أحلى نكت ممكن انك تسمعها ^_^

[_Ayoub_]

واحد الكلب قعد ينبح حتى ضرو راسو.....علاه..كان ينبح في واحد اطرش
................
زوج كباش تفاهمو مع بعض ..كل واحد يعور الاخر ..باش ما يدبحوهمش فالعيد الكبير
................
حمار شاف خطيبته (حمارة)قالها"وقتاش نتزوجو يا حمارة" قاتلو"كي تريقل هدرتك يا واحد الحمار
................
قالك واحد الجزار راح يخطب قالولو "لازم تدفع خمسة ملاين مهر قاللهم "علاش شحال للكيلو"
................
واحد فنيان يخدم في حانوت تاع الدجاج يبيع الدجاج حي جات عندو وحدة و قالتلو "شوفلي دجاجة فيها 2كيلو". ايا شاف مليح فالدجاج وقال"اللي فيها 2كيلو تنوض"
................
واحد قال ليماه بغيت نتزوج بوحدة بيضة وطويلة وخدامة ...قالتلو شوف كاش فريجيدار
................
عربي وأمريكي وياباني حطوهم على جهاز كشف الكذب الياباني قال "احنا رانا نفكرو نصنعو إنسان آليونستغناو عن البشر"فبدا الجهاز يسينيالي ...الامريكي قال "احنا رانا نفكرو نسكنو فالمريخ " فبدا الجهاز يسينيالي ..العربي قال" احنا رانا نفكرو.." وقبل ما يكمل هدرتو بدا الجهاز يسينيالي
................

قالك مرة كان جحا واحد من المريكان واحد من الجابون
عطاو لكل واحد منهم مليار وقالولهم لازم تخترعو حوايج
مالا الماريكاني خدم صاروخ يروح لأي بلاصة
والياباني خدم خاتم بورتابل تكلم بيه اي واحد
اما جحا صرف دراهمو اكل قعدتلو غير مليون مالا شرى معزة وكلب
جوعهم ربعيام قبل ما يوصل وقت كي يورو اختراعاتهم
مالا بدا الماريكاني ورى اختراعو ثم الياباني وصت دالة جحا
حط الكلب وعطاه حشيش كلاه
وحط المعزة وعطاها اللحم كلاتو
قالولو واشي هو الاختراع قالهم
على الكلب: الكاركا سة كلب والموتور معزة
على المعزة: الكاركا سة معزة والموتور كلب.....هههههههه
................
قلك واحد حابس أراد أن ينتحر فرآه صديقه فذهب إليه مسرعا وقالو :خويا علاه راك حاب تنتحر ؟ فأجابه:لأنني حابس وما نعرف والو .. فقال له صديقه : سوف أبين لك بأنك ماكش حابس ..وسقساه على حاجة مدورة وبيضة ؟ فقال له الحابس :مانيش عارف .فأجابه صديقه بأنها حبة بيض ..ثم سأله سؤال ثاني و قالو :2مدورين و بيّض ؟ فقال له الحابس: مانيش عارف . فأجابه صديقه بأنهما 2 حبات بيض ..ثم سأله سؤال ثالث و قالو:حيوان عندو الصوف وعندو القرون ويقول بععع؟فأجابه الحابس : إيه مالا 3حبات بيض...هههههههه
................
قلك واحد النهار زوج خاوة واحد يسموه فريطيط ولاخر يسموه بريطيط قلك فريطيط دخل للحبس كي خرج كان محفف بولا زيرو ..كي شافو بريطيط سقساه باه حففت فقالو خوه بالماشينة أيا راح بريطيط للرايا تاع القطار و حط راسو ولما جاء القطار كلاكسونا عليه فقلو بريطيط :ما تقولي ني طيط ني بيط حففلي كيما خويا فريطيط ....ههههههه
................
قلك وحد المرة إجتمع عباقرة العالم و إخترعوا حاسوب يمكنه الإجابة على أي سؤال .....أتوا 3 أغبياء كي يجربوه وبدأ الأول يسأل في الحاسوب فيجيبه الحاسوب بسرعة ثم جاء الثاني لكن الحاسوب أذكى منه ...إلى أن جاء الثالث و هو أغبى الأغبياء فكتب شيئا فإذا بالحاسوب يحترق ولما سألوه قلهم (كتبت للحاسوب أن هناك حقلا طوله 700م وعرضه 200م .ما هو عمر الفلاح؟ ) ....هههههه

