ارجوا المساعدة في اختيار الشعبة

عابر السبيل · 2010-10-01, 10:35

السلام عليكم
والله انا حائر مابين الشعبة التي انا فيها gtu -تسيير التقنيات الحضرية بام البواقي او الشعبة المقبول فيها من طرف جامعة جيجل وهي -رياضيات واعلام الي- مع العلم انني من جيجل

فارجوا المساعدة بردودكم

boucenna feriel · 2010-10-01, 10:41

أظن أن تختار رياضيا و اعلام ألي
في جيجل أحسن
خاصة و أنك هناك

و لكن يجب أن تستفسر عن مستقبلك؟؟
و أنا صراحة لا علم لي

فأتمنى من كل من يعرف أن يفيدك

سلالالالالالالالالالام

عابر السبيل · 2010-10-01, 10:53

مشكوررررررررررررر على الافادة

ولكن اين المشرفيننننننننننننننننننننننننننننننننننننننننننن نننننننننننن الرجاء الواحد راهو حاصلللللللللللللل

boucenna feriel · 2010-10-01, 10:57

راهم راقدين

ههههههههههههه
متتقلقش خويا
دورك تلقا شكون يقدر يعونك

ربي معاك
ربي يسهلها عليك و علينا

سلالالالالالالالالالالام

didin · 2010-10-01, 11:07

حاجة صعيبة يجيك واحد ويدبر عليك فالمستقبل تاعك شوف وش الي يناسبك
ادا رياضيات واعلام الي تقدر تنجح فيها ودير تخصص اعلام الي راح تلقى مناصبشغل محترمة باذن الله لانوا عليها طلب كبير
اما تسيير التقنيات الحضرية فهي كالهندسة واقل حظوظا منها لكن راح يكونوا في هاد المجال مناصب شغل باذن الله تقدر تقول نفس النسبة
ويبقى كلش بالمكتوب
بقات في البعد أم بواقي بعيدة شوي على جيجل
لكن كي تفوت توصل هنا مابقاش تعب ونظن راك شفتها الجامعة مليحة
الاقامة اروع الله ألعم عطاوكم في 110 غرفة لـ3أشخاص بالأحرى منزل مش غرفة f2 الله أعلم وكويزين ودوش
النقل كاين وجديد ومليح ومش بعيد بزاف تقدر حتى تجي على رجليك من الاقامة للمعهد
المعهد انا بنفسي شفتوا وكلش متوفر
هادا وش نعرف اما تاع جيجل الله أعلم زيد شوف الي عندي عطيتهولك وبالتوفيق

عابر السبيل · 2010-10-01, 11:15

مشكوووووووووووووووووووووووووووررررررر ولكن هنا المشكلة فكلا الشعبتن اعجباتاني
تبانلي نقراهم في زوج وخلاص هه

عابر السبيل · 2010-10-01, 11:20

المشكلة في gtu انها اصبحت lmd وقالوي lmd مادير بيها والوووووووووو

boucenna feriel · 2010-10-01, 11:28

أخي كلش أصبح ل م د ف دزاير

أيظا
رياضيات و اعلام الي ل م د

نصيحتي ليك
صلي صلاة الاستخارة

و لي مليحة ليك
ربي يكتبهالك

بالتوفيق

سلالالالالالالالالالام

didin · 2010-10-01, 11:41

كي والات أل أم دي ومايديروا بيها والوا علاش بقات ههههههههههههههه
اخي الي قالك هاد الهدرة راهوا غالط علاش ماتنفعكش أل أم دي
كي تجيب لا ليسانس وتحيس بعني تقر 3 سنين هاد ولوا فالسيستام كلاسيك مادير بيها والوا
بالصح كي تكل ناستر 5 سنين عادي شاهادة معادلة لمهندس
وزيد كيما قالولك كلش ولا أل ام دي يعني عليك وعالغاشي ادا مادير بيها والوا يعني الي قراوا كامل مايديرو بيها والوا يعني منا على 5 سنين الناس كامل تولي قعادة ؟

عابر السبيل · 2010-10-01, 11:57

شكرا جزيلا اخ didin تبانلي غير انت لي صالح في هدا المنتدىى

boucenna feriel · 2010-10-01, 11:57

اقتباس:

المشاركة الأصلية كتبت بواسطة didin

كي والات أل أم دي ومايديروا بيها والوا علاش بقات ههههههههههههههه
اخي الي قالك هاد الهدرة راهوا غالط علاش ماتنفعكش أل أم دي
كي تجيب لا ليسانس وتحيس بعني تقر 3 سنين هاد ولوا فالسيستام كلاسيك مادير بيها والوا
بالصح كي تكل ناستر 5 سنين عادي شاهادة معادلة لمهندس
وزيد كيما قالولك كلش ولا أل ام دي يعني عليك وعالغاشي ادا مادير بيها والوا يعني الي قراوا كامل مايديرو بيها والوا يعني منا على 5 سنين الناس كامل تولي قعادة ؟

عندك الحق خويا

مشي دايما لازم نتبعو راي الغاشي

لخطرش كاين لي يهدر بلا ما يفهم
!!!!!!!!!!!

didin · 2010-10-01, 12:04

ههههههههه والله هادا المنتدى غير يقلقني أخويا يحبوا غير يدخلوا للمواضيع الي طاية كي يشوفو موضوع كاتية مشاعدة ولا حاجة كيما هكا ميدخلوش خلاص

didin · 2010-10-01, 12:10

أيا جمعة مباركة

boucenna feriel · 2010-10-01, 12:49

amine
djma3in

thegoldenboy · 2010-10-01, 13:35

أنا في رأيي دير رياضيات و إعلام آلي
والله أعلم