راحة البال
عذبني ذا القلب يا خوتي مقواه من طول الحرمان
لويحكي غمو لو يكتب هموكل يوم يألف جرنان
بصح واش الفايده هاك ربي راد وهذاك اللي كان
نتمنى ما نحكي وما يسقسيني على حالتي إنسان
خاطر إذا قلت لاباس كذبت وبالكذب الطبع يشيان
واذا قلت الصح عيب علي نشكي بمولايا الحنان
دورت على الراحه شرق وغرب ما خليت مكان
ما فادني طبيب يقرا العلوم ولاطالب يقرا القرآن
ما نفعوني بجواب ولا دلوني حتى على عنوان
كي اللي في صحرا شاف السراب ورجع عطشان
اتكيت ونايا نعسان واداني النوم من كثرة ماني تعبان
يجيني في منامي زاير ما عرفت من الإنس ولا جان
انطق لي كلمني :شوف واسمعني يا إنســـــــــان
أنا عقلك اللي وخرتو ونصبت عليه القلب سلطان
اتكلت على البصر ونسيت البصيره وديما غلــــطان
ادي مني حكمة رجعني للحكم يتعدل الميــــــــــزان
كيما انقلك دير تهدا و اتريح والســــــعد يــزيان
خيار النعمة كي ربي ارضالنا خير الأديان
خمس ركايزنوصيك متنهم هما أساس البنيان
لا إله إلا الله محمد رسول الله مفتاح البيبان
وما تلهى على صلاتك في جماعة كي تسمع لاذان
الزكاة تطهر مالك زياده في الخير ماهي نقصان
بخلاف العبادات صوم لله يا فاهم رمضان
الحج وجب إذا تيسر المال وصحة الأبدان
تامن بالله والملائكة لاتنس الكتب زيد الرسل يا فلان
ويوم القيامة والقضا والقدر كمالة الإيمان
وتمام الرضا بعد الله الوالدين حقهم الإحسان
وتهلى في الجار حقه معلوم وصية العدنان
اكفل اليتيم تلقى روحك مع النبي في الجنة جيران
لا تنس الأرملة يا ساعي فضل الجهاد في سبيل الديان
على المساجد دور تلقط مهور الحور وانت بهم فرحان
داوم على الذكرواجعل وردك يومي يرطاب اللسان
بالصدقة تداوي المرضى وتطفي غضب الرحمن
( تقرير عن مشاركة سيئة )، و الموجودة أسفل كل مشاركة .
2008-05-03, 22:50
راحة البال -----------(-محاولة)
العرض العادي
