مرحبا بك أيها المال

[sousouhalima]

اخوتي الكرام دخلت الى هذا المنتدى عسى ان ابحث و اتناقش فيما يخص مستقبلنا المجهول نحن المتعاقدين . ووجدت نفسي أبحث في موضوع آخر وهو موضوع محوره الاساسي " المال" الذي اصبح سامط من كثرة ما انتظرته.اذا هل أصبح المال هوغايتنا ؟ ام ان المقولة الشعبية " عيشني اليوم و موتني غدوا " قد استولت على عقولنا نحن من نبني الاجيال . هذا مجرد استفسار فقط لي و لكم . سؤال آخر قمت بطرحه على نفسي ماهي غاية وزارتنا الحبيبة من جعل همنا الوحيد هو " وكتاش يخلصونا تاع عملول ؟" و كتاش يخلصونا هذا العام ؟ " هل لنا الحق في المردودية ؟ أم لا ؟" وأسئلة آخرى كلها تدور حول " المال " . هذه مجرد افكار تدور في ذهني ؟ ماذا يدور في أذهانكم ؟؟؟؟؟؟؟ ولا تنسوا اننا في نفس المركب ان اصيب نغرق جميعا . كما اذكركم ان الدخول المدرسي لم يبقى له سوى شهرو ايام فقط . و غمض عينك نلقوها وصلت .

[** سدرة المنتهي **]

المشاركة الأصلية كتبت بواسطة sousouhalima

اخوتي الكرام دخلت الى هذا المنتدى عسى ان ابحث و اتناقش فيما يخص مستقبلنا المجهول نحن المتعاقدين . ووجدت نفسي أبحث في موضوع آخر وهو موضوع محوره الاساسي " المال" الذي اصبح سامط من كثرة ما انتظرته.اذا هل أصبح المال هوغايتنا ؟ ام ان المقولة الشعبية " عيشني اليوم و موتني غدوا " قد استولت على عقولنا نحن من نبني الاجيال . هذا مجرد استفسار فقط لي و لكم . سؤال آخر قمت بطرحه على نفسي ماهي غاية وزارتنا الحبيبة من جعل همنا الوحيد هو " وكتاش يخلصونا تاع عملول ؟" و كتاش يخلصونا هذا العام ؟ " هل لنا الحق في المردودية ؟ أم لا ؟" وأسئلة آخرى كلها تدور حول " المال " . هذه مجرد افكار تدور في ذهني ؟ ماذا يدور في أذهانكم ؟؟؟؟؟؟؟ ولا تنسوا اننا في نفس المركب ان اصيب نغرق جميعا . كما اذكركم ان الدخول المدرسي لم يبقى له سوى شهرو ايام فقط . و غمض عينك نلقوها وصلت .

السلام عليكم

انا واش ايدور في راسي

دجي في بالكم اني نخدم كي بورب وصحتي راحت الوووووووووووووغ صوتي لنضال كل ليلة نشرب العسل باش يتسرح هذا الكل علي جال التلاميذ

باش يسمعوني الكل ويفهموني

راهي رياضيات لي نقريهااااااااا مشها لعبة راهي لاباز كون ما يفهموهاش كلش ايروح

بعد هذا الكل اختي بعد 10 شهر ما نلقي حتي دورو كومام العبد فينا محتاج الف وخمسية ان حاجة

رايحة نبقا نقول لبابا رفهني شوية كشما نشري حاجة تعجبني

والله قاعدة انحس اني ما خدمتش

والله غير كرهتها خدمة الاستخلاف ما كانش كي مرسمة

يا رب فرج عليا وعلي الجميع

[شهرزاد03]

