استدعاءات مركز البحث البيوتكنولوجي قسنطينة

2alia · 2011-10-31, 15:50

السلام عليكم البارح عيطولي le centre de recherche en biotechnologie قالولي باش تجي تدي الاستدعاء رحت اليوم جبتوا المسابقة خاصة بمتصرف اداري نعقبوه يومي 4 و 5 نوفمبر 2011 بجامعة العرقوب باتنة
4 نوفمبر حاطيلنا نقبو على 14.00 بصح ماش محددين المادة و أكيد تكون ثقافة عامة تسمى 3 ساعات
شوفوا التمسخير و قلة التخطيط كيفاش واحد يروح من قسنطينة باش يعقب في باتنة يحطولوا امتحان يوم الجمعة و في المساء كيفاش يروح الانسان هدا ولا وين يروح يبات و هو أصلا ما يرفش المكان . ربي يهدي المسؤولين تاعنا كرهونا في كل شي.
كيما أنا فتاة كيفاش ندير بلاك راجل يدبر راسو و مرا كيفاش دير لا حول و لا قوة الا بالله.

condor5000 · 2011-10-31, 17:39

اذهبي يوم الخميس 3 نوفمبر الى باتنة و حاولي ايجاد غرفة في الاقامة الجامعية للبنات او في الفندق

2alia · 2011-11-01, 10:21

السلام عليكم
يا أخي راني فكرت في الاحتمال هدا بصح المسابقة جات في وقت عيد الناس كامل تروح، و يوم السبت يوم رفة انشاء الله على قداه نخلصوا الامتحان و على قداه تروح أكيد النقل يكون ناقص بزاف، حتى باش نكري Taxieur منا من قسنطينة باش يجي يديني السبت لعشية واحد ما حب عشية عيد لابالك كيفاش.
المهم هدا يبيلنا سوء تخطيط الادارة الجزائرية يتمسخروا بالناس عشية يد و يقولوا لواحد من قسنطينة يعقب امتحان في باتنة و يخلص لعشية، كلشي مكتوب و الله حسرة في قلبي كنت متمنية بزاف نجوز هده المسابقة.
بالتوفيق انشا الله للي حالفو الحظ و قدر يروح .

*تسنيم* · 2011-11-01, 10:25

ماكفاتهمش قسنطينة رايحين لباتنة هدا منكر وزيد داروها قبل العيد باش ماتلكاش الناس فاه تروح حسبيا الله ونعم الوكيل.

*تسنيم* · 2011-11-01, 10:33

اقتباس:

المشاركة الأصلية كتبت بواسطة 2alia

السلام عليكم
يا أخي راني فكرت في الاحتمال هدا بصح المسابقة جات في وقت عيد الناس كامل تروح، و يوم السبت يوم رفة انشاء الله على قداه نخلصوا الامتحان و على قداه تروح أكيد النقل يكون ناقص بزاف، حتى باش نكري taxieur منا من قسنطينة باش يجي يديني السبت لعشية واحد ما حب عشية عيد لابالك كيفاش.
المهم هدا يبيلنا سوء تخطيط الادارة الجزائرية يتمسخروا بالناس عشية يد و يقولوا لواحد من قسنطينة يعقب امتحان في باتنة و يخلص لعشية، كلشي مكتوب و الله حسرة في قلبي كنت متمنية بزاف نجوز هده المسابقة.
بالتوفيق انشا الله للي حالفو الحظ و قدر يروح .

صح كلش بالمكتوب لكن زيدي فكري بالاك تلقاي حل شوفي واحد من العائلة بالاك يجي يديك وبالتوفيق.
لي سؤال ماعلابالكش وكتاش يعقبو البيولوجيين وهل الاستدعاء لازم يهزو المعني بالامر وشكرا.

2alia · 2011-11-01, 10:53

و الله يا أختي درت كل الحلول ما كانش شكون الي حاب يرح بالسبت لباتنة و علابالك عشية عيد كل الناس تكون مشغولة، الستدعاء لازم المعني يهزوا لأنو لازم تستظهري بطاقة التعريف الوطنية و تمضي، بخصوص استدعاءات البيولوجي بلاك مازال البارح كي رحت غير المتصرف و تم ما يمدولك حتى معلومة أي حاجة تسقسي عليها ما علابالناش.
ربي يوفقك أختي انشا الله

condor5000 · 2011-11-01, 18:24

اقتباس:

المشاركة الأصلية كتبت بواسطة صافينيزا

ماكفاتهمش قسنطينة رايحين لباتنة هدا منكر وزيد داروها قبل العيد باش ماتلكاش الناس فاه تروح حسبيا الله ونعم الوكيل

.

في الحقيقة المسابقة التي تجرى خارج الولاية تكون لها شفافية عكس مسابقات جامعة قسنطينة الشكلية

*تسنيم* · 2011-11-01, 18:47

اقتباس:

المشاركة الأصلية كتبت بواسطة condor5000

في الحقيقة المسابقة التي تجرى خارج الولاية تكون لها شفافية عكس مسابقات جامعة قسنطينة الشكلية

هدا مانتمنه اخي.بالتوفيق للجميع.

2alia · 2011-11-02, 10:00

السلام عليكم
انشاء الله يا أخي صح تكون كاينة شفافية، وشية ما يديروهاش برك في وقت تعجيزي كيما عشية العيد