ماني متزوج ماني مطلق

الكسول · 2010-10-11, 09:30

ولمعلوماتكم هي جزائرية مية بالمية هههههه

هنا القصيدة + الترجمة لانني اعلم ان ا لاخوة لا يفهمون لهجتنا ^__^
وأحب أن أقول أن هذا هو واقع التشرطات على العرسان في كامل القطر العربي وليس الجزائري فقط
للأسف، ما ساهم في انتشار ظاهرة العنوسة بين الشباب
الله يعينهم

نصحوني مرة صحابي بالزواج *********و قالولي بركاك من التعواج

راهي رايحة تديك المواج************إذا بقيت في العزوبية

بقيت نطلع في الحساب ***********و لقيت كلامهم صواب

و في الغد بعثتهم نواب*********** يطرحوا لأهلي القضية

بابا وافق في الحال*********** و قال نجيبوا بنت الخال

و يما جاها في البال********** يخطبولي وحدة بدوية

تفاهمنا على بنت المدينة******* قالو فاهمة و رزينة

راهي تمخمخ في الكوزينة******* و تطبخ طبخات زينة[

عولنا و قصدنا الدار***********حاملين في يدينا النوار

و درنا و حنا زوار************** قاصدين بنت معينة

الراجل في بنتو شكر و يزيد******* قارية و ما تركتش المسيد

و صحيحة كي الحديد ************بنت العلم و التربية

قلت واش هي الشروط ********راني صرت ليكم مربوط

و مالي عندكم محطوط*********** و نزيدلكم الشهرية

قالي يا وليدي سجل ***********20 صباط باش تبدل

و 50 سروال مفصل ************ و يكونو ضيقين شوية

و زيد كيلو ذهب صافي ***********تجيبو و انت زاهي

و الشنتوف ما هو كافي ********** راني درت فيكم مزية

بنتي راهي غاية و شريفة ********* ما تتركش يدها خفيفة

20 خاتم في القفيفة ************* تحطهم في يدها هي

كرافاش بولحية ما تنساش *********و المليون لازم يكون معاك

و الحايك مرمة لازم تلقاه*************و تقدمو لبنتي هدية

قالي يا السي موووح************** بلاك تنسى خيط الروح

باش يزيد لبنتي الروح ************** تبقالك ديما حية

تشريلها عشر كباش************** و الجاج مشوي ما تنساش

و زيدلها منرا قماش******************** هادي حاجة رمزية

بنتي ما تضربش النشاف************* و من الحمام تخرج بالتلحاف

و ها جيبلو حفاف ***************و تزور sa mère كل عشية

الطفلة نطقت ملهيك *********************يا بابا لازم تنهيه

يتركني نحكم فيه **********************و يمشي معايا بالنية

قالي الشرط ما خلاص************** نقراو الفاتحة قدام الناس

قلتلو راني لباس *********************ومنين نهرب يا خويا

درنا العرس نهار الخميس ************و كثر فيه الهراج و التهراس

المطرب يخلط على الناس ************و الدرباكي يعفس تعفاس

و الجمهور راهو نعاس *******************و البراح يبرح شوية

جابو العروسة للبيت ************كي شفتها من الخوف بكيت

ها على الطابلة محطوط************* و راسها من ال مزبوط

رافدة معاها عشر قطوط******************** تلعب لعبة هزلية

لقيتها مركبة قطع غيار*************** ها و حواجبها و لشفار

و كي ضحكت كلشي طار***************** هادي ماركة عصرية

قالت لازم نبقى حرة****************** و يماك لازم ترميها برة

و ما تكثرش الهدرة ********************انا طفلة متحضر

قلت يا امرة لازم تفهمي****************** ترفدي حوايجك و ترنكي

الترجمة ::

نصحوني مرة صحابي بالزواج *********و قالولي بركاك(يكفيك) من التعواج(من العوج)
راهي رايحة تديك(تأخذك) المواج************إذا بقيت في العزوبية
بقيت نطلع في الحساب ***********و لقيت كلامهم صواب
و في الغد بعثتهم نواب(من ينوب عني)*********** يطرحوا لأهلي القضية
بابا (أبي)وافق في الحال*********** و قال نجيبوا بنت الخال
و يما(أمي) جاها في البال********** يخطبولي وحدة بدوية
تفاهمنا على بنت المدينة******* قالو فاهمة و رزينة
راهي تمخمخ في الكوزينة(شاطرة في المطبخ)******* و تطبخ طبخات زينة(طبخات جيدة) [

