الرفيس من المطبخ التبسي

[رحيق الايمان]

هناك عدة انواع للرفيس و الطمينة في ولاية تبسة ولكل منها مناسبتها واهم نوع الذي يحضر في اي وقت هذا الرفيس
المقادير"كما في الصورة
دقيق اخرش
زبدة
غرش منقي و مرحي و ممكن استعماله بالنواة لان حرارة الدقيق تخلي نواية تخرج عند العجين
زبدة
قرصة ملح
ممكن نضيفو الكوكاو و الشامية حسب الذوق
التحضير:
نحمص الدقيق في المقلاة حتى يولي ذهبي
في قصعة نحطو الغرس و الزبدة و نضيفو عليها الدقيق سخون و نبداو في عجنها مليح حتى يدخل كلش في بعضاه اذا بقات ما تلمتش نزيدو الغرس و الزبدة كي يتلم كلش تولي عجينة نبسطوها و نديروها الشكل الي نحبوه.
فيما يخص الشامية يمكن وضع طبقة من الخليط و طبقة من الشامية و تزين بالكاوكاو او نضيف الكاوكاو في الخليط
*ملاحطة : يمكن وضع السويكة و هي دقيق الناتج من القمح المحمص مكان الدقيق المحمص يكون طعمها اكثر روعة خاصة مع الحليب