الى المقبلين على اجتياز باكالوريا 2011

[LOTFI DOUBLE CANNON]

السلام عليكم ورحمة الله ............. اما بعد :

شوف ليوم نمدلكم نصيحة كيفاه تراجعو للbac 2011
المهم انا قريت علوم تجريبية وان شاء الله ندي الباك العام هدا يا ربي ... والنصيحة نتاعي نقدمها ليقراو علوم تجريبية...
اولا : الطريقة راهي ساهلة شوف:...

1/ المرحلة 01 : من بداية العام نوصيكم اقراو الرياضيات +الفزياء + العلوم اقراوهم حتى تاريخ: 10/01/2011.....( خلال هادي المدة ماتقروش بزاف المواد الادبية وانما حاولو تركزو مع الاستاد فقط اما المراجعة في البيت ركزو على التلت مواد المدكورة ..)
2/ المرحلة 02 : (من 10/01/2011 الى 15/02/2011) شوف في هادي المدة لازمكم تزيدو المواد الادبية وراهي ساهلة (العربية + الانجليزية + الفرنسية ) لازم ايضا تكملو بنفس الاجتهاد بالنسبة للمواد العلمية علاش اصعب المحاور هي الاخيرة....
3/ المرحلة 03: من 15/02/2011 الى 05/05/2011 ( الباك سبور) ) لازم بالاضافة للمواد الادبية والعلمية تزيدو الموا د نتاع الحفظ.... الاجتماعيات + علوم شرعية ( الفلسفة بالنسبة ليا مانقراهاش وندير تحليل النص وندي 8.5 و راني قانع هه علاش طويلة وتستهلك كتير من الوقت والجهد والمعامل ديالها 2 )
4/ المرحلة 04 : من 05/05/2011 الى 31/05/2011 : في هادي المدة لازمكم تزيدو برك نتوشات على جميع المواد ولازمكم ديرو مراجعة شاملة للمواد كامل ....
5/ المرحلة 05 : لازمكم تفهو بلي الوقت خلاص ودي قرا قرا بكري... هه كل يوم ديرو طلة خفيفة برك .... اما بالنسبة للكتب فيمكن الاععتماد على سلسلة الهباج في الرياضيات و الفيزياء ... بالنسبة للعلوم لاغ غنى عن الكتاب المدرسي شكرا
في الاخير استطلاع......... لمعرفة الحالة النفسية للمترشحين

[رامة1]

شكراااااا جزيلا انشاء الله قع نربحوا الباك وانت معانا


يارب امين

شكرااا جزيلا على الجهد المبذول

[LOTFI DOUBLE CANNON]

لا شكر على واجب ....................... انا هنا لاي مساعدة

[الساعية الى التفوق]

السلام عليكم و رحمة الله تعالى و بركاته
اولا اشكرك اخي على النصيحة لك لديا سؤال من بعد اذنك طبعا
على اي اساس وضعتن هذا البرنامج و هذا التقسيم و التخطيط ؟
بالنسبة للمعنويات : الحمد لله راني تاكلين على ربي و ناويين نخدمو مليح خلال كامل العام الدراسي
و الله ولي التوفيق اتمنى النجاح لنا جميعا
امين يا رب

[LOTFI DOUBLE CANNON]

على اساس انا طبقتو وجبت الباك تاعي بمعدل 15.92

[saraharaha]

لا يا أخ كل واحد وطريقة تعامله لا تستطيع ان تفرض على الطلاب كيفية العمل والتحضير
كاين واحد يطمح يجيب 18 يعني مش راح يسلك نفس مسارك رغم اني لا اشاركك في تقسيم العام الدراسي ابدا


سلام

[°واحد من الناس °]

بسم الله الرحمن الرحيم

ولا تقولن لشيء اني فاعل ذلك غدا الا ان يشاء الله

......

صدق الله العظيم




احنا نخدمو وش قدرنا خويا والوفيق الى اعلى الدرجات من عند ربي سبحانو

[LOTFI DOUBLE CANNON]

انا نقولكم ...... انتم عندكم مشكل انعدام الثقة بالنفس اتوكلو غلى ربي ........ وان شاء الله تجيبوه

[نسيم الجود]

شكراااااا جزيلا انشاء الله قع نربحوا الباك وانت معانا


يارب امين

[hafid47200]

sa7a dirou kima hakda
ou l math é physique lazem takhdmou fi lbac
lazemmmmmmmmmmmmmmmmm
psk yedkhlou fi 7sab les école w ray7in yzidou y3awnoukoum

[asma1856]

شكرا جزيلا انا ما شرامتش في الاستطلاع لانه لم تناسبني ولا واحدة شكرا

[‘♥’حسناء‘♥’ او ‘♥’جسناء’22‘♥]

شكرا جزيلا بارك الله فيك

[ليلى الجزائرية1]

بالتوفيق للجميع.

[LOTFI DOUBLE CANNON]

اللهم صلي وسلم على محمد وعلى ال محمد انك حميد مجيد

[-تيتو-تقي الدين]

يا ولدي الباك ضرك راهي اسمها :"باك حك تربح"
ما نقراش تجيب 17 وايلا قريتي كيما انا 13 تكفيك وراح تبكيك كيما بكيت انا بعيد الشر عليكم خاوتي
شعاري دائما :"باك 2010 دعه يغش دعه يمر"
أخوكم :مباركة تقي الدين :متحصل على الشهادة الورقة