يا فرحة ما تمت!

[amina92]

كان عندي فور صغير وطابونة لأن كوزينتي صغيرة ودرت كوزينة أوسع و شريت كويزينيار IRIS SAT باش تريحني شوية بصح من مشكل لأخر

1- غطاها زجاج ما يوقفش حتان نحيتو وقلبتو

2- نيرانها يشعلو بعد ما تعبزي دقيقة والنهار الاول مشات هكدا ومن غدوة أرواحو شوفو والله حتان طابت لاصوص طومات وأنا معبزة ومن بعد طفات

3- قلت ندشنها عملت العجينة السحرية وجاء وقت اشعال الفرن والله ستر مشعلش وجهي وقعدت بعدها نحااااااااااااااااااول حتان أيست دارتلي نفس عفسة النيران الفوق وطبعا كملت طياب في الفور

الراجل قالي مافيهاش ترجاع وقاعد يقنع في أنها جديدة برك والله حيرتني

أخواتي الي عندها كيفها تقولي صح عادي ولا لا

[jiji_"]

اختي انا ثاني عندي كويزينيار غطاها زجاجي و علابالك هذي الحاجة الي قلقتني حذاري تغلقيه و تكون غير كيما طفيتي و زيد يتوسخ بلخف الزجاج
افهمت بلي متحبش تشعلك النار اتاعها قوليلي عندك غاز المدينة و ﻻ غاز القارورة خاطر الا بدلتيلها ليبياس تاع الفورنو مخالفين بالاك كيما اصرالي و بدات تشعل فوووووو النار قوية بزاف تخرج حتى لبرا حتى عدلها خويا
بصح انت راه عندك العكس كيما تحبش تشعل مشكل قوليلي مخربتوش فيها قبل متشعلوها

[amina92]

المشاركة الأصلية كتبت بواسطة jiji_"

اختي انا ثاني عندي كويزينيار غطاها زجاجي و علابالك هذي الحاجة الي قلقتني حذاري تغلقيه و تكون غير كيما طفيتي و زيد يتوسخ بلخف الزجاج
افهمت بلي متحبش تشعلك النار اتاعها قوليلي عندك غاز المدينة و ﻻ غاز القارورة خاطر الا بدلتيلها ليبياس تاع الفورنو مخالفين بالاك كيما اصرالي و بدات تشعل فوووووو النار قوية بزاف تخرج حتى لبرا حتى عدلها خويا
بصح انت راه عندك العكس كيما تحبش تشعل مشكل قوليلي مخربتوش فيها قبل متشعلوها

كانت غاز المدينة بدلها البياع غاز قارورة وغير النار الصغيرة تشعل مليح وبالخف الباقي لا والنار عادي ما تخرجش برا أما الغطاء منقدرش نغطي بيه خاطر قلبتو يعني ما يرجعش الا اذا نرجعو كيماكان وهنا ما يوقفش


زعما كاين منها غارانتي و أجونس لأني شريتها الاربعاء الي فات برك

[laloua42]

احذري الغاز و سايي رجعيها متزيدبش تخدمي بيها و بالاكي دراري
و قولي شاء الله و ما قدر فعل هذا واش كلن يسنا فيك

[it's me]

روحي رجعيها يخي الضمان تاعها عام كامل

[amina92]

قدر الله وما شاء فعل وصح كاينة غارنتي لأن أول مرة تصرالي حاجة جديدة وفيها ديفوات

[jiji_"]

اذن المشكل فيها اختي ماعليك غير ترجعيها و مادام غارونتي عادي من حقك ترجيعها و سيي تبدليها ميخدمهاش و يرجعالك خير نظن خاطر مخدمتيش بيها راكي غير كيما جبتيها
و ان شاء تتم فرحتك سلامي

[hayette82]

اختي هي اصلا قرعة الغاز كي تركبيها تخرج بزاف الغاز

[djazia87holi]

ربي حفظك اختي

[la perle rima]

في رايي قنعي را جلك و رجعيها رايحة تتعدبي معاها سوغتو في رمضان تتكونيي صايمة

[haytoo82]

هذي من رايي رجعيها مش صالحة خلاص من الاول مشاكلها ما تتعدش مادامها قارونتي ونزيدك حاجة الامور الي متعلقة بالغاز مافيهاش اللعب نهائي انا صحيح تمشي مليح نخدم بيها ما تمشيش مانكورجش خلاص واياك تشري ماركة كريستور راها عندي النار الفوقانية ممتازة والكوشة الداخل مش مليحة مع المسكوتشو احسن ماركة eniem رووووووووووووووووووعة
https://www.dzhawaa.com/vb/dzhawaa52360/

[تينا ماريا]

نصيحة حاولي تبديلها في اقرب وقت

[amina92]

يعطيكم الصحة خواتاتي راني ديتها وصلحوها وقلت خلاص تهنيت وطيبت الفوق وجربت التحت بصح الحمد لله على كل حال من 4 نيران بقاو 3 صالحين أما التحت فقدر الله وما شاء فعل الحمد لله عندي الفور وراجلي قالي خلاااااااااص ماعاش تهدريلي عليها وعندو الحق خاطر نسكن بعيد على الوكالة وكل مرة يديها ولى يجيبها بميات الف والظاهر انها ماراحش تصلح وننصحكم وانصحو غيركم بلاااااااااااااااااااااااااااكم تشرو منها.

[منال100]

الله يخلف عليك صح ماغلطتيش هذا الماركة عيانة حتى في التلفاز
على كل الحمد لله على سلامتك وان شاء الله تتحسن ضروفك وتشري اريسطون وتدعيلي

[اغادير]

تدي نصيحتي روحي بيعيها مادامها جديدة