متّعني و استمتع مع النكات للعجائز و الكنّات

[عُضو مُحترم]

السلام عليكم

هذه الصفحة -من بعد إذن المشرفين طبعا- نحكي فيها القصص المضحكة

عن العجايز و الكنات

من مجتمعنا الجزائري

نحكيها بكل براءة و خبث
المتواجدان في قصص العجوز و الكنة


و ابدأ بنفسي
===========================
لست انا --- اقصد أنا أول من يكتب ----
===========================

عندي صاحبي مسكين

حب يتزوج قالتلوا اختوا انا نزوجك
كاينة صاحبتي و نعرفها مالي كُنّا صغار
ماشاء الله علم و اخلاق و ادب و جمال و دلال و مال ووووووو كلش

صاحبي شاور الوالدة نتاعو قالتلوا على بركة الله

شاور الأب قال يا الله

المهم تزوجوا

اسبوع برك من بعد الزواج بداو المشاكل

بالصح ماشي بين العروس و العجوز لالالالا

بين العروس و أخت الزوج

ما تنساوش باللي صاحبتها و قرات معاها من بكري
المهم يا سيدي

كل يوم يجي خونا يلقى المشاكل مرة مرتوا مجروحة
مرة اختوا مصروعة
مرة الام تروح تسلّك بيناتهم تدي حقها

هادي تقول مانيش خدامة عندكم
و هاذيك تقول تخبزي بلا مزيتك
وو
وو
و
و
و

واش تدير

فقي البداية كان يتفهّم الأمر

ضُرك زوج صحابات وحدة تزوجت و وحدة ما تزوجتش
bien sur تغير منها

آخويا واش نقوللك

الجحيم شافوا في هاذيك ليامات الكحلة

كل يوم الدبزة و الشعَر متطاير فالهوا

هههههههههههههههههههه

اختوا زوّجاتو بصاحبتها ...؟؟؟؟
و ممبعد ما تفاهمتش مع صاحبتها الانتيم زعما

===========

المهم يا سيدي وحد النهار هاذا صاحبي مسكين دخل للدار

لقاهم متشابكين
أيا هو عندو - درجة من الصبر-
كي شافهم هكذاك راح ليهم فالزوج
احكمهم اعطالهم طريحة بداها بالاخت و كملها بالزوجة

و الوالدة قاعدة و تضحك

و تقولّلوا : زيدهم ------------زيدهم ******* زيدهم

تصوّر

شاب يحكم اختوا و مرتو

و يكسلّهم تكسيلة تاع الصح

ههههههههههههههه
ههههههههههههههههههه

و ممبعد الاخت تقولوا مغلوب مرتو (صاحبتها الانتيم)
و الزوجة تقوللو مغلوب اختو (صاحبتها ثاني ههههه)


أيا ما قدرش عليهم

قاللتوا الوالدة اكري دار و بعّدني

راح يا سيدي - ما شي ساهلة تلقى دار للكرية-

كراها و كي جا يدي مرتوا للدار الجديدة
بدات تضحك
و تقول اليوم نريّح منك يا وحد العقرب

و الاخت تقوللها
روحي ما احلى فراقك


ههههههههههههههه
حتى هنا كل شي طبيعي

و في هاذيك الليلة بالذات الزوجة بدات تبكي

قاللها واش بيك

قالتلو توحشت الدار القديمة

رجعني لثم

آيا هو تقرمدكيفاش غير البارح و هوما متقاتلتين
و ضرك تقوللوا توحشتها

؟؟؟؟؟؟؟؟؟؟؟؟

و غدوا من ذاك النهار على الصباح

جات الأم مع الأخت يزوروا الكنة

هههههههههههه

توحّشتها

هههههههه



السيد ما فهم والووووووووووو

حبس من مخو


كي رجع لقاهم متفاهعمين و يضحكوا

آوووووووو

كيفاش ؟؟؟؟؟؟؟؟؟؟؟؟
القيرا رجعت ضحك


قالتلوا مرتوا

نرجعوا للدار القديمة

و اختوا قالتلو يا خويا ارجع
و الله مانزيد نشدّها مالشعَر

ههههههههههههه

أيا خونا رفد قشو و رجع

و عاشت العائلة في سلام و سعادة

هههههههههه ليس تمامًا

كاين بعض المناوشات

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

[خـواطـر]

ههه عجائب ...

