مشكلة تتنظر حلولكم عنوانها: الى متى الانتظار

[بنت سكيكدة]

وصلتني رسالة عبر الخاص و هذا نصها:

كنت قد اعلنت خطبتي لاحد الفتيات اللواتي يدرسن في القسم النهائي اعرفها معرفة جيدة منذ الصغر واعرف امها حق المعرفة وامها كانت تقول لي اني بمثابة الولد لها
لم تكن الفتاة على مستوى دراسي يسمح لها حتى بنيل شهادة البكالوريا
وكنت قد تفاهمت معها على ان موعد تخرجي بعد سنتين لا اكثر فقالت لي لا تقلق سانتظرك
لكن حدث ما لم يكن في الحسبان
الفتاة نالت شهادة البكالوريا بمعدل اكثر من 14
وهي تريد دخول كلية الطب
والامر من ذلك ان امها قد هددتني ولمحت لي بالتخلي عنها
اما الفتاة في حد ذاتها فلقد تغيرت كثيرا عن ما سبق
واصبحت باردة المشاعر تجاهي بل ولمحت لي اني يمكن ان اتخلى عنها من دون مشكل !!!
بل وقالت لي ما دمت سانتظرك سنتين
عليك ان تنتظر 5 سنوات لكي نتزوج!!!
فما كان رد ابي وامي الا ان قالو لي
بالدراجة**بطل وكاين خير منها في...**
هل انا مخطئ وهل علي ان انتظرها 5سنوات!!!
علما ان الفتاة وامها اعرفهم معرفة جيدة ولقد قرروا وانتهى الامر
فكل شيئ متوفر سكن خاص في طور الانجاز والمهنة مضمونة فلا ادري اين الخلل!!!

هاذا ما وقعت فيه واتمنى ان اجد له حلا
والا الفراق قريب ورب يعوضني من جهة اخرى

ملاحظة المشرفة: ارجو الجدية في الرد و غيره سيحذف نهائيا

[dana maram]

ياخاه شفتو بن بوزيد دار مشاكل كبار ههههههه المهم كنت نضحك برك خويا شوف خمم علاه تستناها 5 سنين نتا تستنا تستنا عامين هي تكون 3 جامعي و تفاهم معاها تزوجو و تكمل قرايتها نورمال كيما اغلبية لبنات الي يقراو معايا و ادا رفضت و صممت بلي تستناها 5 سنين مور العامين يسما 7 سنين و نتا ماتخرجش عليك هدا ادا جابت العام فالعام خاطر باينة مستواها الدراسي شوية شوية "من صحاب الي خرجو في طمبولا باك 2010" بالاك تضرب كاش 10 و لا11 سنة في الجامعة بلا سبيسياليتي يا خويا عندهم الحق ماليك شوف و حدوخرة و ربي يعوض عليك و عليها نشاله هدا ادا رفضت و خشنت راسها تكون هي خالفت الاتفاق الي كان بيناتكم من الاول بصح شوف خويا قبل ماتدير كامل واش قلت صلي استخارة و كون متيقن بلي ربي يوجهك للي فيه الخير ليك المهم باه منكونش انا السبب في فراقكم نتا حاول قد الي تقدر تلقا معاها حل وسط و ادا محبتش معنتها مكاش مكتوب بيناتكم ...................

[*جوري*]

اصبر عليها قليلا ربما تعود الى رشدها اذا كانت فعلا تريدك
و ربما لا تنجح في دراستها لأنك قلت أن مستواها الدراسي ضعيف
و بعدها اذا كانت مصرة هي و امها على موقفهم
فربي ان شاء الله يعوضك أحسن منها
و تأكد يا أخي أنك لن تتزوج الا بالتالي كتبهالك ربي سبحانه و تعالى
فلا تقنط من رحمة الله

[صُبح الأندلس]

سبحان الله كثر ضحايا بن بوزيد حتى في الزواج !!!
يا أخي لو كانت هذه العائلة ( شارياتك) لا تبيعك بمعدل مبالغ فيه 14 يعرفون تمام المعرفة أنه لا يعكس مستوى ابنتهم لا و تريد أن تصبح طبيبة يعني عليك الانتظار 7 سنوات على الأقل ، يا أخي عندما كان والديها و هي قد يئسوا من نجاحها و التحاقها بالجامعة و من ثم العمل قالوا نزوجوها و نستروها مادام ما فلحتش في القراية ، و لكن بمجرد ما نجحت حتى ظهرت نواياهم الحقيقية يعني كانوا (يديبانيو ) بيك ، رجل و السلام
برأيي و كما يقال لي باعك بالفول بيعه بقشوره ، و ابحث عن فتاة أخرى تقدرك لشخصك لا تستعملك كورقة احتياط

