخامس خلص الوقت وما رجعت ماوالو هذا غير أنو الحسابات متأكدة باللي غلطت فيهم
والتمرين الأول مليء بالأخطاء



بارك الله فيك
والله امتحان هايل مي مزال مدخلتوش الوحدة الثالثة ؟