والله صراحة ولا همنا الوحيد هو المال لعدة اسباب الاحتياج -غلاء المعيشة- وكل شيء موجود ومليح والدراهم ماكانش صح ولا لالا
ولو ماكنتش محتاجة في رايك مانخدمش هده الخدمة ونصبر على 10شهر بلا خلصة
مثلا انا ندرس في بلدية غير ولايتي تبعد عن الولاية ب 40 كم وكل يوم 50 دج وانا رايحة و 50 دج وانا راجعة وندرس الرياضيات يعني ندرس كل ايام الاسبوع
وانتم احسبو ومنين نجيبها؟؟؟؟؟؟؟ حتى الوالد بمسؤولياتو اخواني الكل يدرسو من حقهم يسرف عليهم كيما صرف عليا قبل وانا اكبرهم
بلا مانحكي على التعب نتاع التلاميد وتعبهم والرياضيات يلزمها جهد اكبر خصوصا لما يكون في قسم 44 الى 45 تلميد وفي بعض الاقسام لحقو ل 50 تلميد
على الاقل اكلة نرد بيها الروح وفيتامينات ولا عسل من العياط
في رايك اختي سوسو حليمة نخمم في الشهرية والمال ولا لا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حبيت نساعد الوالد في مصاريف البيت زدت عليه ولا مصروفي بالزايد حتى وليت نحشم باش نطلب
والبنت مصاريفها اكثر من الولد
السؤال مطروح واش لازم نخمم ؟؟؟؟؟؟ في المال ولا لالا؟؟؟؟؟؟؟

[sousouhalima]

اخواتي الكريمات أنا أيضا مثلكما وليت نحشم من الطلبة الناس كامل تسالني حتى اني طفيت الهاتف تاعي و قررت نشعلو نهار يصبولنا . الحاجة الي نخمم فيها: راح نخدم العام الجاي ولا لا ؟؟؟؟ وهذا وين حابا نوصل. هذا العام راه فض بحلاوتو و بمرارتو وألي صرا صرا. وصوارد هذا العام راهم مخبيين ريحيين يلحقونا السنة ولا العام الجاي و نتمتعو بيهم كيما حبين و نخلصو ديوناتنا ان شاء الله . هاه والعام الجاي ربي و رحمتو .لقيت خدمة خدمت و كون ما نلقاش بابا فوق راسي مسكين لازم يصرف عليا انا تاني بنتو ... لازم نفكرو واش نعملو ماناش مترسمين و هذا مشكل ؟ ولكان حابا تدي مصروفك من باباك ما كان حتى مشكل .

[أبو عبد المالك2007]

والله يا سوسو عندك الحق والأخاوت عندهم الحق ولي خلق هذا الخلاف راه متعمد للأنو الوقت ألي نورمالمو الإنسان يفكر في الإبتكار والإبداع صبحنا نفكرو في الراتب دخل ولا مازال وهاذي سياسة مقصودة تماما وتشبه أيام الجامعة إذا تتذكرو الوقت ألي يجب نجتهدو ونبتاكرو ونبدعو في الدراسة نرجعو نفكرو في المطعم ولاشان يعني الطابور ولابورس و...و... هكذا هي السياسة المقصودة لا محال ....في وقت الإستعمار كانو يسميوها سياسة الأرض المحروقة

[sousouhalima]

وحنا رانا نتبعو برك . حبا نعرف احنا نتبعو و وحنا عندنا حجا في راسنا حبين نوصلولها ولا ؟؟؟و هذي السياسة على حساب ما راني نشوف راهي ماشية مليح . يا جماعة راني نحكي مني بصح وش لازم نديرو باش نخرجو من هذي الازمة .هذا مصيرنا ألي بن بو الناقص يلعب بيه .

[أبو عبد المالك2007]

والله عندك الحق ياسوسو وأنا راني معك100 بال100 ولكن لازم التكاثف على المستوى الوطني

[sousouhalima]

اذا كان عندنا الراي نعملو كلش ولاكان تبعنا الاشياء الهامشية و الله يصرا فينا المنكر وواحد ما يقول علينا مساكن و الله غير يقولو الشه فيهم

[أبو عبد المالك2007]

أنا راني معاكم بقلبي يا سوسو والله يفتح عليكم ويبعد عليكم وعلينا ولاد الحرام كيما تقول جدتي

[toufik28]

