شكون راح يدير اعفاء في sport

[°واحد من الناس °]

السلام عليكم ورحمة الله وبركاته
للبعض تبان نقطة مساعدة
واحد يقول انا نجيب معدل 12 وندي 18 في باك sport
يقول تساعدني
واحد حاب يجيب افضل معدل يقلك هي ديرلي ظغط وتهبطلي في معدلي




وانت وش تقوووووول ؟؟

[hasna21]

أنا جوزت الباك العام لي فات رحت درت اعفاء في الأخير لقيت الناس الكل ضربت 18 و 19 طلعلتلهم المعدل والله ندمت عجب
أنا في رايي sport طلع المعدل والله تساعد وانت شوف

[kader7989]

انا نحب السبورت و عندي السبورت مادة مساعدة و ساهلة

مشكووور شريكي على الموضوع

[نونسا]

مرحبا، أنا راح ندير إعفاء، مالعبتش زوز العوام اللي فاتو، رجلي مريضة، و هاذ العام راني خايفة الطبيب ما يمدليش الشهادة الطبية، المهم، ما نظنش يهبطلي معدلي، أنا غدوة رايحة نسجل و راهم خلطولنا القسمين الأدبيين، خايفة ما نطيحش مع صحاباتي، راني مقلقة هاذ الليلة ما قدرتش ندير حتى حاجة. أوف! ساعدوني

[°واحد من الناس °]

المشاركة الأصلية كتبت بواسطة نونسا

مرحبا، أنا راح ندير إعفاء، مالعبتش زوز العوام اللي فاتو، رجلي مريضة، و هاذ العام راني خايفة الطبيب ما يمدليش الشهادة الطبية، المهم، ما نظنش يهبطلي معدلي، أنا غدوة رايحة نسجل و راهم خلطولنا القسمين الأدبيين، خايفة ما نطيحش مع صحاباتي، راني مقلقة هاذ الليلة ما قدرتش ندير حتى حاجة. أوف! ساعدوني

اختي صلي صلاة استخارة

واحسني الظن بربي

وادعي سيرتو هذا اليوم لخر ننتاع رمضان

[oussama-dz]

هي مادة مساعدة أكثر منها معيقة
تزيد في النقاط لأنو ماكانش الي يدّي أقل من 17 في الباك سبورتيف

[ريم الفيفاء]

انا نقول باللي بلا sport مانقدرش نقرا لازم نديرو هو اللي ينحي عليا الضغط تع لقراية بزاف
و لوكان مايكونش سبب اجباري يحتم عليا ندير اعفاء مانديروش
مشكور على الموضوع

[❀ بَسْمَةْ أَمَلْ ❀]

اذا تاخذو رايي غير مديروش اعفاء علي خاطر نظن بلي النقطة التالية هي 15 ورايحة تزيدلك في المعدل وانتما احرار

[رحاب بن عودة]

أنا درت إعفاء في العامين اللي فاتو ، و واقيلا رايحة نديرو هاذ العام تاني
على خاطر أنا راني مدايرة حجاب طويل و مانقدرش نحيه على جال السبور
و ما نيش عارفة ، ما زالني نشاور في روحي

[theorthopidique]

انا رايحة ندير علخاطر عندي بزاف ملعبتش مدرتش في العامين هذو لفاتو نكمل وخلاص

[الفلاح المحترف]

المشاركة الأصلية كتبت بواسطة رحاب بن عودة

أنا درت إعفاء في العامين اللي فاتو ، و واقيلا رايحة نديرو هاذ العام تاني
على خاطر أنا راني مدايرة حجاب طويل و مانقدرش نحيه على جال السبور
و ما نيش عارفة ، ما زالني نشاور في روحي

السلام عليكم
صحا فطوركم
بارك الله فيك رحاب وجزاك خيرا
لكن اظن حاولي كيف تجمعين بين هذا وذاك لان في الرياضة لا يوجد اقل من 17 و 18 وهي نقاط مساعدة خصوصا لطالبة مثلك
مجرد راي

[رحاب بن عودة]

