من منكن تستطيع صنع المايونيز

السوفي البربري · 2010-10-17, 16:48

من منكن تستطيع صنع المايونيز

زهرة النرجس2 · 2010-10-17, 17:06

انا ما يطلعش على يدي

السوفي البربري · 2010-10-17, 17:07

ساهل خلاص

wassila21 · 2010-10-17, 17:25

يا أخي هل تبحث عن الطريقة أم مجرد إستطلاع؟؟؟؟

السوفي البربري · 2010-10-17, 17:40

اسؤل عن الطريقة افيدنا من فظلك

wassila21 · 2010-10-17, 17:50

أفصل البيض يكون بدرجة حرارة المطبخ و خذ الأصفر في طبسي غامق زيدله شوية موطارد إذا كاين و ضرب بالباتور و في نفس الوقت ضيف زيت نباتي بملعقة صغيرة على شكل خيييييط بالشوية، و كي تشوفها بدأت تعقد زيد كمية الزيت ألي راك حابها بالشوية ثان و كي تكمل ضيفلها الملح و الخل حسب ذوقك و راح توليلك بيضاء كيما تاع برا

السوفي البربري · 2010-10-18, 11:21

شكرا اختيي

عبلة123456 · 2010-10-18, 12:59

سلااام
اختي ديري مثلا زوج بيض ولوحيهم في الروبو كي يتخلطو مليح زيدي الزيت بالشوي والروبو راهو يمشي بعد 15 دقيقة تلقايها طلعت من بعد زيديلها شوي خل و الثوم والملح والفلفل الاسود وشكراااااااااااا

سوسن 1994 · 2010-10-18, 15:44

صفار بيض وخل وزيت تخلطي الصفار والزيت واضيف لهما الخل بالمختصر

soltana · 2010-10-18, 21:59

انا نتاعي ساهلة بال ميكسور ديري فالbol نتاعو حبة بيض و كاس زيت و شوية موتارد و فلفل اسود وملح و ميكسيهم و كي تتلعلك في اقل من دقيقة زيدي شوية خل قد مغرف والا زوج و عصير الليمون و خلاصات
و هذا هو لميكسور

قون · 2010-10-18, 22:18

راني قؤيت مشاركاتكم وحبيت نزيد نقلكم كيفاه نخدموها احنا
كاس زيت ديري نص تاعو في الباتور زيديلو مغرفة موطارد +قطرة ولا 2 خل+شوية ملح+شوية فلفل اكحل خلطي +بيضة كاملة
مبعد زيدي النص تاع الزيت لي بفى وزيدي معاه فرماجة وعضمة مغلية وخلطي
ومبعد ردولي لخبر

بسازوكي · 2010-10-18, 22:30

انا نحب ندير لامايوناز بالميكسور ساهلة بزاف

remadna · 2010-10-21, 15:14

اقتباس:

المشاركة الأصلية كتبت بواسطة قون

راني قؤيت مشاركاتكم وحبيت نزيد نقلكم كيفاه نخدموها احنا
كاس زيت ديري نص تاعو في الباتور زيديلو مغرفة موطارد +قطرة ولا 2 خل+شوية ملح+شوية فلفل اكحل خلطي
مبعد زيدي النص تاع الزيت لي بفى وزيدي معاه فرماجة وعضمة مغلية وخلطي
ومبعد ردولي لخبر

بيضة مغلية كلها أو الصفار وحده برك ، و كيفاه في الباتور أو الميكسور؟ ردي أنا في الانتظار

أسية24 · 2010-10-21, 17:10

اقتباس:

المشاركة الأصلية كتبت بواسطة عبلة123456

سلااام
اختي ديري مثلا زوج بيض ولوحيهم في الروبو كي يتخلطو مليح زيدي الزيت بالشوي والروبو راهو يمشي بعد 15 دقيقة تلقايها طلعت من بعد زيديلها شوي خل و الثوم والملح والفلفل الاسود وشكراااااااااااا

أنا الطريقة نتاعي كيما نتاع عبلة تخرج ثقيلة وشابة لكن ما تكثريش عليها التخلاط راهي ترجع خفيفة وما تبغيش تثقل مهما زدتي فيها الزيت لكن هناك حل انا إذا رجعتلي خفيفة نجيب حبة بيض أخرى ونبدى نضرب فيه ونضيف هذاك الخليط الخفيف ترجع ثقيلة احسن ملي ترميها

OUM MOHAMED KHALIL · 2010-10-21, 18:38

السلام أخواتى أنا عندى طريقة مختلفة عليكم و نقدر نقولكم بأنها صحية لأن ما فيهاش البيض يعنى ممكن نتركها فى التلاجة مدة أطول بدون ما نطول عليكم المقادير::::2فرماجات متلتين المربعين لا )تم نعمل معها 3 معالق الحليب أو الماء تم نخدموهم بالباطور حتى يصبح الخليط على شكل كريمة ))))تم نعمل الزيت على شكل خيط حتى يطلع ----تم نعمل الملح الابزار بدون خل و لا حامض أما ادا بغيت تقدميه مع المشويات حكي فيه التوم أو الأعشاب المنسمة هده الطريقة لما كيصدقش ليها بالبيض لديدجدا ولا فرق فى المداقمن فضلكم أدعو لى بالشفاء وللاولادى بالهداية حتى ولو لم يعجبكم جوابى و شجعونى لانه اليوم الاول لدخولى لهدا المنتدى و المشاركة فيه