يا جماعة من حقنا أننا نتكلم عن المال ،إذا كان المترسمين يتهافتون على مركز البريد كل شهر و بالآلاف وكل واحد يقول واش يديروا هذو الدراهم.هذا حال من يتقاضى أجره من شهر إلى شهر .إذن ما حال من يتقاضى من عام إلى عام.إننا كالمعذبون في الأرض .
لا تنسوا أيها المتعاقدون وخاصة الإناث أن هناك من هو رب عائلة وهناك من ينتظره مشروع (على قدر طموحات دراهمو) كمشروع زواج ،أو حتى اجراء عملية له أولأحد عائلته.الكل ينتظر لأنه حقنا يا أستاذات أم أنني مخطيء.هل يمكنكن أن تقولن لي كيف حالكن وانتن تطلبن الاستلاف من أحد الأقارب أو أحد المرسمين"أنا شخصيًا أشعر وكأنني متسول "
أما بخصوص التحرك والمطالبة بحقوقنا فكيف نكون يد واحدة وكل ولاية تغني ليلاها.كنت قد وضعت لكم قرار المجلس الوطني للأساتذة المتعاقدين بخصوص الاحتجاج الوطني يوم 7 جويلية .هل أتيتم ولا واحد ما عدا 15 أستاذ وهذا عيب.
أعذروني على صراحتي لكن الطريق بهذه العقلية مسدودة .وأنا دائما أقول ما ضاع حق وراءه طالب

[أبو عبد المالك2007]

الناس ملت يا أخي والأمور راهي واضحة في البلاد الأساتذة المترسميين بعدما علنو الإضراب مفتوح وسكتوهم بسيف الحجاج .والله الأمر ليس كما تظن .ونفكرك بالأساتذة ألي أضربو عن الطعام يوما ما حتى قريب ماتو كاش واحد قيمهم وقاللهم صباح الخير...السيد بن بوزيد ختم الكلام بقول واضح ونهائي ونذكرك واش قال ...قل: حتى في الدول المتقدمة هناك أساتذة متعاقدين...ولم يترك المجال لنا لنوضح لهم كيف هي ظروفهم هناك...عموما هذا لا يعني السكوت بل يجب المثابرة لأن المثابرة أساس النجاح

[sousouhalima]

انا ما قلتش ما عندنا مانديرو بيهم هذو الدراهم .انا تاني نحتجهم بلاك اكتر منك و راني عام كامل وانا نخدم نصهم رايحين دين هذا لا ما رحوش كامل . انا حبا نعرف الموقف السلبي تاعنا منين جا . الا يوجد امل في فعل شئ . الا يوجد حل من اجل ايجاد مخرج . والله راني نفكر في العام القادم قد صبري في الدنيا . واش راح نعمل كون ما نلاقاش خدمة . الرزق بيد ربي صح . بصح ربي قال اسعى اعبدي و انا معاك . و انت يا توفيق 28 عندك الحق تتغشش علينا على خاطر واحد ما جا لهذاك الاضراب . انا مرا صح بصح كون سمعت بيه قبل راني جيت .حتى اني بقيت استفسر عنه حين علمت به ووضعت موضوعا بعنوان اضراب 7 جويلية . ان دخلت فيه لن تجد رد . وكانه لم يكن . بالمناسبة ماذا حدث فيه والله حبا نعرف .

[أبو عبد المالك2007]

يا سوسو حليمة هوني عليك راني حاس كأنك كتبتي هذوك الكلمات وأنت مقلقة ...ما ديري والو في بالك إن شاء الله العام القادم تنجحي في المسابقة..وبإذن الل الله راني ندعيلك وكامل خاوتنا ألي تميزرو

[sousouhalima]

ربي يخليك خويا تو محتاجة واحد يطلعلي المورال شويا راه في الزيرو .

[نسيم الحياة]

اه اه يا خاوتي و الله غير راه ميحس بيكم غير لجرب و مر بتجربة نتاعكم انا كونت مثلكم هكا كونت نقري و منخلصش عام كامل وزيد كثر من هكا كل كاين وحد العام خلصو الناس ونا مخلصتش قالك عندك غلطة في الدوسي نتعك زيدت قعدت نستنى نصف عام اخر باش خلصت و الله غير كارثة صح انا وليت نطلب على الأقل نتوم بنات شوفي الراجل كويلي يطلب
والله غير كارثة صح ولكن خاوتي كبرو بالكم برك تنجحو كما نتجحت انا بعد معناة 3 سنوات كاملة مع الإستخلاف و التبهديل من دائرة لدائرة اخرى
اصبرو برك و ربي يجب الخير و ننصحكم نصيحة راكم اساتدة نتع رياضيات حسب مراني قريت لازم تفوتو في ولايات نتع الجنوب راهم خاصينهم بزاف مناصب مع اختصاص فرنسية