بعثوني هندسة معمارية ...

أمنية الجزائر · 2010-07-29, 15:55

في رايكم يا جماعة الهندسة المعمارية في جامعة منتوري بقسنطينة مليحة و لالا ، و اي معلومات فيها مفيدة نتمنا تفيدوني بها.

sif017 · 2010-07-29, 15:56

راح تاكل النيلو معاها وترشى ثم ربي يصبرك

ايمان30 · 2010-07-29, 15:59

أختي ممكن سؤال واش حال معدل القبول تاع الهندسة المعمارية

هبة الله اريج · 2010-07-29, 16:03

قداه معدلك؟.

إيمان 3 · 2010-07-29, 16:03

يا أمينة انا تاني عطاولي هندسة معمارية في الأغواط هي مليحة بصح يلقلها تحطي راسك و تتعبي شوي برك ما يخلعوك ما والو فيها مستقبل مليح بزاف و خدمتها مطلوبة وليد خالي تخرج شهر و شد خدمة من لمخيرة برك حبيها لأنها تحتاج حس فني و شوي دراهم على جال الماتريال العام لول برك

أمنية الجزائر · 2010-07-29, 16:19

أوكي شكرا لك على المعلومات ، و رايحين نتعاونو أنا وياك و نقراو سوية يا إيمان . معدل القبول تاعها هو ، في قسنطينة 14.75 و انا معدلي 14.82 و في الاغواط شحال ؟؟؟؟؟؟؟؟؟؟؟؟ . راهي عاجبتني ، بصح حابة معلومات أكثر عليها .

عاونوني بليييييييييييييز

تيارتي1 · 2010-07-29, 16:57

السلام عليكم

نظن انتي أمنية انتاع منتديات التعليم الثانوي .....ان شاء الله فيها الخير يا أمنية مادام عاجباتك نظن مازال الحال منا لدخلة

غادي ان شاء الله تصيبي معلومات وافرة عليها....بالتوفيق ليك ان شاء الله وللفراشات.

reves · 2010-07-29, 18:17

moi ossi c architecture mais c a tizi ouzou on ma dis ke mliha bezaf

سلمى سلمى · 2010-07-29, 21:07

انا بعثوني هندسة معمارية في شلف وصح هيا قراية واعرة بصح شابة ربي يوفقنا

أمنية الجزائر · 2010-07-29, 21:48

إيه راهي حققت الإجماع بين الناس بلي راهي شعبة مليحة و فيها خدمة شابة ، و الله كي تجي للصح غير خير من الصيدلة و الطب .إن شاء الله رايحين نتعاونو كامل و نقراو و ننجحو و نوليو مهندسي و مهندسات .

ربي يوفق كامل ولاد الجزائر و ماتزعفوش كاين ربي .