السلام عليكم ورحمة الله تعالى وبركاته
بغيت نعالج معاكم اليوم مشكل من مشاكل الزوالية بلاك كاش منلقاو حل مع بعض...
كيما تعرفوا الزوالي عندنا مسكين ...وين يروح البيبان مغلوقة في وجهو...والشيء اللي يبغي يديرو ما يلقاش فيه روحو... شاف الخبز عامل حالة ...قالك ضرك نخبز المطلوع ونبيعو لخاطرش الناس كرهت من الخبز لي مبقاش خبز كيما بكري وفي النهاية قالك العودة إلى الأصل فضيلة...ومشات العفسة بعض الوقت معاه...لكن..كيما تعرفوا دوام الحال من المحال...وأصحاب المال مقصروش راحوا حسدوا الزوالي في كل شيء...واش عملوا؟؟...رجعوا يفابركيو المطلوع ويبيعوه مع الخبز بسعر أقل من السعر اللي يبيعو بيه الزوالي في الطريق..وهكدا يحاصروا فالزوالي اللي بقا مشرد وما عليه غير ياكل المطلوعة اللي كان رايح يبيعها ويهني روحو..............
قولولي واش الحل ؟؟؟؟؟؟؟؟؟؟؟؟؟؟
وصح فطوركم كامل وصيامكم مقبول
( تقرير عن مشاركة سيئة )، و الموجودة أسفل كل مشاركة .
2010-08-25, 12:36
مطلوعة الزوالي...
العرض الشجري