عولنا(عزمنا) و قصدنا الدار***********حاملين في يدينا النوار(الأزهار)
و درنا و حنا زوار************** قاصدين بنت معينة
الراجل في بنتو شكر(يمدح) و يزيد******* قارية(متعلمة) و ما تركتش المسيد(المة)
و صحيحة كي الحديد(في صحة جيدة) ************بنت العلم و التربية
قلت واش(ماهي) هي الشروط ********راني صرت ليكم مربوط(مشدود)
و مالي عندكم محطوط(أموالي تحت امركم)*********** و نزيدلكم الشهرية(الراتب)
قالي يا وليدي سجل ***********20 صباط(حذاء) باش(لكي) تبدل(تبدل بينها)
و 50 سروال مفصل ************ و يكونو ضيقين شوية(قليلا)
و زيد كيلو ذهب صافي ***********تجيبو و انت زاهي
و الشنتوف(سلسلة ضخمة من الذهب) ما هو كافي ********** راني درت فيكم مزية(هكذا أكون قد رفقت بحالكم)
بنتي راهي(إنها) غاية (في القمة)و شريفة ********* ما تتركش يدها خفيفة
20 خاتم في القفيفة(قفة صغيرة لوضع الخواتم) ************* تحطهم في يدها هي
كرافاش بولحية(عقد ذهبي كبير جدا) ما تنساش *********و المليون لازم يكون معاك
و الحايك مرمة(قطعة تقليدية نادرة تشبه العباءة لونها ابيض) لازم تلقاه*************و تقدمو لبنتي هدية
قالي يا السي(يا سيد) موووح(اختصار محمد)************** بلاك(إياك) تنسى خيط الروح(عقد ذهبي رفيع)
باش يزيد لبنتي الروح ************** تبقالك ديما حية
تشريلها عشر كباش************** و الجاج(الدجاج) مشوي ما تنساش
و زيدلها منرا قماش******************** هادي حاجة رمزية
بنتي ما تضربش النشاف(لا تمسح الأرضيات)************* و من الحمام تخرج بالتلحاف(طاقم الحمام الرفيع المستوى)
و ها جيبلو حفاف(مجفف) ***************و تزور sa mère كل عشية(تزور أمها)
الطفلة نطقت ملهيك (البنت نطقت من هناك)*********************يا بابا لازم تنهيه
يتركني نحكم فيه(يخليني أنا اللي أتحكم فيه) **********************و يمشي معايا بالنية
قالي الشرط ما خلاص(لم ينتهي بعد)************** نقراو الفاتحة قدام الناس
قلتلو راني لباس *********************ومنين نهرب يا خويا

درنا(أقمنا)العرس نهار الخميس ************و كثر فيه الهراج(الهرج) و التهراس(الضوضاء)
المطرب يخلط على الناس ************و الدرباكي يعفس تعفاس(يعزف عشوائيا)
و الجمهور راهو نعاس(نعسان) *******************و البراح( المنادي في الاعراس) يبرح شوية

جابو العروسة للبيت ************كي(عندما) شفتها (رأيتها)من الخوف بكيت
ها على الطابلة(المائدة) محطوط(ال مستعار)************* و راسها من ال مزبوط(صلعاء)
رافدة معاها عشر قطوط(قطط)******************** تلعب لعبة هزلية
لقيتها مركبة قطع غيار*************** ها و حواجبها و لشفار(رموش)
و كي(عندما) ضحكت كلشي طار(طاقم أسنان)***************** هادي ماركة عصرية
قالت لازم نبقى حرة****************** و يماك(أمك) لازم ترميها برة(في الخارج)
و ما تكثرش الهدرة(لا تكثر من الكلام) ********************انا طفلة متحضر( إنسانة متحضرة)
قلت يا امرة لازم تفهمي****************** ترفدي(تأخذي) حوايجك(أمتعتك) و ترنكي(وتغربي عن وجهي)

tatohaoua · 2010-10-11, 10:23

شكـــــــــــــــــرا جزيلا وربي يحفظك

شهد حنان · 2010-10-11, 13:46

كلمات مليحة مي كثرت فيها شوية على المراة

أيمن عبد الله · 2010-10-12, 16:53

شكرا لك على تذكيرنا بهذه القصيدة القديمة التي ما زلنا نحتاجها حتى في 2010
الله يهدينا للخير

فريدرامي · 2010-10-12, 23:27

شكر جزيلا.................

mimla · 2010-10-13, 14:15

القصيدة جميلة ياأخي وتحكي بعض من الواقع المؤلم لكن لا يجب أن نعمم أنا من الشرق لدي كثير من الصديقات مربيات قاريات فحلات في شغل البيت جميلات من عند الخالق والحمد لله وعند خطبتنا لم نشترط الا ما تيسر لماذا هذا التهجم من الرجال على النساء والعكس أيضا أراه بشكل كبير في هذا المنتدى
هداكم الله جميعا