نكت قسنطينية foooooooooooor!!!

[max_lord]

السلام عليكم و رحمة الله و بركاته
اليوم جبتلكم بعض النكت

قالك واحد الجزار راح يخطب قالولو "لازم تدفع خمسة ملاين مهر قاللهم "علاش شحال للكيلو "


واحد فنيان يخدم في حانوت تاع الدجاج يبيع الدجاج حي جات عندو وحدة و قالتلو "شوفلي دجاجة فيها 2كيلو". ايا شاف مليح فالدجاج وقال"اللي فيها 2كيلو تنوض "


واحد قال ليماه بغيت نتزوج بوحدة بيضة وطويلة وخدامة ...قالتلو شوف كاش فريجيدار


قالك واحد في حياتوا ما راحش لعرس وهو انسان نية بزاف واحد النهار عرضوه لعرس مطرطق يعني فور بزاف ايا في العرس مول dj كان داير الغنية نتع ( هو السراق والله ما أنيا ) و كي كان المغني يقول هو السراق مول dj ينقص للغنية والغاشي يعاود موراه والله ما أنيا المهم بقاو هكذاك حتى خلاصت الغنية
السيد كي رجع للبلاد سقساوه صحابوا وش العرس مليح عجبك قالهم فور بزاف عجبني بصح
مول dj ما نعرف وش سرقولوا بايت يحلف فينا


واحد حابس كان يمشي مع وحدة شافت باباها من بعيد قاتلو روح بابا راهو جاي قاللها : كشماكان أنا خوك....هههههه


قلك واحد حابس خلاصتلو القرعة تاع الغاز أيا عضها ....

اتمنى ان تنال اعجابكم