أغــفرلي راني حبيت

ramzi nassim · 2011-02-04, 01:44

صــد الغـــزال راح و ما رجع ++++ خـلى قــلبي بجــــــراحه يــــعاني

حــبل المـحبه راه مـا انــــقطع ++++ ما زال حــبه يتـــحرك دخــــلاني

راه كـــي النـــــار و مـــا نــفع ++++ ما قـــدرت نـنــــسى اللي نـساني

فــطم قلـــبي والله مـــا شــــبع ++++ مـن حـــنانه. يـــبكي مـا هــــناني

مـن صــد الزيــنه راني غـريب ++++ تـايه ما لقــيت طـــريق اوطــاني

نسـول النـجوم و نـبكي للـــذيب ++++ نـتانس بالوحــش راني بـــراني

لو نـعيد قــصتي للــــيل يــشيب ++++ و يبكي حفنه دموع عللي بـلاني

لا لومه يا ليل راه صــد الحبيب ++++ وقف العــــمر بيا هــنا و خـلاني

حــوجي انا كـــفاش راح انـــدير ++++ معلق في خيط ما داني ما خـلاني

يـدوح بـيا و القــلب راه ضــرير ++++ نضحك مره و نغرق في احــزاني

بــدلو و ما عـطاوهاشي التخـيير ++++ ادات القلب معاها و بقات امحـاني

يا غـربتي بـين اهـلي وانا امــير ++++ خلعت تاجي و طـيته للي عصــاني

ربي صبرني يا عـــالم الاكـوان ++++ الـروح لــيك و الجـــسد راه فـــاني

أنت الزارع الحــب في الانـسان ++++ مخلوق و خـلقت منه واحـد ثـــاني

آزارع الحب في قلبي و الايمان ++++ نسالك وعــارفك انــت ما تنــــساني

لا قيني بالمخلوقه قرة الاعـيان ++++ وأغــفرلي راني حبيت و انت تـراني

خالد حبيب · 2011-02-06, 19:33

كلامك جميل

ramzi nassim · 2011-02-07, 18:17

اقتباس:

المشاركة الأصلية كتبت بواسطة خالد حبيب

كلامك جميل

شــــــــكرا على مرورك أخـــــــي خــالد حبيب

ahsene · 2011-02-12, 10:55

فووووووووووووووووووووووووووووور

ramzi nassim · 2011-02-12, 22:10

اقتباس:

المشاركة الأصلية كتبت بواسطة ahsene

فووووووووووووووووووووووووووووور

و لماه تقوللي فووور؟.. يا احسن يا خويا قولهالي بالسكيكديه...ماعليكش؟... سلم لي على سكيكده من قراند بلاج الى ميرامار..و من سطوره لشاطو فار و بلاج عربي بن المهيدي..الله يسلمك أخي و مشكور على المرور

ramzi nassim · 2011-02-12, 22:37

اقتباس:

المشاركة الأصلية كتبت بواسطة ahsene

فووووووووووووووووووووووووووووور

شكرا أخي احسن ما عليكش؟ وش راها سكيكده سطوره و ميرامار؟...