من يجيب بصراحة فليتفضل ؟....

[قمر الهضاب]

نعلم كلنا ان الغش في ديننا حرام

ومن انواعه الغش في الميزان

و الغش في السلع ...الخ

ولكن موضوعنا اليوم هو الغش في الامتحان بما اننا انهينا فترة

الامتحانات هذا الاسبوع فاريد ان اعرف وجهة نظركم بالنسبة

للغش في الامتحانات هناك مثل شائع وهو من نقل انتقل ومن

اعتمد على نفسه بقي على حاله وهناك من يقول انه ليس بغش بل

هو مساعدة لصديق لم يستطع مراجعة دروسه او فهمها

فهل انت مع هذا المثل او ضده

ارجوا التفاعل مع الموضوع


وتقبلوا مني اسمى التحية


وشكرا

[روح العنبر]

السلام عليكم
أولا أشكرك أختي على موضوعك الجاري في حياتنا.
فالإنسان الغشاش هو كالنباتات الطفيلية (الفطريات) التي تعيش بفضل ما يجنيه الآخرن.
فهذا الإنسان يقوم بترك واجباته وإهمالها طوال السنة، ويوم الإمتحان يحاول تدارك ما فاته بإيجاد مكان ملائم وزميل شاطر واختراع الوسائل المساعدة على الغش
وأحيانا ينال أكثر من المجد
وأخيرا المجد يبقى مجد ونراه في المستقبل قد نال
أما الخامل فمهما كان، حتما مصيره الخمول والشقاء
والله أعلم
سلام

[طالبة متألقة]

انا شخصيا لا اوافق هذه الفكرة
وصراحة من كنت نقرا سنة 1 ابتدائي
حتى لضرك اولى ثانوي مغشيت حتى مرة
حتى ومنغشش منساعدش لانها هذه المساعدة في الاختبار متتساماش مساعدة تتسمى خيانة
انا هذا رايي
شكرا على الموضوع
تقبلي مروري

[harichane]

مساعدة الصديق واجبة فانا اري لاصدقائي نورمال الغش كي تجبد الكراس وتنقل هدا مانقول

[قمر الهضاب]

المشاركة الأصلية كتبت بواسطة harichane

مساعدة الصديق واجبة فانا اري لاصدقائي نورمال الغش كي تجبد الكراس وتنقل هدا مانقول

و الله يا اختي مشكورة على صراحتك

واشكر كل من رد على الموضوع اتمنى المزيد من الردود

[¨°o.سيدو~علالو.o°¨]

*يا اختي بلاد تيكي بلاك الغش بلاد ترافيك فكيف لا تغش.... *
*بل العكس غش وس مابقى نيفو في الجزائر تلقاه جامعي ..خويا في الاكمالية خطوا خير منو *
*بارك الله فيك هذه صراحتي ومجرد رأي ومنكم نتعلم *
*شكرا قمر هضاب *
*سلام *

[قمر الهضاب]

بصراحة سالتكم ومن المفروض ان اجيبكم اولا

انا وحدة من الناس انعت فالاختبارات يغيضوني كي يعودو يعيطولي وماهم عارفين والو اي نولي نبعثلهم الاوراق نتاع التنقال

[*ألخيال*]

يا جماعة تقريبا مكانش فينا اللي لم يغش ولو مرة واحدة


انا يا جماعة لو كان تبانلي ما نراطيش


على خاطر القراية صعيبة ومانيش حاب ندي زيرو في كاش موديل


المهم علابالي بلي الغش حرام بصح كي نشوف ناس تغش وتنجح وانا قاعد

نتشوكا بزاف

سلاااااااااااااااااااااااااااااااااااااام

[نورالدين17]

الغش يسمى غشا وهو واحد لا يتجزأ فمقولة ***من نقل انتقل***باطلة لأنها دعوة للقيام بما هو غير جائز.........

[الأمل القااااادم]

المشاركة الأصلية كتبت بواسطة جهاد البيريني

يا جماعة تقريبا مكانش فينا اللي لم يغش ولو مرة واحدة


انا يا جماعة لو كان تبانلي ما نراطيش


على خاطر القراية صعيبة ومانيش حاب ندي زيرو في كاش موديل


المهم علابالي بلي الغش حرام بصح كي نشوف ناس تغش وتنجح وانا قاعد

نتشوكا بزاف

سلاااااااااااااااااااااااااااااااااااااام

بالاك برك يفيقولك
و توكل على ربي
لي كاتبتلك واحد ما ينحيهالك ان شاء الله

[قمر الهضاب]

والله خوي جهاد عندو الحق كي تشوف واحد ميقراش مرى وينجح ماشي غير تتشوكا برك

بصح راني نشوف 9 ردود 70 مشاهدة خسارة فينا رد

[amina.j]

يا أختي هل بقي هناك شخص يدرس بنفسه ويعتمد على نفسه
حدثت لي طرفة جميلة في هذا الامتحان الأستاذ غيرلي المكان وضعني مع الخلف وجدت نفسي أنا الوحيدة التي تكتب وتجيب على الأسئلة أما البقية يا حسرتاه كلهم بالكيت مان عبر الهاتف وتطورت وسائل الغش الى ان أصبحن الفتيات يرتدين الحجاب من اجل الغش .......نعم
أنا ضد الغش صراحة لكن اذا طلب شخص مني المساعدة فلا أرفض ذلك
شكراااا على الموضوع

[قمر الهضاب]

جاتك غير فالكيت مان ختي امينة ياك خرج سيال نتاع التنقال كي تكتبي بيه ميبانش بصح فيه الضوء غير الضوء نتاعو لي يبين كتبتو

[mehdi.com]

انا شخصيا لا اوافق هذه الفكرة
وصراحة من كنت نقرا سنة 1 ابتدائي
حتى لضرك السنة5ابتدائي مزال ماغيتش
انا هاذ العام نجوز امتحان نهائي اومبعد واش ندير نتعلق

[*أســيـــــرツالــبــســـمـــة*]

السلام عليكم و رحمة الله تعالى و بركاته
أولا: أشكرك على الموضوع الجاد و الهادف
أما عن سؤالك
فبصراحة أنا أغش نصف الغش
أي أساعد زملائي
لكن لا أكتب في ورقة إجابتي إلا بما هو لي
فلا أطلب المساعدة من الآخرين
السلاااااااااااام