ربما سنندم ندما كبير على رحيل الشيخ سعدان... و الآن ندمتم فعلا

[dina-dz]

ذهب الشيخ سعدان وذهبت معه الافراح

كنت قد كتبت هذا الموضوع عند اقالة المدرب القدير رابح سعدان و قيل لي آنذاك


رابط الموضوع السابق :
https://www.djelfa.info/vb/showthread.php?t=379737
رأينا صواب يحتمل الخطأ و رأيكم خطأ يحتمل الصواب "

و كان استنتاجي في محله

سيعود المنتخب الوطني الى الحضيض ونبكي على ايام الشيخ سعدان
يكفي انه اخرج شعبا باكمله الى الشارع
يكفي انه علم من لا علاقة لهم بالكرة أن يشاهدوا مباريات المونديال
يكفي انه صنع من لاشيء منتخب وقف الند للند امام الانجليز
يكفي ان الصحافة الاوروبية قالت عنه داهية
لن ننساك يا شيخ المدربين .....

اما بعد انا حابة نشوف الجماعة الي كانت تحكي على شيخ الشيوخة سعدان
و يقولو راهو كبر و خرف و ماعادش يصلح يدرب و كلامي موجه لبعض اشباه المشجعين
الي سبوه في 5 جويلية و امبعد في في البليدة يشوفو فيها رجلة واحد مازال تصرف عليه ........ يسب واحد في العمر كيف باباه والا اكثر

كلامي موجه للجرائد انتاع العار الي عندنا الي يعمروا في الصفح انتاعهم بالكذب ( 2000000 نسخة ) الي كانو يحبو يفرضو عليه اللاعبين المحلين

شفتوا لموشية اللي قلتوا سال دموا في القاهرة

هاو اليوم سيلس دموعي

هو دخل طف زوج بيوت الله لا تربحوا

زياية كالنعامة

الحاج قفريطة يتهامى وحدوا

سي عبدون تأكدت اليوم وعلاه سعدان حاطو في البنك 11 شهر مستوى محدود


و انا حابة نوجه كلامي لبعض اشباه المدربين امثال ( قندوز ) اكرمنا الله و اياكم نشفالو يقول في صدى الملاعب سعدان خواف و ما يقدرش يلعب بخطة هجومية لازم يبدل
التكتيك 4-4-2 انا اليوم تيقنت بلي هاذ الخطة الي خدم بيها بن شيخة 4 في المحور ماشي ناجحة على خاطر لاعبي الاجنحة عندنا back left و back right فاشلين



ارواح يا قندوز و نعت للشيخ سعدان واش يخدم روحي يا دنيا روحي
انا ما نلومش بن شيخة على خاطر ما عندوش عصا موسى
و في الاخير الكورة في الجزائر ماشي هلكوها غير المسيرين راهم زادو عليهم المذكورين اعلاه ( اشباه المناصرين و الصحف انتاع الهم و قداما اللاعبين ماشي الكل بصح امثال قندوز
و في الاخير زيدو استناو 24ans اخرين حتى يرجع ولد سعدان باه نروحو لكاس العالم




وتنتهي الحكاية



الخلاصة المريرة التي لا يدركها الكثيرون هي أن جل اللاعبين محبطين نفسيا لرحيل الأب الغالي والعزيز
والأدهى والأمر هو أن المدرب الجديد له شخصية اندفاعية




شكرا لك شيخنا سعدان أهلتنا للمونديال بعد طول انتظار وأسعدتنا كثيرا
بارك الله فيك


و السلام ختام
منقل

[لوجين]

أنا معاك بأن سعدان أهل المنتخب لكأس العالم واخرج 35 مليون للشوارع واحد ما يقدر ينكر خيروا ........لكن في الأخير ولا يخلط برك كيفوا كي ليجوار تاوعنا عمبالك قداه ماتش خسرنا في وفتوا ما حصل في الماتش الأخير هو إمتداد لعهدته بن شيخة دربهم فقط 4 أيام و ما يتلامش (رغم أني لا أثق فيه كمدرب) .............هذا هو مشكلنا في الجزائر البكاء على الأطلال سعدان راح وخلاص والمنتخب في أزمة و الآن يجب الوقوف معه بما هو موجود بن شيخة مدرب اجنبي راوراوة يهبط يدرب ما يهمش المهم النتيجة الإيجابية لي تفرح الشعب مرة أخرى

[(( ضياء الدين ))]

شكرا معك حق

[rezki85]

ha ha ha ; on ne pleurera jamais celui qui a mené l algérie vers la dérive ; saadane a fai oublier le foot aux joueurs

[PROXX]

سلام
راني معاك في الفكرة بصح كاين سلبيات للشيخ سعدان هي المساعد كان بعد كاس العالم يجيب مساعد كفء و محضر بدني في المستوى الدراهم كاينة
و الله اعلم
تحية للشيخ سعدان و رانا معاك يا بن شيخة رابح ولا خاسر
اللغ غالب نحبوا لعلام

[*سلامة*]

شكرا لك

لكن لحد الان لم اندم لاستقالة سعدان

اعتقد ان ذهابه افضل حل لاضطراب الشارع الجزائري هكذا عرفنا ما ينقص المنتخب الوطني في وجود سعدان كنا نرى عيوبه فقط اما الان فاعتقد اننا نرى حقيقة امور اخرى كتراخي الاعب المحترف في الخارج

[مهدي قيرع]

اذا كان سعدان مايعرفش وكان درناكم انتم في بلاصتو خير .......احسن مدرب هو سعداااااااااااااااااااااااااان

[samstar]

شوفي يا بنت الناس الطيبين راكي نادمة انت وحدك برك مصر هزمتنا 04 و صربيا 03 و ايرلندا 03 والامارات ربحناها بالصيروم . وسلوفينيا 01 و ...اخ وفي الأخير الأحلى خسرنا مع الغابون 02 في بلادنا وفي لقاء رسمي مع تنزانيا 1 مقابل واحد ورحمت علينا و عليك افريقيا الوسطى 02 واللبيب بالاشارة يفهم

[amina2215]

يعطيك الصحة اختي
والله ان الشيخ سعدان افضل مدرب
وهاهي الانتكاسات التي حصلت بعد مغادرته .الاعبون تفرقوا وكل واحد يهتم بمصلحته ونسي ان وراءه 35 مليون جزائري
يارب اللطف منك

[samstar]

و النتكاسات اللي حصلت قبل رحيله ؟؟

[ameryahi]

أنا لاحظت أن الأفراح ذهبت قبل ذهاب سعدان بنصف سنة
المشكل ليس في المدرب