صحيح كثرنا الهدرة على جابو .. بصح هذي الهدرة الواجبة على جابو سطيف وجابو الحراش

[messidouna19]

السلام عليكم

بين عام وعام يتبدل لحوال
يعني الجماعة لي راها تقول علاش جابو ماكانش يعجب الموسم لي فات نقلوا اللاعب بين موسم وموسم يكون بين السما والأرض يعني ممكن من النقيض للنقيض
وبالنسبة ليا وممكن لبزاف ناس جابو سر تألقه هذا العام هو استقرار مستواه
يعني لما كان مع الحراش كان لاعب مبدع ولما رجع لسطيف أكد أنه لاعب كبير
عكس بعض اللاعبين في بطولتنا يتألقوا في موسم ويغيبوا مواسم وبلا مانذكركم بالأسماء
اضافة الى الخبرة الافريقية
يا جماعة لا فرق بين سطيف وبين الحراش
ولكن سطيف لعبت كأس افريقية والحراش ان شاء الله تلعبها عن قريب
اضافة الى المولودية ان شاء الله تكون في مستوى الكأس وتلعب الأدوار الأولى ونشوفوا لاعبين منها في المنتخب
فالكثير يطرح هذا السؤال : علاش جابوا ماعيطولوش لما كان في الحراش وعلاش جابوا ما هدروش عليه لما كان في الحراش
وأنا متأكد أنه لو بقا جابو هذا الموسم في الحراش كان يكون محبوب الجميع ويكون في المنتخب
لأن المدرب الوطني من مصلحته يجيب اللاعب لي يعطي الاضافة مهما كان ناديه
فببدون حساسيات ومن مصلحة اللاعب أننا نبعد الضغط عليه
ولا فرق بين جابو سطيف وجابو الحراش
لأنه كاين جابو واحد هو ابن الجزائر