ارحموا عزيز قوم ذل

[bou saadi05]

السلام عليكم و رحمة الله

ببالغ الأسى و الحزن ابلغكم وفاة موهبتي في الدراسة و تفوقي في السنوات الماضية
بعد ان كنت دائما مع الأوائل اصبحت ابحث عن الصعود فقط

في الرياضيات معدل 10 من 20
في العلوم 12 من 20
في الفيزياء 12 من 20
في الادب و الاجتماعيات و الانجليزية 13-14-16
في الفرنسية 9





كم تتوقعون أن يكون معدلي هذا الفصل ؟؟؟؟؟؟؟؟؟؟؟؟؟؟؟؟؟؟؟؟؟


هل من أفكار تساعدني على العودة إلى صفوف الأوائل

[سومية1]

لا تـفقد الأمــــــــــــــل يا أخــــــي....
المثــــــــابرة و الثقة بـــالنفـس ستعيـدك إلــــى صفوف الأوائـــــــــل
الـمهم أن تستفـيد من تجـاربك و أخــــــــطائكــ

[رماد الحب]

خويا نقولك حاجة رانا أكل كنا نقراو مليح العام اللي فات وانا ثاني كنت من الاوائل بصح السنة راهو صاري العكس مانيش نخدممره في الفروض ومانحكيلكش على الاختبارات راني زبلتها ومنكذبش عليك راني مشوكية بزاف بزاف بصح واش رايح تدير متقدرش تبدل العلامات تاعك صح تغيظك تقرى بزاف وفي الاخير ماتخدمش انا ثاني حوست على حل بصح مالقيتش واش رايحين نديرو مانعرف والله غير كرهنا حياتنا هات نباسيو العام برك ان شاء الله يعني تعودت على هذه الحالة فهي صعبة ومحيرة وحنا رانا فاهمين واش رانا نقراو بصح كي يتحط السوجي ننساو كلش لاه مانعرف نتوكلوا على ربي هذا مكان سلام

[اميرة الجلفة17]

والله يا جماعة اصبحت حالتنا يرثى لها
لازم من العطلة نوجدو رواحنا مليح للفصل الثاني لوكان يصرالنا الفصل الثاني كيما الاول الترمينال ما نحلموش بيها
انا تاني هردتها فالفروض و الاختبارات ما نحكوش عليهم
و كيما قالت الزميلة نستفيدو من اخطاءنا
وفي الاخير ربي يوفقنا انشاء الله

[شبح المنتديات]

المشاركة الأصلية كتبت بواسطة رماد الحب

خويا نقولك حاجة رانا أكل كنا نقراو مليح العام اللي فات وانا ثاني كنت من الاوائل بصح السنة راهو صاري العكس مانيش نخدممره في الفروض ومانحكيلكش على الاختبارات راني زبلتها ومنكذبش عليك راني مشوكية بزاف بزاف بصح واش رايح تدير متقدرش تبدل العلامات تاعك صح تغيظك تقرى بزاف وفي الاخير ماتخدمش انا ثاني حوست على حل بصح مالقيتش واش رايحين نديرو مانعرف والله غير كرهنا حياتنا هات نباسيو العام برك ان شاء الله يعني تعودت على هذه الحالة فهي صعبة ومحيرة وحنا رانا فاهمين واش رانا نقراو بصح كي يتحط السوجي ننساو كلش لاه مانعرف نتوكلوا على ربي هذا مكان سلام

نقلك علاه يتحط السوجي ننساو كلش خاطاك كي يتحط نضغطوا راوحنا باش تخرج المعلومة ويزيد التوتر كي مايبانلك والو وكي نخرجوا تخرجا المعلومات بالشكارة ننصحك كي يتحط السوجي قدامك انتبهي لنفسك هل أنت متوترة أم لا فان كنت متوتر فحاولي أن تهدئي وأن تخفضي توتركي مثل بالتسبيح والأدعية والله ولي التوفيق