[زينة الرشاد]

هههههههههههههههههههه شكرا لك نكت حلوة كتير

[hitkbn]

ما هو عمر الفلاح
hhhhhhhhhhhhhhhh
hhhhhhhhhhh
hhhhhhhh
hhhhhh
hhhhh
hhhh
hhh
hh
h

[_Ayoub_]

عجبوكم؟ ايا مالا هاكوم هدي!!

قالك سرات اكسدنت بين 2 مرسيداس اخر عيطة ..بداو يداوسو صحاب الكرارس في ما بيناتهم........حبس واحد مولا R4 رايبة واش قاللهم؟؟؟ ماتتقلقوش تقدرت..و حنا قاع عندنا الماتريال و نخافو عليه ...هههههه

................


واحد قال لخطيبته كي نكلاكسوني هبطي قالتلو علاه اشريت طوموبيل قالها لا شريت زمارة .....ههههه

................

خطرة واحد كان يسرح بالنعاج وحاط رجل فوق رجل ويتكيف في قارو ايا طاحت طيارة قريب ليه...كي جات الصحافة تسالو كيفاش الحادثة المسكين من الخلعة بزاف قالهم كنت نسرح بالطيارة و حاط قارو فوق قارو ونتكيف في رجلي .لقيت النعاج طاحو....هههههه

................

قالك واحد مهبول دايمن حاكم الحيط و حاط وذنو عليه ويسمع كي شافو الطبيب قالو"واش راك تسمع" قالو المهبول " اسمع بوذنك" كي حط الطبيب وذنو على الحيط قالو "ماراني نسمع والو"ايا قالو المهبول "هادي اللي راها مهبلتني " .....ههههههه

................
التقى كذابان أحدهما من القطب الجنوبي و الاخر من الشمالي فقال الاول:إن البرد عندنا كثير لدرجة أن النار قد تجمدت فقال الثاني: أما البرد عندنا وصل الى درجة أننا لا نسمع كلام بعضنا حتى نضعه في الماء الساخن ....ههههه
................
واحد النهار غبي دخل يشري عصير قال لمول الحانوت .اعطيني jus d'orange تاع الخوخ ...هههههه
................

مرة وحدة هي و زميلتها قاعدين يحكيو الاولى قالت
انا زوجي ديما ينسى بورتابله و المفتاح نتاع الطاكسي
هدرت الاخرى قاتلها تنتي عندك الزهر انا زوجي كل يوم
يقولي وين شفتك من قبل ...ههههه
................


مرة واحد عرض صاحبه و حطلو العدس قالو
كول العدس فيه الحديد ايا مرة التاني عرض صاحبه
جابلو الحديد قالو كول الحديد فيه العدس .....هههههه
................

قالك الحمار عرض الحمارة لدارو كي دخلت الحمارة شافت الحمار معلق صورة الحمار الوحشي و سقساتوا : شكون هذا فقالها الحمار :هذا عمي كي كان يلعب في جوفانتوس ....ههههه

................

سأل أحدهم الأخر:أتذهب الى أمريكا أم تبقى؟
. فأجابه:سأذهب الى تبقى . يظن أنها دولة...هههه

................

