حائر بين طب و محروقات و كيمياء

[mohamed cherfaoui]

السلام عليكم جميعا
انا محمد من مدينة الغزوات التابعة لولاية تلمسان و اخذت البكالوريا بمعدل 14.50 و انا حائر بين الطب و محروقات و كيمياء
في التسجيل الاول اخترت الطب و لم اعر لمحروقات و كيمياء اي اهتمام لاني لم اكن اعرف عنه شيء و لكن قبل ايام قالولي باللي هو تخصص مليح و فيه الخدمة مضمونة لانها مع سونطراك و فيها مستقبل كبير
انا حيرت و ما عرفتش واش ندير و راني عاد ما اكدتش التسجيل و قولت نخليها لاخر يوم في التسجيل الثاني اي يوم 22 من هذا الشهر
اللي عندو معرفة و علم ينصحني و شكرا

[نينو]

الخدمة غير مضمونة لافي المحروقات ولا في الطب أخي
يجب الفصل بينهما
استخر الله ودير اللي تحبها
واللي كنت تفكر

[أريج الكوثر]

ما عنديش خبرة
مي في حد علمي محروقات تخصص رائع أنا كنت حابة نديرو مي ماكتبش ربي
ربي يوفقك. صلي صلاة الاستخارة واللي كتبو ربي فيه الخير ان شاء الله
جزاك الله خيرا

[مانقراش]

أخي ادا كانت لديك معرفة جيدة في الفرنسية فاختار الطب
لكن اخي ..انا عندي صحابي راهم كارهين حياتهم و غادي يشيبو في الجاميعة..ختش خطارو الطب
صاحبي ...أقترح عليك تخصص محروقات و ان كان تخصص كيمياء فهو أفظل

[mohamed cherfaoui]

نكذب عليك و نقولك نعرف فرنسية بصح معمد و كان نختار طب ندرس فرنسية في مدرسة خاصة في تلمسانخاطر بسيف علي نتعلمها
بصح محروقات و كيمياء هي ثاني فيها فرنسية

[مانقراش]

خويا ..علابالي بلي هي ثاني فيها الفرنسية
مي مشي كيما الطب
خويا تأمني ؟ صحابي لي راهم دايرين الطب..عندهم كل اسبوع polycope جديد
مساكين هوما مين يحصولها الفرونسي ..مايفهو والو
دخلوها غير حفيظة ' الحفظ '
راني باغي نقولك الفرونسي نتع الطب مشي كيما نتع تخصص كيمياء

[ja-ed]

اخي لا اريد ان انقص معنوياتك كن صعب جدا يقبلوك في الطب لا اعتقد معدلك يوصلك لهاذا انصحك تختار التخصص الثاني بعناية وراء

الطب لانو نسبة كبيرة يعينوك فيه

اما بالنسبة للمحروقات فهو تخصص جيد ولكن اعلم ان لا شيء مضمون فالرزق من عند الله يرزق من يشاء من فضله و العمل نصيب في

اي قطاع كان الطب او غيره

واقول و اشدد على قول اخوتك بالإستخارة

وفقنا الله لما يحبه ويرضــــــــــــــــــــــــــــــــــــــــــــــ ـــــــــاه

[ghostdz30]

محروقات أحسن لكن ماهيش رايحة تصحلك لا طب و لا محروقات أنا مثلك عندي 14.63 و المعدل الحسابي 15.04 و فاقد الأمل أنها ممكن يقبلوني في وحدة من هاذ التخصصات

[محبة الحبيب]

عليك أن تحسم أمرك توكل على الله و استخره

[RiADATVENT]

14.50 و الطب يا شريكي؟
الله يجب الخير لينا قاع

عندي 15.57 و راني فاقد الامل حول الطب ...

[zanzi]

محروقات أحسن بكثير من الطب يأخي اعرف كثير من الاطباء يعملون عقود ماقبل التشغيل 12000 دج ؟؟؟؟؟ فمهندس في البترول أجره على الاقل 60000دج صلي صلاة الاستخارة واللي كتبو ربي فيه الخير ان شاء الله

[دار التاويل]

أنا أيضا دفعة 2008 جبت 14.40
احترت بين الطب و المحروقات .في الأخيراخترت المحروقات فلم أنجح فيها .زد على دلك فقد أصبحت lmdالآن.
أنا شخصيا أنصحك بالجيش خاصة la marine
و الله المستعان