غياب الكفاءة لدى الأساتذة

[djremix19]

السلام عليكم و رحمة الله و بركاته

هذا الموضوع أدرج بسبب ما عانيناه في دراستنا
كون ماتتعبش وحدك و دروس خصوصية و تقرا فالدار للباك مادير والو علاش

خاطر ماكاش حاجة اسمها الكفاءة ففي بلادنا عند الأساتذة

ماش كل بصح نضمنلك الأساتذة الكفء رام قل من 30 بالمئة

نهبل كي نتفكرها هادي

ساعات تقريك استاذة تولي انت لي تقري فيها

وتلقاهم مازالو يقريو و فرحانين

انا جيت في بلاستهم ندير حل لروحي مثلا فالثانوي نهبط للمتوسط و لا ابتدائي و لا نبطل كون نخدم بناطة و ما نديرش حاجة خاطيتني

ربي يهديهم و ربي يعينهم على التكوين من جديد


مثلا انا كي قرينا الاستدلال بالتراجع قلت للاستاذة كيفاش نبرهنو باستعمال المعطيات هادي جامي صرات قتلي هك تأكد بلي راي صحيحة و حل بيها


بقات خادمتلي روحت للدار قعت معاروحي دقيقة فهمتها

هو تبرهن على صحة القضية مع الحد الاول مثلا في متتاليات و تبرهن انو من اجل كل حد لي كتر منو صحيحة معاه القضية يكفي لانو حسب ما سبق اذا كان لول صحيح الثاني صحيح و اذا كان الثاني صحيح و الثالث صحيح و هكذا و حنا برهنا اولا بلي الاول صحيح تسما فراااااات
ذو أستاذة خلاف تا الشريعة تكتبنا كظم الغيظ هو عدم أخذ حقك مع القدرة عليه انا نقلها هادي صفة مذمومة مالا و هي تقلي اكتبها هك و الكل يعرف بلي كظم الغيظ عين مسك الغضب

و تا الفيزياء تقولنا التناقص الاشعاعي في تزايد .. هادي لي وحدها خلاص و حرقتهم كلهم .. يعني اسمو تناقص و هو في تزايد

يعني كارنفال في ليسي

و السلام عليكم و رحمة الله و بركاته