رجاء لكل صديقات المنتدى

[ام احمد]

عندي رجاء لكل صديقات المنتدى
انا لا املك فرن لذا ارجو ان تفيدوني بوصفات تطهى في المقلاة
خاصة الحلويات

[نورالإيمان]

كاين واش الطيبي في المقلات المقروط الشخاشخ وفي الأسبوع القادع سوف أعطيك الوصفة وشكرا

[sofiane2075]

الوصفات اللي تطيب في المقلة هي الصامصة القريوش السيقار مقروط العسل لتحضير مقروط العسل لازملك 3كيلات سميد متوسط كيلة سمن ملح بسيه مليح بليه بالماء خليالعجينة ترتاح للحشو تقدري تحطي الغرس مع قليل من القرفة و القرنفل ماء الزهر وجلجلانية تعجنيهم مع بعض و تعملي منهم حرابيش خليهم على جنب حضري حربوش من العجينة ضعي في الوسط حربوش تاع الغرس اغلقيه مليح قطعي مقروطات ولما تكملي الكمية للي عندك اقليهم في الزيت عندما يطيبو مباشرة اغطسيهم في العسل يمكنك عمل حشوة اللوز ايضا ان شاء الله نكون ساعدتك قليلا

[ام خديجة1]

اليكي هاته المقادير لحلويات لا تطهى ارجو ان تفي بالغرض
حب الملوك :
كاس حليب لحظة محمص في المقلاة ؛ كاس فرينة محمصة ؛ كاس كاوكاومحمص ان اردتي في المقلاة ولما يبرد ارحيه ؛ كاس عسل ؛ نصف كاس مرغرين مذابة وعلبة صغيرة حلوة الترك مبشورة .
التزين :ملون احمر ؛ ماء الزهر ؛ سكر خشن ؛ اعواد تزيين .
الطريقة :
اخلطي المكونات الجافة كلها ثما لميها بالمنغرين والعسل اعمليه كراكب في حجم حب الملوك ثم مرغيها في الملون ممزوج بقليل من الزهر ثم في السكر وخليها تنشف ثم السقي كل حبتين بالاعواد الخاصة بحب الملوك انها متوفرة في الاسواق .
يا اختي العزيزة ان اعجتكي عندي وصفات اخرى

[ام احمد]

شكرا لجميع صديقاتي على الاهتمام
و اشكرك على حب النلوك ساجربها و ارجو المزيد

[ام خديجة1]

السلام عليكم
لسان الطير:
2بيضات ؛ فرينة حسب الحاجة
ربع ملعقة صغيرة خميرة الخبز
ذرة ملح
كاس صغير جيجلانية {للزينة}
2م/ك حبة حلاوة مطحونة
الطريقة:
اخلطي المقادير عدى الفرينة لانكي تشيحي بيها حتى تصبح عجينة لينة قسميها كويرا ت صغيرة وطرحيها مثل الشخشوخة وسخني المقلاة ونشف القرصات من الجهتين بلاما تتحرق ودعيها جانبا ثم خدي قرصة وروليها ولسقيها من الاطراف بالماء ثم قصيها مقروضات وقليهم في زيت سخون في الاول ثم اخفضي النار ولما تنتهي غطسيهم في العسل وشهية طيبة
الصامصة :
الديول{ورق البوراك}
عسل
لوز او كاوكاو محمص ومطحون
سكر كلاصي
اخلطي الكاوكاو والسكر وبليهم بماء الزهر او الورد
شكليهم مثلتات وقطعي الديول مستطيلات وضعي الحشو وشكلي مثلتاتوقليهم في الزيت وقطريهم جيدا ثم غطسيهم في العسل يكون بارد
كرات جوز الهند بالفستق اواللوز او الكاوكاو
2كيلات بسكويت جاف مطحون
نصف كيلة جوز الهند مرحي رقيق
علبة حليب نستلي مكثف
نصف كيلة فستق او كاوكاو محمص ومرحي
نصف كيلة جوز الهند مرحي شوية خشين للزينة
اخلطي المقادير جيدا وشكليها في حجم حبة الجوز ثم مريريها على جوز الهند{نوات كوكو}

[ام احمد]

بارك الله فيك عزيزتي على الاهتمام و ساجربها ان شاء الله

[soumaya2]

المقادير
-1كلغ طحين (فرينة) - 250غ زبدة
-ملعقتان سمن -
قليل من الملح -بيضتين عسل
جلجلان
التحضير
امزجي الفرينة و الاسمن والزبدة اضيفي البيض والملح بليلي بالماء حتي علي عجينة
اطرحي العجينة رقيقية واطبيعها باتطابع اقليها ثم اغمسيها في العسل ورشيها بالسمسم

[imene08]

كاين المشوشة طيب في المقلات
(كاين أماكن يسموها ثاحبولث و كاين أماكن يسموها ثاكنيفث)
اممممممممممممممممممممممممممممممممممممممممممممممممم
نحوسلك على وصفات إن شاء الله

[ام احمد]

شكرا اعزائي الاكارم على الاهتمام