ماذا بعد النجاح ؟؟؟!!

[rafiko_dz]

السلام عليكم ورحمة الله تعالى وبركاته
اولا ابارك لجميع الناجحين وبعد
لقد اطلعت على دليل حامل البكالوريا 2010 ورايت ان التسجيلات الاولية في 12 من هذا الشهر وانا في حيرة حول نوع التسجيل
عبر النت او في مقر الجامعة ؟
لذا اطلب ممن له الخبرة ان يعلمنا ماهو الافضل
التسجيل عبر النت او في مقر الجامعة
واسئلة اخرى كثيرة في البال وكيما يقولو "اسال مجرب ولا تسال طبيب "
لان الوثائق بدات تزداد وتخلطت الامور!!!!

[Rafife09]

مبروك عليك أخي النجاح على اللي نجحو كامل
واللي ما نجحوش ما عليش خيرها في غيرها كوراج برك ان شاء الله العام الجاي ينجحو بمعدلات مليحة
يا ريت تجاوبو على سؤال الاخ خاصة المجربين أنا ثاني محتاجة اجابة
شكرا مسبقا

[سطايفية بكل فخر]

اظن ان التسجيل الاولي عبر الانترنت ولما تتاكد من الشعبة المختارة نسجل في الجامعات
هكذا قالولي والله اعلم

[hafnaoui]

التسجيل الأولي بالانترنت ضروري وهو الخطوة الأولى ومن باعد ما يرجعولك التخصص اللي قبلوك باه تقرا فيه يأتي التسجيل النهائي بالانترنت ومن ثم يأتي التسجيل بالجامعة بدفع جميع الوثائق
وبالمناسبة الأوراق راهي كثيرة جدا ومن المفروض توجدوها من الآن شعادات الميلاد شهادة الاقامة والسكن شهادة عدم الخضوع للضريبة ليك ولوالديك ... بلا ما تنسو التصاور والأظرفة والطوابع بالعنوان وبالمناسبة كي تهزو شهادة التسجيل لازم تفتح كونت في سي سي بي لتتحصل على شاك وعلى العموم كل هذه الخطوات راهي ساهلة المهم يوفقكم ربي في الحصول على التخصص اللي ترغبو فيه فالاختيار صعب جدا وأنا بصراحة أعتبره بكالوريا ثانية
بالتوفيق للجميع

[سطايفية بكل فخر]

المشاركة الأصلية كتبت بواسطة hafnaoui

التسجيل الأولي بالانترنت ضروري وهو الخطوة الأولى ومن باعد ما يرجعولك التخصص اللي قبلوك باه تقرا فيه يأتي التسجيل النهائي بالانترنت ومن ثم يأتي التسجيل بالجامعة بدفع جميع الوثائق
وبالمناسبة الأوراق راهي كثيرة جدا ومن المفروض توجدوها من الآن شعادات الميلاد شهادة الاقامة والسكن شهادة عدم الخضوع للضريبة ليك ولوالديك ... بلا ما تنسو التصاور والأظرفة والطوابع بالعنوان وبالمناسبة كي تهزو شهادة التسجيل لازم تفتح كونت في سي سي بي لتتحصل على شاك وعلى العموم كل هذه الخطوات راهي ساهلة المهم يوفقكم ربي في الحصول على التخصص اللي ترغبو فيه فالاختيار صعب جدا وأنا بصراحة أعتبره بكالوريا ثانية
بالتوفيق للجميع

شكرا جزيلا على المعلومات بالمناسبة واش من شعبة تقرى

[hafnaoui]

المشاركة الأصلية كتبت بواسطة papillon.2gz

شكرا جزيلا على المعلومات بالمناسبة واش من شعبة تقرى

انا استاذ فيزياء وفوت الباك تاعي علوم دقيقة