اُختكم الصغرى تنتظر نصائحكم و ارشادتكم

safa93 · 2010-09-30, 21:13

السلام عليكم
انا تلميذة في السنة الثانية ثانوي

أطلب منكم يا اخوتي الكرام
ان تعطوني بعض النصائح و الارشادات التي يجب ان أقوم بها تحضيرا للسنة الثالثة ثانوي

على الاقل-----مادام الوقت لم يفت بعد و مازلت في اول العام كي استغل وقتي و جهدي للتحضير للعام القادم

و سأكون شاكرة لكم جزيـــــــــــل الشكر ايها الكرام

بارك الله فيكم..... و وفقكم في حياتكم .....و جعلكم ذخرا لهذه الامة باذن الله.

asma1856 · 2010-09-30, 21:43

اهلا صفاء واشراكي واش هادي الغيبة المهم بعض النصائح الصغيرة حسب تجربتي
انك تحضري كل الحصص و ما تراطيش سورتو الدروس العلمية علاخاطر مرتبطة ببعضها البعض و زيدي ركزي مليح و راجعي كل ماتكتبوا درس و احفظيه قبي قاوات الاوان و تراكم الدروس هادي هيطريقتي و ابقايعلى خير و تهلاي في روحك

yassine1993 · 2010-09-30, 21:53

نصيحة وحدا ما تخميش في الباك كامل ههههههههههههه زدمي و على ربي

safa93 · 2010-09-30, 21:59

اقتباس:

المشاركة الأصلية كتبت بواسطة asma1856

اهلا صفاء واشراكي واش هادي الغيبة المهم بعض النصائح الصغيرة حسب تجربتي
انك تحضري كل الحصص و ما تراطيش سورتو الدروس العلمية علاخاطر مرتبطة ببعضها البعض و زيدي ركزي مليح و راجعي كل ماتكتبوا درس و احفظيه قبي قاوات الاوان و تراكم الدروس هادي هيطريقتي و ابقايعلى خير و تهلاي في روحك

شكرا لك كثيـــــــــــــرا يا أسماء

بارك الله فيك و جزاك كل الخير

قلب متعلق با لله · 2010-09-30, 22:00

اختي صفاء انتي اقراي للسنة نتاعك واحضرى كامل الدروس والحاجة المليحة هي انك تحلي التمارين على قدر الممكن ومتخاميش في الباك كي يزيد نسموه بوزيد وبالتوفيييييييييييييييق لك انشاء الله

safa93 · 2010-09-30, 22:01

اقتباس:

المشاركة الأصلية كتبت بواسطة yassine1993

نصيحة وحدا ما تخميش في الباك كامل ههههههههههههه زدمي و على ربي

يالها من نصيحة!!!!!!

هههههههه

عموما ........شكرا على مرورك

زهراء 255 · 2010-09-30, 22:02

اقراي الدروس وفهميهم من درك كاملين خاصة المواد العلمية كيما قالتلك اسماء.
ومتمرديش روحك بالباك من درك حنا معلابناش بيه بزاف وين يانتي.
ربي يوفقك عزيزتي وينجحك.

safa93 · 2010-09-30, 22:07

اقتباس:

المشاركة الأصلية كتبت بواسطة نهار ليل

اختي صفاء انتي اقراي للسنة نتاعك واحضرى كامل الدروس والحاجة المليحة هي انك تحلي التمارين على قدر الممكن ومتخاميش في الباك كي يزيد نسموه بوزيد وبالتوفيييييييييييييييق لك انشاء الله

السلام عليكم

............صدقيني
لا استطيع ان ادرس بدون التفكير في الباك

في الاول و الاخير ادرس لنيل هده الشهادة لا غير
اضافة الى ذلك
الاساتذة
دائما يذكروننا ان العام المقبل هو الباك و يحرصوننا على اهمية التحضير لها
لذلك يبقى تفكيري بالشهادة طول الوقت

شكرا جزيـــــــــــــــــــــــلا على نصائحك.

safa93 · 2010-09-30, 22:15

اقتباس:

المشاركة الأصلية كتبت بواسطة زهراء 255

اقراي الدروس وفهميهم من درك كاملين خاصة المواد العلمية كيما قالتلك اسماء.
ومتمرديش روحك بالباك من درك حنا معلابناش بيه بزاف وين يانتي.
ربي يوفقك عزيزتي وينجحك.

