شفافية مدرسة الدكتوراه (ادارة الاعمال والتنمية المستدامة) بسطيف

[nasserdouz]

معكم الدكتور n12
لقد بدأت اقرأ في الاونة الاخيرة بعض المداخلات لبعض الطلبة الكرام يشككون فيها من نزاهة وشفافية مدرسة الدكتوراه ادارة الاعمال والتنمية المستدامة بسطيف العام الماضي.
ولهذا يجب الرد عليهم بالقول ان مسابقة العام الماضي كانت في منتهى الشفافية ولم ينجح اي شخص فيها من مجمل 40 شخصا بالمعريفة او بالمحسوبية فكلهم ماشاء الله يتمتعون بقدر كبير من الاجتهاد وروح المسؤولية.
والفضل يعود بعد الله تعالى الى عميد الكلية الدكتور صالح صالحي الذي نشهد له جميعا بحسن تسييره للكلية وبصرامته وبنزاهته وبتفانيه في العمل...
ولهذا لا نسمح بعد الان بالتشكيك في مدرسة الدكتوراه بسطيف او بأحد من طلبتها او بأحد من اساتذتها وعلى راسهم الدكتور صالحي.
وتجدر الاشارة كذلك الى ان جميع الطلبة بهذه المدرسة هم من الناس البسطاء ولا احد منهم ابن وزير او ابن رجل ثري او ابن مسؤول في الدولة او غير ذلك....

مع تحيات الدكتور n12

[cisco]

مشكور أثلجت صدري

[kamal77]

.....والله شاركت العام الماضي .....ومعظم الناجحين .....لولاية برج بوعريريج ......لم يشاركو حتى في المسابقة .............


وسنرى هذا العام ان شاء الله ........هل ستكون المعريفة ام لا......................

[جلول الفرطاس]

المشاركة الأصلية كتبت بواسطة kamal77

.....والله شاركت العام الماضي .....ومعظم الناجحين .....لولاية برج بوعريريج ......لم يشاركو حتى في المسابقة .............


وسنرى هذا العام ان شاء الله ........هل ستكون المعريفة ام لا......................

علاش ما تنعلش الشيطان وتخلي الشاشرا يقراو

[حسام لعمري]

عندك حق يا إسلام الدين

[kamal77]

السلام يا اعصاء المنتدى ............................
هل تستطيعو ان تفيدونا بالاجابة النموذجية لاسئلة مدرسة الدكتوراه لجامعة سطيف لسنة 2008 وهذا في مقياس ا التنمية و الادارة الاستراتجية

وجزاكم الله خيرا

[kamal77]

السلام يا اعصاء المنتدى ............................
هل تستطيعو ان تفيدونا بالاجابة النموذجية لاسئلة مدرسة الدكتوراه لجامعة سطيف لسنة 2008 وهذا في مقياس ا التنمية و الادارة الاستراتجية

وجزاكم الله خيرا

...........................لماذا هذا التماطل................

[SOFIANE84]

يا سي الدكتور N12
لم افهم سبب توضيحك لنقطة تعتبر من البديهيات في بلادنا
حين قلت لا توجد معريفة و بيستون
ليكن في علمك انت و كل الجزائريين
لا توجد في بلادنا مسابقة خالية من ناجحين عن طريق المعريفة
هذه يعرفها العام و الخاص .حاجة باينة يا سي الدكتور ولا ماكش عايش في الجزائر
en ]+ العام الماضي في مسابقة مدرسة الدكتوراه سطيف كانت من بين الفائزين
زوجة احد الاساتذة
و من فضلك لا تنكر هذا
.........................................يا جماعة اتكلوا على ربي برك
سبحانوا هو لي قادر على كل شيء
prsk معريفة كاينة كاينة
و الأخ kamel 77 واش هدرتوا كاين منوا
سلام
*

[سليمان أبوسيف]

ادا أردتم معرفة هل المسابقة فيها المعرفة أو لا ما عليكم الا المطالبة بتعليق قوائم المترشحين المشاركين مع امضاءاتهم أمام قائمة الناجحين حتي يبان لمشركش خلاص و نجح.