[dana maram]

المشاركة الأصلية كتبت بواسطة اعتماد13

سبحان الله كثر ضحايا بن بوزيد حتى في الزواج !!!
يا أخي لو كانت هذه العائلة ( شارياتك) لا تبيعك بمعدل مبالغ فيه 14 يعرفون تمام المعرفة أنه لا يعكس مستوى ابنتهم لا و تريد أن تصبح طبيبة يعني عليك الانتظار 7 سنوات على الأقل ، يا أخي عندما كان والديها و هي قد يئسوا من نجاحها و التحاقها بالجامعة و من ثم العمل قالوا نزوجوها و نستروها مادام ما فلحتش في القراية ، و لكن بمجرد ما نجحت حتى ظهرت نواياهم الحقيقية يعني كانوا (يديبانيو ) بيك ، رجل و السلام
برأيي و كما يقال لي باعك بالفول بيعه بقشوره ، و ابحث عن فتاة أخرى تقدرك لشخصك لا تستعملك كورقة احتياط

عندك الحق بصح يخاه احنا بنههدي النفوس يختي كيما قالوها خاوتنا المصريين .............. مي بردتيلي قلبي بهدي لاغيبونس بصح كالمي شوية الحالة ......

[صُبح الأندلس]

المشاركة الأصلية كتبت بواسطة dana maram

عندك الحق بصح يخاه احنا بنههدي النفوس يختي كيما قالوها خاوتنا المصريين .............. مي بردتيلي قلبي بهدي لاغيبونس بصح كالمي شوية الحالة ......

هههههههه سمحيلي ختي ، الله غالب نكره هاذ التصرفات الطائشة و نكره كتر لي ما عندوش الكلمة

[عُضو مُحترم]

السلام عليكم
هي ربي اكرمها بالبكالوريا

و فتحت امامها ابواب الجامعة و الحياة بمصراعيها

و انت ربي يعوضك بمن هي خير منها

لا تقل لا توجد أحسن منها

توجد الآلاف

==========================

ابحث
==========================

و كيما يقولو


اللي بدّلك بالفول

بدلو بقشورو

===================
و عيش... راجـــل

[الـ^ـسَّــآآحِـ^ــرْ ،]

إذا اتفقا من الأول على عدم دخولها الجامعة ، فقد أخلفت بالوعد ، ونصيحة توجد الكثير من الفتيات فليختار إحداهن

[** سدرة المنتهي **]

السلام عليكم

خطااااا فاذح وهو ان تضع البنت دراستها في كفة والرجل الذي يريدها للحلال في كفة اخري

فهذه دنيااااااااا قد يحدث فيها ما لا يحتسب

اما ان تختار الدراسة وترفض الرجل فتخسر الرجل والدراسة فستندم عمرها كامل

واما ان تختار الرجل والدراسة فتكون اذا خسرت الدراسة فلن تخسر الزوج

اخي هي الان في موقف لا يحسد عليه لانها الان تطلع الي البعيد تقول ساصبح طبيبة في المستقبل وتكون عندي مسؤوليااااااااات وربماااااا اقع في رجل ما خرمنووووووووو .... ايه نعم اخي ستراودها جل هذه الافكاااااار لان نفسها غرتهااااااااا بهذا النجاح المبهر

فنصيحتي لك (انك تحبها) وتريدها زوجة فاصبر عليهااااا لان امثالك قلال جدا

اصبر عليها وحاول ان تغير فكرهااااااا ...............بان تكون زوجة وتدرس عادي........... وانك سوف تشجعهاا في دراستهااا وتقف معاها ولن ينقصها شئ معنويا ولا ماديااااااااااا


وفي الاخير نرجع دائما الي الله سبحانه وتعالي

استخر الله و اكثر من الدعاااااااااااااااااااااااء

ولن انسي شيء

كلش بايد ربي

والزوااااااااج مكتووووووووووووووووب

[بلبل 14]

أخي الكريم أنا في نظري مادام عند أول عقبة سمحت فيك
هاذي مافيهاش الأمان و غدوة اذا جاها واحد أحسن منك تبدلك بيه
و زيد ما تنساش راها رايحة تعيش في الاقامة الجامعية و الحرية و مغريات الحياة
أنا رأيي هناك الكثيرات بنات العائلات اللي يحوسوا على السترة و تضحي بكل شيء من أجله
صلي صلاة الاستخارة و انت تشوف راح يبرد قلبك عليها
و ان شاء الله تلقى أحسن منها

