ما رأيكم في هذا المدير

✗ ┋ وَړْﮃَةُ آلـﭴَزآئـړْ ┋ ✗ · 2010-10-04, 19:40

السلام عليكم ورحمة الله تعالى وبركاته

عندي أخي يدرس السنة الأولى ثانوي بثانوية .....................
المشكل أن هذه الثانوية ليست صارمة فيها العجب وبابا ما حبش أنو خويا التلميذ الممتاز ذو المعدل 16 يضيع في هذه الثانوية
أنا أقول هذا من باب تجربة لأن أختي الكبرى كانت تدرس في هذه الثانوية ومن المعدل 18 نزلت إلى المعدل 15 في السنة الأولى 12 في السنة الثانية 9 و 10 في السنة الثالثة
نحن عندنا ثانويتان في مدينتنا أنا أدرس في الثانوية الثانية وهي ماشاء الله ثانوية رائعة فيها انضباط معاملة التلاميذ بسواسية ما يستعرفوش لا ولد المير لا ولد الرئيس والحمد لله نتائجنا في القمة أنا كنت نجيب في المتوسط 18 و 19 وضرك راني راني نجيب 17 و 18 أنا لا أفتخر هنا
المشكلة أنو أخي إضافة إلى أنو الثانوية ماش مليحة زادو حطوه في قسم المشاغبين حتى لو كان حاب يقرا ما يقدرش هاذ المشاغبين( سواء بنات أو أولاد) يفسدوا عليهم
ضرك بابا راح عند المدير قالو راني حاب نبدل لولدي الثانوية المدير قالو لالا ماعليش ضرك نبدلو القسم أنا ما نقدرش نخسر تلميذ ممتاز
15 يوم وأخي ينتظر ويعاني قالولو يوم 3 أكتوبر تلقا الكلاسة تبدلت كي راح سقسا المدير قالو:

هز وراقيك عليا وقود للثانوية الأخرى
مع ذلك أنا أخي احترمو وما قالو والو
بصح قالي والله مانزيد نعتب باب الليسي هذاك وراني غدوا رايحة نهبطلو الملف للثانوية الأخرى لأنو بابا مسافر

واش رايكم في هذا المدير وواش ديرو لوكان قالكم هاذ الكلام

انسان جزائري · 2010-10-04, 19:45

ليزم جوزوه في لا جوستيس

noussaiba2007 · 2010-10-04, 19:56

حسبي ربي ونعم الوكيل حسب ما حكيت انكم لم تخطئوا ربي يوفق اخوك الكريم هاذي هيا بلادنا تشوف المحال وتسكت ؟؟

والله اعلم

اسامة · 2010-10-04, 20:10

خخخخخخخخخخ راه معايا مالا في قسم المشاغبيين خخخخخخخخخ
وكان صح حاب يبدلو كانو بدلو قبل مالا غير بدذليه واك هو باه ما توليش مشكل زادة ياسر ندمو يا الله عولي على ربي وبدليه ما دام الثانوية تاعك باهية

bouchra16 · 2010-10-04, 20:45

الله غالب يا ختي صرالي مشكل يشبهلو بصح واش تحبي قولي حسبي الله و نعم الوكيل

kader7989 · 2010-10-04, 21:25

هههههههههه كامل رلنا مشاغبين خخخخخخخخخخخخخخ

ربي يكون معاه و باينة هاد المدير نتاع بيستو و رشوة المهم الله يهديهم و يبعدهم علينا

الله يسهل ختي

*هبةالرحمن* · 2010-10-04, 22:59

viv lmodir w g3 ladministration algérienne win ma kanat mal lago lal lago hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhh

The Prine ilyes · 2010-10-05, 11:45

حقيقة انا منعديش تعليق على هادي الامور لانو رانا في بلد العجائب وربما مدير آخر كان يفعل اكثر من ذلك !!!
المهم بخصوص في الاكمالية 18 و 19 راني معاك لكن حقيقة 18 في الثانوية في مستوى الثانية و الثالثة ثانوي ضرب من الخيال ، لما اقول ضرب من الخيال اقصد الامر لا يتماشى مع المنطق ؟ حنا نعرفو انو التقويم مايتجزاوش 14 يعني غير هدا راح يكون معدلك 18 اذا حصلتو تقريبا على العلامة الكاملة في اغلب المواد ، حتى نوضحلك اكثر الاساتذة ماوضعوكمش امام الامر الواقع ! 18 ؟ و فالباك كيفاش يا اختاه ؟ احنا عندنا المعدل الاعلى هو 15 وحقيقة امر مساعد ان يكون 15 فقط لانو الاستاذ واضعك امام الامر الواقع وحتى مانطولش ونضربلك مثال على ثانويتنا العام الماضي فالباكالوريا كان المعدل فالفصول 15 و 16 ( 16 الفاصلة تكون اقل من 20 ) وفي الباك كان اعلى معدل نقدرو نقولو 17 ، ايا وينها المليحة ؟ تكون تدي 14 ومببعد تجيب 17 ولا تكون تدي 18 وومبعد تجب 17 او 16 ، نظن الفكرة وصلت وهادي هي الاساتذة ماهمش يخلو التلميذ امام الامر الواقع ربما واحد يجيب غير ب 18 ونهار باك يجيب 16 ولا 15 يحسب السماء طاحت عليه !!!
سلام

ily&amina · 2010-10-05, 12:05

sans commentaire!!!!! ma cher wach ddiri allh ghlab pa de choi hadi lhala raha partou w pttr ktar man hakda
mawfakka inchallh

