الى الخنشليات

السوفي البربري · 2010-10-14, 21:34

الي تعرف الزرير تصفه لي باش نقول عليه ليامه الحنونه

امينة ع · 2010-10-14, 22:24

احنا الزرير في الشرق الجزائري وبضبط في باتنة
نحمصو او نقليوه اولا والمكونات هي قمح محمص وعدس محمص وحمص محمص وكاوكاو محمص وسكر ونديوه عند الي يطحن ويطحنو جيدا يرجع مثل الدقيق هذا هو الزرير
وطريقة تحضيرو :
في كسرونة نصع الزبدة وشويا عسل حتى تذوب ونضيفو الزرير تدريجيا الى ان يتماسك الخليط ولازم ميجيج شايح بزاف ونزينوه بالجلجلانية او المكسرات المرحية
ملاحظة اخرين يزيدو يطحنو مع المكونات مكسرات الي يحبوها
وحنا الشاوية نحبو نديرو الكاوكاو على خاطر الكاوكاو يزيد الحليب عند المرأة النافس من اجل الطفل الرضيع
هذي معلوماتي على الزرير واتمنى ان اكون افدتو الجميع
وشهية طيبة
ام وائل

asma_83 · 2010-10-15, 00:10

علؤمرحبا.......احنا في خنشلة نقليو القمح في المقلة وكذلك الحمص والقليل من العدس هذا هو الاساس اما المكسرات فهو امر اختياري و يتوقف على ريرالامكانيات.ونبعثوهم للمطحنة الناتج تسميوه الروينة و اخرين يسموها البسيسة.
اما طريقة التحضير:
العسل المخفف قليلا مع كمية من الزبدة او المارغرين على نار هادئة حتى تذوب الزبدة و ترفع من على النار ونبدا باضافة الروينة بالشوية و نحرك.مالازمش يكون الزرير خاثر.
ويزين يالمكسرات حسب الاختيار.
امممممممممممممممممممممممممممممممممممممممممم

امينة ع · 2010-10-15, 10:51

صباح الخير
صحيح اختي الناتج عن طحن المكونات نقلولو البسيسة او الروينة انا البارح راحتلي الكلمة
شكرا لك فكرتيني فيها

ايمان2009 · 2010-10-15, 11:47

احنا نقليو القمح في الطاجين و نرحيوه في المطحنة هدا البودر نقولولو الروينة
نحطو في كاسرونة الزبدة و قليل من الماء و السكر او العسل كي يغليو ننزلوهم من فوق النار و نزيدو الروينة حتى نتحصل على شكل عجينة طرية
نضعها في الصحن و نزينوها كل واحد و كيما يحب بالمكسرات او الجنجلانية
و نعملوها خاصة للنفاس

السوفي البربري · 2010-10-16, 09:02

شكرا لكم جميعا

السوفي البربري · 2010-10-16, 20:53

شكرااااااااااااااااا

السوفي البربري · 2010-10-17, 16:34

شكرا على المعلومات

'' أمة الرحمن '' · 2010-10-21, 20:18

احنا نحمصوا القمح فقط تم يتم طحنه
نخلط كمية متساوية من الزبدة و العسل و نغليها ثم نرفعها عن النار و نضيف القمح المطحون _ الروينة _ و نخلط حتى الحصول على الزريرة سائلة نوعا ما ثم نضعا في غرفية ونزينها بالمكسرات

السوفي البربري · 2010-10-21, 22:14

شكرا جزيلا

'' أمة الرحمن '' · 2010-10-25, 12:48

العفووووووووو