[ساحرة الجزائر]

هذه البنت انانية لانهها تفكر في نفسها فقط ما فكرتش فيك ولا في مشاعرك ...
هي متكبرة لانها نظرت إليك من الأعلى بمجرد حصولها على الباك واين لما تصبح طبيبة كيف رايحة تشوفك .
مغرورة حسبت روحها ولات طبيبة وخلصت ..قادر حتى ما تدخلش كلية الطب لأنه اللي قبلها بزاف اصحاب المعدلات 16و15و17.
مخادعة لانها خدعتك .....قبلت بيك لما كان مستواها ضعيف ولما دات الباك شافت روحا خير منك وتركتك ....
وانا لا ارضاها لك زوجة ولا اما لاولادك .......بنات الحلال موجودين .....والعوانس في الجزائر صاروا مليون عانس فوق سن الزواج .وانشاء الله بهذه البنت رايحين يصيروا مليون وواحدة ..

[أيمن عبد الله]

اليوم نجحت في الباك وسمعت هذا الجواب وغدوة ( ربما بعد 7 سنوات) تسمع بنتي طبيبة وما يتزوجها غير الي يساهلها
روح شوف شوفة تخرج عليك
وهذي هي نصيحتي ليك

[خديجة 1010]

شوف خويا انا نقولك حاول معاها بالاك تقدر تقنعها وتصيبو حل اللي يساعدكم في زوج مثلا انكم تتزوجو وتقعد تكمل قرايتها او ربما دير تخصص لي مايخدش وقت بزاف بصح ادا شفت بلي مازالها شادة في رايها وشفت بلي نتا متقدرش تصبر عليها سبع سنين يستحسن انك تنسحب خير ليك وليها علا خاطر سبع سنين بزاف وعقليتكم ف زوج تتبدل يعني تزيدو تنضجو اكتر وتخاف بلي واحد منكم ميوليش مقتنع بالتاني مثلا تولي هي تشوف بلي هي راهي طبيبة وانت اقل منها او العكس شوف ننصحك نصيحة اخت لاخوها ادا ماوافقتش على الزواج بعد سنتين كيما تفاهمتو غير اجبد روحك علاخاطر لوكان كانت شريالتك هي تقولك نتزوجو بلخف ماشي تقعدو تطولو في الحالة وتعطلو فيها وتمنساش خويا دير صلاة الاستخارة وادعي ربي يسهلك امورك واللي فيها الخير يجيبها ربي انشاللله

[كمال الاسلام]

السلام عليكم


لو لم تتغير تلك الفتاة لا قولت له تزوجها وتكرها تدرس مدام تضع ثقتك فيها


ولكن ما داما تغيرت فهي لم تكن ترديك ولكنها كانت تريد فقط رجل يخرجها من الفشل

ولما نجحت شعرت بأنها لا تحتاجك


فأنت لا تجري وراءها وتجعلها تشعر فعلا بأن شانها ارتفع

ولكن عاملها ببرودة
وصبري عليها ان رحعت الى رشدها فتزوجها وتركها تدرس

وان اصرت

فقل الحمد لله انك كشفت امرها اليوم قبل الغد

[بنت سكيكدة]

ام المصائب.ان تشتري حبا ثمنه قلبا يخفق..ويكون زيفا وبهتانا..واستهلاك للوقت..وعبث عابث .يتلهى بك ويلعب ريثما ...يرى شيطانه ليسلمه القلب والجسد.وتكون انت دمية طفل مل من اللعب بها ....وآلت لمصيرها المحتوم..ان ترمى بلا رحمة ولا شفقة.لتطحنها عجلة الايام

مع كل هذا...هناك

الامل

لو كان باستطاعة الإنسان أن يعطي الأمل فلا يبخل به على الناس

يمكن للانسان أن يعيش بلا بصر ولكنه لا يمكن أن يعيش بلا أمل

لا بد لشعلة الأمل أن تضيء ظلمات اليأس ولا بد لشجرة الصبر أن تطرح ثمار الأمل

من يعيش على الأمل لا يعرف المستحيل

لن تغرق سفينة الحياة في بحر من اليأس طالما هناك شاطئ أسمه الأمل

فيكون املنا في الله وهو خير معين ونتيقن ان الخير فيما اختاره الله

فعسى ان تكرهو شيئا وهو خيرا لكم