في أحد الأيام ذهب رجل بخيل مع زوجته لإحدى المحلات
فوجدت زوجة البخيل توبا رائعا قائلتا لزوجها : يا له من ثوب أنيق
فأجابها الزوج البخيل قائلا : إذا سوف أحضرك إلى هذا المحل يوميا لكي تري الثوب ....هههههههه

................

كاين واحد في البحر يصايد فرمى صنارنه في الشاطئ فقال له واحد لماذا تصطاد الرمل قال له اعطيني 100 دج نقولك فاعطاه فقال له اني اصطاد الاغبياء مثلك؟؟؟ ....ههههههه
................

الأستاذ للطالب:ما هي أكثر كلمة يستخدمها الطالب؟
الطالب: لا أعرف..
الأستاذ: أحسنت..


................

قالك وحد الكلب كان يجري يجري يجري و من بعد طاح .... قالك راح عند صحابوا الكلاب قالهم و الله كنت نجري وطحت طيحة تاع الكلاب


................

هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف روحو في لمرايا وقال:
هيه... قلتلها نوضيني نوضت خويا
................

واحد يسكن في القرية دا الباك وباه يروح للجامعة خاف يضحكو عليه قالتلو أمو روح برك النهار اللول يضحكو عليك والنهار الثاني يضحكو عليك والنهار الثالث توالف وتروحلك العقدة قالها
مالا حتى النهار الثالث ونروح
................

سالوا جحا في ايام صباه :اانت اكبر سنا ام اخوك؟
فاجابهم : في العام الماضي قالت لي امي ان اخاك اكبر منك بسنة واحده وعلى هذا الحساب ...فنكون كلانا في هذه السنه بعمر واحد

................

قالك جماعة حابسين يلعبوا في لوتوروت تفاهموا اللي تقيسوا الطونوبيل زوج خطرات يخرج


................
شفت القمر
قالك وحدة كانت تشاهد المسلسل وجات عند زوجها
قالت له يا محمد شفت القمر اشحال شباب قالها
راني نشوف مانيش اعمى.


................
حراقة والبابور
زوج حرَاقة جاو تحت باخرة العلم تاعها علم انغليزي
فشافو واحد من الطاقم فوق و نادوه:
-الحراق الأول: هااااي انت، ارميلنا الحبل، حابين نحرقو..
what, i dont understand arabic, what???? l: العامل على الباخرة-
- هااااي راني نهدر معاك قلتلك ارمي الحبل، يرحم باباك ارميلنا حبل حابين نحرقو معاكم..
- i dont understand a word, what are you talking about, what??l
- شوووف قلتلك ارمي الحبل والا نطلع ليك مابقاش وقت...
- فرد الطاقم: ?????!!!!!!!!!!!!!!!!!!!!!!!!! والو مافهمش
و هنا الحراق الثاني قال لصاحبو: اسمع اسمع خليني أنا نهدر معاه...
- الحراق الثاني: hey, you, do you speak english??l
-العامل قال : yes yes, i speak english
- الحراق الثاني: أرمي جد الحبل مالاااااااا

................
مرة مدرس بيسال تلميذ معنى سبيل قال التلميذ طريق قال المدرس للتلميذ ومعنى سلسبيل قال التلميذ طرطريق

................
مرة مدرس سال التلميذ قال له ماذا يمثلك الوطن قال له امى وسال زميله ماذا يمثلك الوطن قال أم صاحبى


................
المعلم. اجب يا ناصر لماذا سموا البحر الميت بهذا الاسم ناصر فكر وفكر وقال يبدو ان البحر الميت كان مريضا قبل ان يموت



بابا
سأل أستاذ تلميذه: ما اسم الحيوان الذي تصحو على صوته كل صباح؟
أجاب: بابا .