المشاركة الأصلية كتبت بواسطة حكيم يابوس

السلام عليكم
صحا فطوركم
بارك الله فيك رحاب وجزاك خيرا
لكن اظن حاولي كيف تجمعين بين هذا وذاك لان في الرياضة لا يوجد اقل من 17 و 18 وهي نقاط مساعدة خصوصا لطالبة مثلك
مجرد راي

صح فطورك حكيم
والله لازلت محتارة بين الإعفاء و لعب الرياضة
أختي تنصحني بلعبها و أمي تركت لي الخيار بين هذا و ذاك
أعرف أن نقاطها مساعدة ، لكن المشكلة أنني لم ألعبها في السنوات الماضية وهذا ما جعلني أكرهها
لكن ربما قررت أنني لن ألعبها ، و سأترك الباقي على المولى سبحانه و تعالى ثم مجهوداتي الخاصة في باقي المواد
دمت بـــود

[حــوراء]

المشاركة الأصلية كتبت بواسطة رحاب بن عودة

صح فطورك حكيم
والله لازلت محتارة بين الإعفاء و لعب الرياضة
أختي تنصحني بلعبها و أمي تركت لي الخيار بين هذا و ذاك
أعرف أن نقاطها مساعدة ، لكن المشكلة أنني لم ألعبها في السنوات الماضية وهذا ما جعلني أكرهها
لكن ربما قررت أنني لن ألعبها ، و سأترك الباقي على المولى سبحانه و تعالى ثم مجهوداتي الخاصة في باقي المواد
دمت بـــود

رحاب ، من ترك شيئا لله عوّضه الله خيرا منه ، أنتِ متستّرة و لله الحمد بحجاب شرعي ، أتمّي سترك هذه السّنة أيضا
بالنسبة للعلامة في الباكالوريا ترفع المعدّل إذا كان الشخص ضعيفا في أغلب المواد يعني معدّله 12 ، 13 ، 14 ، أمّا إذا كان مستواه جيّد فستنقص من معدّله
لم أقم بالرياضة من السّنة الأولى متوسّط ، و لله الحمد ، المعدّل جيّد ، و عند حسابه بوضع علامة افتراضية للرياضة ، ينخفض المعدّل ، امتناعي عن الرّياضة : الّباس الشّرعي .

نصيحة منّي : اسعي للحصول على إعفاء ، و لا تفكّري البتّة في الرياضة . نصيحة من محبّة ناصحة

،

بالنّسبة للبقيّة : من كان يستطيع ممارسة االرّياضة ، و ليس لديه عذر شرعي و لا بدني فمن الأفضل أن لا يقدّم إعفاءً
الرياضة مفيدة من جوانب متعددة حتّى و إن كانت لمدّة ساعتين في الأسبوع ، تنشيط للعقل و تهيئة للبدن ، و مع انشغال الطّالب في هذه السّنة بالمذاكرة و و و ، فلن يكون لديه وقت خارج عن الدّراسة لممارسة شيء ما ، فمدّة ساعتين في الثانويّة قد تغطّي الأمر ، و اما عن العلامة ، فلا يهمّكم الأمر مادّة معاملها 1 ، إذا أضافت فلن تضيف الكثير و إذا أخفضت فلن تخفض الكثير أيضا ، اجتهدوا في المواد الأخرى ، كلٌّ حسَب شعبته

استعينوا بالله ،

وفّقكم الإله و أسعدكم ()

[°واحد من الناس °]

مهما يكون نظن غير كيف كيف بالنسبة ليا حتى لو 5 نقاطي زايدة راح تزيد 0.1


وانا واحد من الناس لباس في sport

رمي الجلة ولاقفز ومام سباق السرعة



مي للاسف عندي كسر سابق من يدي واوبيراسيون

ويكسرلي الهم نتاع راسي

ايا نشوف بلاك ندير اعفاء في الباك برك

ولا على لاشاهدة الطبية

ساهلة

[*سلامة*]

واش نقولكم الرياضة مليحة للي يحبها على الاقل تنحي الضغط اما الي مابحبهاش فلاداعي تزيدلو غير الهم مايديرهاش خير يستفاد في وقتها يقرا ولا يريح

بالتوفيق للجميع