[belala]

يا مفكر هل تتطلب الوساطة المال والجاه فقط
ماذا عن الأمور الأخرى كالممعرفة الشخصية
أو الجنس.......................................

[مشري85]

المشاركة الأصلية كتبت بواسطة SOFIANE84

يا سي الدكتور N12
لم افهم سبب توضيحك لنقطة تعتبر من البديهيات في بلادنا
حين قلت لا توجد معريفة و بيستون
ليكن في علمك انت و كل الجزائريين
لا توجد في بلادنا مسابقة خالية من ناجحين عن طريق المعريفة
هذه يعرفها العام و الخاص .حاجة باينة يا سي الدكتور ولا ماكش عايش في الجزائر
en ]+ العام الماضي في مسابقة مدرسة الدكتوراه سطيف كانت من بين الفائزين
زوجة احد الاساتذة و
و من فضلك لا تنكر هذا
او تبدأ في تشيت كيما شيت لصالحي.انت برك لي راهو عاجبك
يا جماعة اتكلوا على ربي برك
سبحانوا هو لي قادر على كل شيء
prsk معريفة كاينة كاينة
و الأخ kamel 77 واش هدرتوا كاين منوا
سلام
*

راني معاك في هدرتك انا ما نعرفش جامعة سطيف بصح صرالي موقف واحد هاد العام هاد
الشهر كي جيت نصقسي برك ما قلت والوا نحوس نصقسي برك اذا كاين منها و الا لالا شوفوا واش صرالي:

نبدا بسم الله
""مدرسة دكتوراه سطيف""
انا مآمنا بلي في بلادنا كاين الحريق و الحقرة
مي دايما نسيي كيفاش
نحيهم من راسي باش ما نحبسش في بلاصتي
مي اسمحولي اسمحولي
البارح دايرة روحي شاطرة رايحة
نحوس على numèro téléphone
تاع جامعة فرحات عباس"سطيف"
ايا الحمد لله لقيتوا في الانترنيت
قلت نعيط زعمااا نصقسي على الكواغط كاين منها و الا لالا
علابالكم كيما العادة
اياااا ريبوندا عليا خدام تما قالي انا ما نعرفش خاطيني الشيء
و قالي نجوزلك واحد من الادارة يعرف خير مني
باش يوريلي زعما
من باعد فات عليه استاذ قالي درك نعيطلوا بالاك يفهمك
ايا هاد الاستاذ الفاهم و القاري و اللي يقري
كان متربي بزاف من تربيتوا الزايدة على الحدود
كوبا في وجهي ديراكت بلا ما هدر و قعدت 2
سوايع و انا نعيط
لا حياة لمن تنادي واش نلقاه يصوني مشغووول
و الله عيب هاد الشيء اللي راهوا يصرا
قلت في راسي هذا غير باش نصقسي
برك
مالا كي باش نجوز كيفاش
يعطوني طريحة
علاه يا العباد تفسدو البلاد
حرررررام هاد الشيء
و المشكل في رمضان كي تروح الجامع ما تلقاش وين تحط رجلك منهم
بكري علابالي مؤمنين يصلوا درك عرفت علاه الجوامع معمرة
باش يمسحوا
ذنوبهم
و الله ما يعطيكم ربي
ربي قاعد على كرسي الحق
و يشوف فيكم ما تتمسخروش بيه
بزوج ركعات
بصح هكد و زكارة نسجل و نجوزها حتى لوكان يقولولي رانا غلقنا القائمة واجدة قبل التعقاب

[مولود قاسم نايت بلقاسم]

عندما تسمع البعض عندما يحكي هنا تظن نفسك في جنة ما فيها لا معريفة و لا هم يحزنون
اخوتي الجزائر راهي تسير هكذا منذ 1962 و لا اظن شيئا تغير منذ ذلك الوقت بل تزذاذ الامور سوءا يوما بعد يوم
من بومدين صاحب و مشجع هذه الامور الا السي بو..............................