الفيل والبرغوت
استاذ سأل تلميذه ما الفرق بين الفيل والبرغوت راح قال له الفيل ممكن أن يكون لديه 100 برغوت لكن البرغوت مش ممكن يكون لديه 100 فيل


الاختبارات
في واحد دايما يرسب في الاختبارات وفي يوم طلعت نتيجة الاختبارات فجاء الراسب لصديقه و قاله :
روح شوف النتيجة وتعال إذا راسب في مادة قول محمد يسلم عليك و إذا راسب في مادتين قوللي محمدين يسلم عليك ،راح صديقه يشوف النتيجة لقاه راسب في كل المواد رجعله و قاله :
أمة محمد بتسلم عليك.


حمار
وحد الخطرة وحد حمار حاشاك كان متكي على حيط شاف لعواد يديرو في السيباق غار قال ايه كون قريت كون راني كيفهم



شاب تتشاجر مع ابوه
مرة شاب تتشاجر مع ابوه و نزل الشاب تحت الباطيمة و قعد يعيط بويا اعطيني حوايجي ما نزيدش نقعد في الدار ارسله باباه قرعة جال وقاله هدا ما عندك




الشيطان
قالك واحد حياتوا كامل وهو ياكل في اللوبيا وكي يجي ياكل ما يقولش بسم الله الشيطان ياكل معاه واحد النهار جاء راح يبدا
الماكلة خرجلوا الشيطان وقالوا يا صاحبي نتا قع ما تقولش بسم الله


واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو:
عندك قهوة باردة؟ واحدالنهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال : عندك قهوة باردة؟ قالو: نعم, قال: سخّنها وجيبهالي



la jalousie
كان واحد ماشي في سيارتو ومعاه زوجتيه, وفجأة السيارة تعطلت نزل الراجل يشوف,
نطقت مرتو لمثقفة وقالت: شوف بلاك الكالبيراتور؟ غارت الزوجة لخرا وقالت انا تاني لازم نهدر حاجة حتى وإن كنت مانعرفش للسيارات...وقالتلو: يا راجل شوف بلاك نسيت البارمي


قالت مراة لوليدها روح عمرلي قرعة غاز كي كان رايح قالها يما ادعيلي قالتلو روح يا وليدي الله يفتحها في وجهك

[adel1444]

مشكووووووووووور

[manel77]

شكرااااااااااااااااااااااااااااااااااااااااااااااا اااااااا

[๑هــد{الفـجـر}وء๑]

واحد قال ليماه بغيت نتزوج بوحدة بيضة وطويلة وخدامة ...قالتلو شوف كاش فريجيدار


واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو:
عندك قهوة باردة؟ واحدالنهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال : عندك قهوة باردة؟ قالو: نعم, قال: سخّنها وجيبهالي


ههههههههههههه مشكوووور

[قارئة السلام]

هههههههههههههههههه مشكووووور على هادي النكت الهاااايلة

[ليلى الجزائرية1]

هههههههههههههههههههههه....شكرا على النكت

[sousou051]

ههههههههههههههههههههه ربي يخليك رفهت علينا

[_Ayoub_]

هههههههههه بلا مزية خاوتي

[كوثروا]

منقول من سدي تاع الباك

[ع.أسامة18]

ههههههههه شكرا على النكت المضحكة هههههههههههههههه

[_Ayoub_]

لا يا أخت كوثروا أنا عندي ملف بور بوينت يحمل هذه النكت الجزائرية وأردت ان ارفه عن احبائي قليلا

واصلا ليس الهدف من اين نقل الموضوع... بل الغاية من مشاركة الناس به

تحياتي الطيبة لك

[ليلى الجزائرية1]

المشاركة الأصلية كتبت بواسطة _ayoub_

لا يا أخت كوثروا أنا عندي ملف بور بوينت يحمل هذه النكت الجزائرية وأردت ان ارفه عن احبائي قليلا

واصلا ليس الهدف من اين نقل الموضوع... بل الغاية من مشاركة الناس به

تحياتي الطيبة لك

نشكرك خويا أيوب على الموضوع ما يهمش منين جبت النكت المهم تمتعنا بيها.