اسلامي سر حياتي · 2010-10-05, 12:10

حسبي الله ونعم الوكيل

انا والله وكان قالي كيما خوك كان بابا قلبها عليه

امالا ماعلى اخوكي الا تغيير ثانويته

وربي يجيب اللي فيها الخير

imad cabiste · 2010-10-05, 12:53

نتوما رحمة
حنا ليسي كوري باتم معنى الكلمة

من لي توصل الراحة تنوض حرب بالعظام هذي 20 يوم وحنا ديما وين توصل الراحة يبدا الطاريش بالعظام في لاكور
++++ مدير لاخبر نشوفوه خطرة في شهرين +++ لولاد ماهمش تاع قرايا الاساتذة مايقريوش هوما لي ضيعونا
مام ان كنت ديما 16 17 18 ملي طلعت 2ثانوي افي لليسي تاع الهم هذا ماشفتش الخير

مي صراحة كون مدير تاعنا يديرلي جاست كيما هذا قسما بالله غير خلات عليه
ديجا لعام ليفات المراقب العا تاعنا خذا طريحة من عند التلاميذ على بيها ولاو يخافو من التلاميذ

Flood_x12 · 2010-10-05, 16:54

كلشي عادي في بلاااادي

ربي يعطيله ضرسة

ميس الجزائر · 2010-10-05, 19:43

ربي يعين لا تعليق انا شبعت المدير نتاعنا ورنا النجوم ف النهار قسم نهائي بلا استاد ومنين نقولولو يخرج فينا عينيه ويقولنا اني راسلت الوزارة ربي يهديه

°واحد من الناس ° · 2010-10-06, 04:38

شوفي اختي لي حب يقرا يقرا

سوا في ثانوية صارمة ولا غير صارمة

ربما المشكل في اختك الكبيرة انها هي حبت تجرب الليسي

نعرف بزاااف كانو 19 في السيام وفي الليسي سنة اولى دوبلو

وقراية السيام مشم كيما الليسي ولا كيما الجامعة

فالليسي الواحد يحب يجرب يفيق على حوايج

اختي متلحوش خطا اختك او خطا اسرتك على المؤسسة التربوية

معنى كلامك انو هاذ المؤسسة من 10 و 11 متتحركش كتعاى معدل

اختي

المشكل ليس من الثانوية بتاتا

المشكل دائما في صاحب النقطة

سواء تغير واصبح يتهاون
صار لا يستوعب

صار لا يراااجع

الى اخره

فانا ادرس في ثانوية غير صارمة

لكن الناس تدرس بجدية
رغم المشاكل المتعددة

لكنها الاولى على مستوى الولاية في جميع النتائج

لذلك اختي
حاولي ان تدعمي اخااااك
وليس رمي التهمة على الثانوية

وكانكي تقولين ان 1000 طالب فيها لا يساوون شيئا

اما فيس الكلام الذي قاله المدير فانه يحاسب عليه

اخبري اباك
وبامكانكم رفع قضية التعدي بالكلام

يعني صراحة لو كان قالهولي انا خلاص معدتش نشوف الدنيا يا انا يا هو في السبيطااار

وكما قال الشاعر ساكون رححيما معكم بدون ضعف شديدا معكم بدون عنف

يعني الواااحد وحسب تعاملووو

وزيييد
الادارة تحسب في روحها خاصة اذا طاحت في تلاميذ
.....

h3-power · 2010-10-06, 13:16

اقتباس:

المشاركة الأصلية كتبت بواسطة ouarda1992

السلام عليكم ورحمة الله تعالى وبركاته

عندي أخي يدرس السنة الأولى ثانوي بثانوية .....................
المشكل أن هذه الثانوية ليست صارمة فيها العجب وبابا ما حبش أنو خويا التلميذ الممتاز ذو المعدل 16 يضيع في هذه الثانوية
أنا أقول هذا من باب تجربة لأن أختي الكبرى كانت تدرس في هذه الثانوية ومن المعدل 18 نزلت إلى المعدل 15 في السنة الأولى 12 في السنة الثانية 9 و 10 في السنة الثالثة
نحن عندنا ثانويتان في مدينتنا أنا أدرس في الثانوية الثانية وهي ماشاء الله ثانوية رائعة فيها انضباط معاملة التلاميذ بسواسية ما يستعرفوش لا ولد المير لا ولد الرئيس والحمد لله نتائجنا في القمة أنا كنت نجيب في المتوسط 18 و 19 وضرك راني راني نجيب 17 و 18 أنا لا أفتخر هنا
المشكلة أنو أخي إضافة إلى أنو الثانوية ماش مليحة زادو حطوه في قسم المشاغبين حتى لو كان حاب يقرا ما يقدرش هاذ المشاغبين( سواء بنات أو أولاد) يفسدوا عليهم
ضرك بابا راح عند المدير قالو راني حاب نبدل لولدي الثانوية المدير قالو لالا ماعليش ضرك نبدلو القسم أنا ما نقدرش نخسر تلميذ ممتاز
15 يوم وأخي ينتظر ويعاني قالولو يوم 3 أكتوبر تلقا الكلاسة تبدلت كي راح سقسا المدير قالو:

هز وراقيك عليا وقود للثانوية الأخرى
مع ذلك أنا أخي احترمو وما قالو والو
بصح قالي والله مانزيد نعتب باب الليسي هذاك وراني غدوا رايحة نهبطلو الملف للثانوية الأخرى لأنو بابا مسافر

واش رايكم في هذا المدير وواش ديرو لوكان قالكم هاذ الكلام

عادي جدا اختي وردة بدلوه وصايي
فقط الكلمة التي باللون الاحمر هل هي كذلك ام اني لم اقراها جيدا ام انها عادي عندكم