السلام عليكم
آميــــــــــــــــــــــــــــــــــــن

شكرا جزيلا يا اخوتي
بارك الله فيك و وفقك

kader7989 · 2010-09-30, 22:45

ههههههههههه وش نحكيلك على السنة ثانية ثانوي نتاعي ههههههههههه فوتتها غيل لعب و تقصار ههههههههه و ننصحك ما تديريش كيفي و ما تريحيش حدا المشاغبين خاطاش ياثرو عليك

انا قعدت حدا واحد معيد و مشاغب ههههههههه منعت نروح في جرته و نعاود السنة ثانية ههههههههه المهم انا فالفصل الثالث بذلت كامل مجهودي و نجحت

عليك بالتركيز اثناء الدروس العلمية و حتى الاديبة

هاكا باش تطلعي بقاعدة متينة و مليحة تساعدك فالثالثة ثانوي

تحياتي لك ختي صفاء

اخوك قادر

✗ ┋ وَړْﮃَةُ آلـﭴَزآئـړْ ┋ ✗ · 2010-09-30, 22:51

ننصحك تقراي مليح المواد العلمية خاصة الرياضيات والفيزياء والعلوم دروس مرتبطة ارتباطا مباشرا بالسنة الثالثة لازم تقرايهم مليح وتفهميهم مليح باش تلقاي روحك في السنة الثالثة
أنا في اعتقادي وعلى حساب واش قالولي السنة الثانية أصعب من السنة الثالثة يعني لوكان ما تقرايهاش مليح ما تلقايش روحك في الثالثة
ربي يوفقك

اسلامي سر حياتي · 2010-09-30, 22:51

شوفي اختي كيما قالك قادير بلاكي تديري كيفه هههههههههه باسكو بني وبينك انا كنت كيفه تقريبا ههههههه

غيل الخروج والضحك والمداسرة على الاساتذة مي كنت نقرى ونشاغب مع بعض

انتي ماعليك غي ماتعبيش روحك واخذي لاباز من درك باسكو راكي اولى باك دوكا

واحنا رانا ثانية باك

انا كنت مركزة غي على المات والعلوم كنت نقرى فيهم غاية مي العلوم اجتماعية كنت نكرها

اوك انا ننصحك ماتديريش كيفي خصك تبغي المواد كلهم وتتفاهمي مع الاساتذة والله بلامزيتك تفهمي الدرس

بالتوفيق اختي صفاء وعندك الحق تفكري فالباك من درك باه مايهلككش العام الجاي

اوك بالتوفيق ليك ولينا

safa93 · 2010-10-01, 13:23

اقتباس:

المشاركة الأصلية كتبت بواسطة kader7989

ههههههههههه وش نحكيلك على السنة ثانية ثانوي نتاعي ههههههههههه فوتتها غيل لعب و تقصار ههههههههه و ننصحك ما تديريش كيفي و ما تريحيش حدا المشاغبين خاطاش ياثرو عليك

انا قعدت حدا واحد معيد و مشاغب ههههههههه منعت نروح في جرته و نعاود السنة ثانية ههههههههه المهم انا فالفصل الثالث بذلت كامل مجهودي و نجحت

عليك بالتركيز اثناء الدروس العلمية و حتى الاديبة

هاكا باش تطلعي بقاعدة متينة و مليحة تساعدك فالثالثة ثانوي

تحياتي لك ختي صفاء

اخوك قادر

ان شاء الله
شكرا جزيلا لك اخي على نصائحك
وفقك الله

اسامة · 2010-10-01, 13:26

يقدرو ينصحوك لبنات انا ما نعرفش ننصحك غير نقلك حاولي تفهمي الدروس من ثانية ثانوي باه تلقي روحك باهية في التيرمينال

imane1 · 2010-10-01, 13:32

ركزي فيما سأقوله لك

فهو عصارة تجربتي -ولا يعبر بالضرورة عن الحقيقة المطلقة -

السنة الثانية سنة مهمة جداً ، ولذيذة في نفس الوقت

في الرياضيات سوف تقفون على دروس النهايات والإشتقاقية والمتتاليات وغيرها كثير

تحتاجوها في التيرمينال ، اللي ما فهمش الرياضيات تاع سنة 2 وما تمكنش منها يلقى صعوبة كبيرة جدا

في السنة 3 ، وهذه الصعوبة تبدا من أول درس !في أول فصل! (النهايات)

فاتخيلي الواحد يبدا عامو ديجا بدرس مش فاهمو ، أكيد شيء يلعب على المعنويات

هذا ما يعنيش ان درس النهايات صعيب لدرجة انو تعذر عليهم فهمه

بل ربما لو يولوه حقه ليس أكثر

لأن النهايات (تاع السنة 2 ) أسهل وحدة على الإطلاق ..

من جهة أخرى ركزي على دروس الكيمياء دون استثناء

تعاودي تلقايها في السنة 3 تقريباً كلها

الكيمياء مهمة بزاف إذا عندك نقص فيها ديري ليكوغ

المواد الأخرى (بما فيها العلوم ) ليس لها صلة كبيرة بالثالثة ثانوي

إلا درس (الـadn ) في الفصل 2 تقريباً في مادة العلوم

والحرب العالمية 1 و 2 في الفصل 3 في التاريخ

هدو تحتاجيهم صافي لازم تتمكني منهم

ولا تهملي باقي المواد أو الدروس

بالعكس اقراي كل شيء بانتظام اعتبريها سنة ما قبل الباك

سنة تحضيرية حاسمة أهم من السنة الثالثة نفسها !!

وفي الختام ، وفقكِ الله لما فيه خير لك

والسلام عليكم ورحمة الله