[nnaabbiill]

الحاجة الوحيدة اللي نعرفها انا
هو انو بنت الريكتور ارسلان شكيب باقي تخرجت وهي الأولى على مستوى الدفعة في كلية صالحي رغم انها عندها نقطة 00 صفر في مدخل الاقتصاد عند أومعمر واللي قراو عند او معمر راهم يعرفوا عقلية مليح
رغم ان الريكتور دار عشاء لأومعمر باه يمد لبنتو النقطة وهكذاك عطالها صفر أما صالحي فطلعها الماجورة

[مشري85]

[محـ العاصيمي ــمد]

السلام عليكم
يمالا حتى أنا نفرغ قلبي

العام الماضي ماجستير 2009 تنقلت لمدينة سيف أسيدي وما في أذني إلا شفافية مدرسة الدكتوراه والحكايات والخلايع
تمرمدت تمرميدة كحلة في سطيف ما لقيتش وين نبات يا ودي خليها على ربي
داير في راسي الميابقة وخلاص ما عليش يكون واش يكون
المهم
صبيحة المسابقة توجهت انا وصديقي للقاعة ننتظروا في انطلاق الامتحان
لا علينا

أيا وحنا رانا قاعدين

دخل علينا واحد الشخص المظهر ديالوا يوحي انه مسؤول كبير في الجامعة كي سقسيت عليه من بعك قالولي هادا هو نائب عمدي مدرسة الدكتوراه ولا يحظرني اسمه لأني كرهتوا وكرها واش دار
المهم اطلق السيد في الكلام وفي مدح مدرسة الدكتوراه أيا قلت خلاص بربي إن شاء الله نعد نفسي من الناجحين لأني ما استهزيتش وبديت التحضير من شهر جويلية.
لكن ما فاجاني هو طرحه لسؤال مريب................"شكون فيكم الي من خارج سطيف؟؟؟"

رفد صديقي يدو وقالو انا من ولاية شلف ................قالوا واش جابك جيت وحدك؟
صديقي قالو جيت مع واحد صاحبي يقصدني أنا
رفدت يدي وقتلو من العاصمة
كانت كذلك واحد الأخت في القاعة تبين أنها كذلك من العاصمة

السيد نائب العميد واش يقول ..................."هاد العام الحظوظ ضعيفة جدا للناس خارج سطيف" وإذا جاء السي الدكتور المحترم الي راهو يتبجح بشفافية الدرسة نبعتو يروح يسقسي ناس يقراو معاه يحكيولو هاد الحكاية


ولم يدم الانتظار ويل 3 ايام فقط اطلعت على القائمة وكما كان الحال "الحظوظ كانت فعلا ضعيفة" وصاحبنا هادا كان علابالو بلي الحظوظ ستكون ضعيفة قبل حتى الامتحان ينطلق
فحسبنا الله ونعم الوكيل

نزيدلكم كل من اجتاز الامتحان السنة الماضية يتذكر المهزلة التي حدثت كنا ننتظر في مقياس اقتصاد التنمية يدخلوا علينا بمقياس استراتيجية المؤسسة
يعني هل لكم ان تتصوروا ضربة نفسية لطالب
ولكن حسبنا اله ونعم الوكيل


الحمد لله مدرسة الدكتوراه هادي راهي ليهم يخلعوا فينا برك وربي عوضلي خير ونجحت في أصعب مسابقة ماجستير في الجزائر كلها الي كنت داير في بالي ما ننجحش فيها
ماجستير المدرسة العليا للتجارة

9 مقاييس على مدى يومين لحمك يطيب والمدرسة العليا للتجارة والحمد لله صح مدرسة فيها شفافية كبيرة وليس كي انا نجحت فيها كما تتميز بمستوى هعالي وانظباط كبير



المهم لاتيأسوا ولا تحزنوا ولا تهنوا ولا تقنطوا من رحمة الله ورحمة الله خير مما يجمعون