ليه القدس تبكي

[ابن العروب]

ليه القدس تبكي



أشوف القدس تبكي
ودمع العين سيال
أشوف القدس تبكي
ومحراب العز يشكى
هموم إثقال
يحكي حكايات الأسى
عن نهش الذيابه
وذل القرابة
وقهر الغلابة
من ظلم الاحتلال
أشوف القدس تبكي
وأتعجب
عجب يا ناس
معراج الهدى ينداس
وانتو ولا انتو هنا
لا صحوة ولا إحساس
وين الكرامة يا عرب
وين نخوة الأبطال
قولوا يا أمة المليار
يا أمة الأحرار
إمتى تفوقوا
وتفهموا سورة الأنفال
وليه السكوت يا عرب
يا أمة ماضيها ذهب
ليه الهوان
يا امة القرآن
الأقصى ليلو طال
بدنا وحده مركزه
بدنا همه معززه
تمسح سنين العار
نرد الحق من أولو
ونكتب خُطى الأجيال
ما بدنا مناصب أو مكاسب
ما بدنا حكي بدنا وعي
بدنا عمل من غير دجل
ما بدنا سلام بطال
الحق لينا مثل القمر واضح
لا، لا تصدقوا الدجال
صهيون اللعين
من عهد خيبر
على الملا معروف
أكبر مراوغ ومحتال
يا أهل الفهم
الحق لينا مش لهم
والنصر ليكم يا هلي
لو تصدقوا يذوب المُحال
لو تتوحدوا تهدوا جبال
عودوا للخندق والبندقية
وأحيوا القضية
ردوا الهوية
واغرسوا الآمال


بقلم
ابن العروب

من

دمعاتي الساخنة
اليوم في
2/10/2010