خبز الدار

[ام انيس2]

السلام عليكم احبائي اريد منكم هدا الطلب وارجو ان لا تردوني خائبة كما في المرات التي فاتت المهم اتمنى من كل واحدة عندها طريقة مجربة لصنع خبز الدار تعطيهالي لاني اريد ان اعمله الان ولكم مني جزيل الشكر

[soltana]

ديري فرينة و خمارة و شوية زيت و حليب و 2 قطرات خل و لمي بالما دافئ و خليها تخمر ومنبعد ديري دويرات و طبزيهم و خليهم يخمروا ومنبعد دخليهم للفرن ساخن

[ام انيس2]

صح فطورك اختي
شكرا حبيبتي لكني ابحث عن خبز الدار الي يندار بالسميد ماشي بالفرينة
مشكورة على الرد اختي

[أم جمانة]

السلام عليكم
يا أختي يلزمك كمية من الدقيق (السميد) تحطيلوا كمية من الزيت تحركي مليح من بعد حطي الملح و الخميرة و ملعقتين من السكر و بلي بماء دافي تجيك العجينة طرية
خليها ترتاح ، كي تشوفي العجينة طلعت عاودي أعجنيها شوية و قسميها كريات و أخبزيهم في البلا تاع الفور اللي تكوني دهنتيه بشوة زيت أثقبي العجينة و زينيها بالفرشيطة و أدهني وجه الخبزة بالبيض و رشي عليه شوية سينوج خليها دقائق ثم دخليها الفور
نتمنى نكون وصلتلك المعلومة
بالتوفيق
بالنسبة للمقادير راني ندير ميز العين

[ام احمد]

طريقة مجربة لخبز الدار رائعة
الدقيق متوسط ليس رطب + ملح +مغرف كبيرة و نصف تاع خميرة ذائبة في الماء +سانوج +قشور الليمون و البرتقال اذا ممكن
+2 مغارقف ماكلة تاع حليب غبرةهذه مقادير كيلو دقيق و نلمه بالماء الدافيء و بعجن جيدا مثل المعارك بعدها ناتي بفنجان قهوة تاع زبت و نبدا في ادخاله في العجينة
ثم نتركه يخمر بعدها ناتي بالصينية و نضع فيها كويرات صغيرة بداية بالوسط بشكل دائري و متراص حتى تكملي كل الصينية لا تتركي ثغرات و نتركه يخمر جيدا ثم ناتي بفنجان نضع فيه مغرف كبيرة حليب بودرة و نضيف له قطرات من الماء و نخلط ثم ندهن به وجه الصينية
و نزينها بالسانوج و الجلجلان و توضع في الفرن شهية طيبة

[همة عالية]

طريقة ام جمانة وام احمد تشبه الكعك وليس خبز الدار ؟
بالنسبة لسلطانة هل الطريقة مجربة؟ لاني دائما احاول بطريقتي ويخرجليش كيما اللي نشروه من برا
شكرا لكم

[afoucthe]

السلام عليكم هذه طريقتي في عمل خبز الدار يجي هايل ديري السميد زايد الملح وتبسسيه بالزيت مليح ثم تزيدي بيضة 2 ملاعق حليب غبرة و خميرة وتلميه بالماء الدافي وتعجنيه مليح وتخليه يطلع وبعدها تحليهالزيت ولا زبدة وتخليه يزيد شوي يرتاح بعدها تحيطيه في بلا نتاع الفور يكون مدهون وتدهنيه باصفر البيض وترشي علية السينوج وتثقبيه بالفرشاة ودخليه الفور

[أم جمانة]

السلام عليكم
صحى فطوركم أختي همة عالية الوصفة التي قدمتها هي الطريقة التي يحضر بها خبز الدار عندنا في الشرق أتمنى أن تجربيها
أهلنا في مستغانم كي يزورونا يحبوه بزاف

[ام انيس2]

الله يخليكم حبيباتي على الردود وشكرا جزيلا على الطرق صح سحوركم

[ام محمد اصيل]

السلام عليكم
هده طريقة مجربة ومضمونة اليك المقادير
500غ سميدد+ملعقة اكل خميرة الخبز الفورية+ملح+القليل من السكر +زيت عينك ميزانك ادا كنتي تحبيه مبسس كثري نخلط المقادير بين كف اليد جيدا بعدها نلمو بالماء ونتركها ترتاح حوالي 10 دقائق بعدها اعجني مليح بالحليب +بيضة حتى تصبح العجينة بيضاء وطرية وادا كنت تحبي نكهة ماء الزهر اضيفي كمية منه طبعا دون ان ننسى السينوج بعدما تنتهي دهني صينية بالزبدة واطرحي العجينة المتحصل عيها زينيها حسب الرغبة واتركيها تخمر عندما تخمر ادهنيها بصفار البيض مضاف اليه القليل من الحليب ورشيه بالسينوج وادخليه الفرن مسخن مسبقا وشهية طيبة هده طريقتي وهي ناجحة ارجو ان تجربيها وتخبريني بالنتيجة ارجو ان اكون
قد افدتك وصح فطورك.