الى متى في الجزائر زواج في الصيف وطلاق في الشتاء

[مجنونة بخيالي]

السلام عليكم ورحمة الله وبركاته
اخوتي انا راني نشوف بللي حالة الطلاق في بلادنا زادت عن حدها
هدرنا عليها بزاف بصح لحد الان معرفناش وعلاش هكذا راهو يصرا في بلادنا
رجعت العروس في ليلة عرسها تخاف من الطلاق
تالمو كثر الطلاق في بلادنا ورجعت حاجة ساهلة زوج يتطالقو
انا في رأيي الشخصي
كاين اسباب بزاف وجيلنا ميخممش فيها قبل الزواج
كي يشوف وحدة عاجباتو يروح يقدم بلا مايعرف عليها والو
هي قبل الزواج تلعبها بنت رزينة وتكذب عليه وهو تاني يعطيها غير الغالط يكذبو على بعضاهم ومنبعد كي يزوجو يلقاو بللي راهم مايخرجوش على بعضاهم هكذا ويطلبو الطلاق وتجيهم حاجة ساهلة
وكاين اسباب بزاف بلا هذي
ومنها الخيانة اللي كثرت في ايامنا ورجعت حاجة عادية ممكن تلقا راجل كبير ووعاشر مرتو كثر من عشرين سنة ومنبعد يخونها وهذي تسبب الطلاق
ولا زوج يتزوجو في فترة مراهقة ماهمش حاسين بالمسؤولية حتان تطيح عليهم
انا بصراحة مافهمت والو ؟؟؟؟؟؟؟؟؟؟

هذا الموضوع كتبتو بالدارجا لانو موجه للجزائريين فقط
ارجو النقاش بجدية ومدولنا اقتراحات وحلول بلاك نفيدو بيها غيرنا
***سلام***