جزيت خيرا

[الجوهرة الدهبية]

ههههههههههههه يعطيك الصحة قتلتني بالضحك

[•~ندية الجوري~•]

مـــعـــــيـــــز وطــــــــــــــــواط في البعــــد تتصــــايح و في القـــــــــرب تتنــــــــــــــــاطح






وشنو معيز وطواط و الله ما علابالي

[شهرة وايمان]

هههههههههههههههههههههههههههههههههههههههههههههههههه ههههههههههههههههههههههههههههههههههههههههههه

[ذكرى مضت]

اللوسة و لعروسة ما يتفاهموش

كي يتقابلوا يتناطحوا و كي يتباعدوا يتشاطحوا

[نينا الجزائرية]

عمرها لوسة تتفاهم مع عروسة واذا تفاهمو تكون إن

[** سدرة المنتهي **]

ه ههههههههههه عجبتني يااااااااااااااااااااااااسر شكرا لك اخي

[رشــــ81ــــا]

ههههههههه


هايلة


انا نمدلك قصة من الزمن القديم شوي


كانت العجوز و مرت بنها عايشيين في دار وحدة

وكان الوقت القديم الحال صعيب شوي و المعيشة قاصية


يا سيدي كانت العجوز كي تخبز الرخسيس تديرو رقيق بزاف باه تمد لمرت بنها غير شوي


بصح مرت البن كانت حيليى كانت تاكل مرتيين

وتقوللها نتي ترقي الكسرة و انا عليا بماكلى مرتيين

وهكذ بقى مثل في التحايل ما بين العجوز و مرت بنها

[أمـ جيجل ــال]

السلام عليكم ورحمة الله وبركاته


حكاية مادخلتش مخي الله غالب ماقدرتش نصدق كيفاش الاخت تضارب مع زوجة أخيها وبهادي الطريقة لالا جامي سمعت بيها شكرا لك

[بحر العطاء]

السلام عليكم و رحمة الله تعالى و بركاته :
هههههههههههههههههه...هههههههههههههههه
هاذا صاحبك صح و لا غير فالحكاية...ربي يعينو برك ياما جايو من مشاكل...صبروه برك !!!!!
و هذه أمثال شعبية جزائرية نقلتها لكم التي تعتبر اسلحة دمار شامل تستعملها الكنات و العجايز في الحرب العالمية المشتعلة منذ دخول الكنة إلى البيت.
العجوز و هي تستفز الكنة بينما تقوم الأخيرة بأعمال المنزل.
( الله لا يخليني لليدين الله يخليني غابة و الناس حطابة )
يعني العجوز تقول أدعو الله أن أبقى بصحتي و أقوم بكل أعمال المنزل و أساعد الناس
مع ان الكنة هي التي تقوم بكل شيئ...نجحت العجوز في استفزاز الكنة .
ترد الكنة : (باينة الشقة من حواشيها.)
العجوز ترد : (أضحك يا فمي على همي )
يعني العجوز تشكي همها من كنتها
الكنة صح معاك حق (هم يبكي و هم يضحك) و تضحك و تقهقه .
العجوز
( يعزيك في راسك الضحك يضحك على الضحك و الضحك يضحك عليهم رحنا لدار المهابل حرنا شكون يدبر عليهم )
هنا العجوز تتهمها بالجنون.
بعد ماتنهي الكنة أعمال البيت تتزين و تخرج لتغيض العجوز.
العجوز ( خصك السواك يا معوجة الحناك)
تقصد انتي أصلا لا تصلحي للتزين.
و تقابل العجوز مرآتها و تحاول تحسن مظهرها.
الكنة ( سيدي مليح خصو الهوى و الريح )
يعني نفس معنى المثل السابق ( اللي فاتو وقتو مايطمع في وقت الغير)
العجوز ( الدنيا بالوجوه و الآخرة بالفعايل)
يدخل الزوج تعبان من العمل فيلقى المشاكل .
كل واحدة تحكي روايتها فقول جملة واحدة ( كي سيدي كي لالا)
يعني وجهان لعملة واحدة وهي الإزعاج طبعا
و انا أعلق على كل هذا بمثل واحد ( المسلوخة تضحك على المذبوحة و المقطعة شبعت عليهم ضحك ).
سلام...

[عبد العزيز_]

هذه المظاهر

للاسف هي موروث ثقافي و فكري سيء جدااا

و لا يعطي نظرة مشرفة عن طبيعة العلاقات الاجتماعية الموجودة بين افراد البيت المسلم

بينما نجد الغرب اليوم لا يعيش مثل هذه المشاكل

فالأسر هناك اليوم شبه مفككة

لكن الشيء الايجابي في هذا عدم وجود مثل هذه النزاعات ...

بل حتى الاسماء هناك طلع المورال

عندنا : الحماة ( عزوزة العروسة ) ==> الحماة ==> الحموم العزوزة ==> الشيخوخة و كبر السن و الهرم و التخراف الخ

هناك : الحماة ==> la belle mère ==> جمال و اناقة

[nasma belle]

فعلا قصة غريبة ولكن من اجمل ما قرات عن الكنات الى غاية الان

[حمـ 0418 ــزة]

السلام عليكم ورحمة الله وبركاته
شكرا على القصص
لما كتبت العجائز تذكرت جدتي رحمها الله وهي موقدة نار (الكانون باللهجة الجيجلية) في كوخ صغير واحنا دايرين بيها وهي تحكي وتحاجي
عدرا خرجت عن الموضوع ولكني تدكرت اوقات جميلة جدا
سلام

[~ عَـآصـفه ~]

هههه

غرائب و عجائب !!!