مطمور +زياني + جبور=..؟

[(( ضياء الدين ))]

اقرا واعطي النتيجة:مطمور+زياني + جبور=؟

يمكن اعتبار العقم الهجومي للمنتخب الجزائري الذي لم يسجل أي هدف في ثلاث مباريات في نهائيات كأس العالم، السبب الأساسي في عدم بلوغه الدور الثاني للمرة الأولى في ثلاث مشاركات.

فبعد الخسارة أمام سلوفينيا صفر-1 في المباراة الأولى، والتعادل السلبي مع إنكلترا في المباراة الثانية، لم يكن الخيار أمام الجزائر سوى الخروج فائزة على الولايات المتحدة في مباراتها الاخيرة اليوم الأربعاء في بريتوريا، لكن المنتخب الذي بني لكي يدافع، لم يتحول إلى ماكنية لتسجيل الأهداف.

والأرقام تتحدث عن هذا الواقع: لم يسجل منتخب الجزائر أي هدف في نهائيات كأس العالم منذ أن هز جمال زيدان مرمى ايرلندا الشمالية عام 1986 في مكسيكو، أي منذ 481 دقيقة، أي أكثر من خمس مباريات متتالية.

ففي مواجهة المنتخب الأميركي اليوم، اعتمد المدرب رابح سعدان على تشكيلة هجومية للمرة الأولى في جنوب أفريقيا بإشراكه الثنائي رفيق جبور وكريم مطمور في خط المقدمة ومن خلفهما كريم زياني. لكن مرة أخرى لم ينجح "ثعالب الصحراء" في وضع الكرة داخل الشباك.

صحيح أن جبور سدد كرة قوية ارتدت من العارضة (6)، لكن على العموم، لم تثمر الخطة الهجومية للمدرب الجزائري. قام جبور الذي تألق الموسم الفائت في صفوف فريقه أيك اثينا بمجهود طيب، ووضع ضغطاً على مدافعي الولايات المتحدة، لكنه لم يهدد مرمى الحارس تيم هاودر إلا في ما ندر.

أما مطمور فإنه لم يظهر إلى الصورة كثيراً وسدد كرة واحدة بين الخشبات الثلاث (38). في المقابل، فإن لاعب وسط مرسيليا السابق وفولفسبورغ الألماني حالياً كريم زياني، حاول إيجاد المساحات لنفسه ولزملائه لكنه أهدر فرصة ذهبية عندما انفرد بالمرمى الأميركي وسدد إلى جانب القائم الأيمن والمرمى مشرع أمامه (68).

ولم يتمكن عبد القادر غزال الذي نزل منتصف الشوط الثاني في تعويض خيبة أمل حادثة الطرد التي تعرض لها في المباراة الأولى ضد سلوفينيا، ولم يتمكن مهاجم سيينا الإيطالي من تهديد المرمى الأميركي إطلاقاً، شأنه في ذلك شأن عدلان قديورة الذي نزل مكان زياني.

[سيريناد]

ياحي على الهجوم ديالنا
مطمور + زياني + جبور = مادارو والو

[samo30]

مطمور + جبور + زياني = راهم ناقصين

الجزائر يخصها مهاجم قناص

[ريمة منة الله]

في المباراة كان زياني ومطمور وجبور فاشلين

[زينوبة زيزو]

يخصنا زيـــــــــــــــــــــــــاية

[red moon]

ضرك فات كلش
أنا غاضتني السوارد اللي كانوا يدوا فيها كاين ناس راهم يموتوا بالشر و هوما يعطوا في العملة الصعبة للمعوقين و المشلولين عندك كاينة حاجة تطلع المورال شوي ههههه
صايفي صفع صحافية جزائرية تعمل في جريدة فرنسية يا له من مهاجم
هذا الخبر قرأته اليوم في جريدة الخبر و يمكنكم ان تطلعوا على ذلك...

[red moon]

كاين ناس يقولوا احنا انحبوا المنتخب مهما كان رابح او خاسر يعني ماعليهش كي يدوا السوارد بلا ما يديروا حاجة بلا ما يفرحونا
إذا كنتم تحبوهم بلا حتى حاجة و نورمال كي يدوا السوارد بلا ما يخدموا علاش زكارة في ارواحكم؟
علاش واحد فاشل تلونسوا فيه مارايحش يتحرك و الدراهم اللي راهم يدوا فيها حرامxحرام كاين ملايين الشباب بلا خدمة بلا مستقبل و هاذوك يمدوا فيها لليزيميغري يعني ياكل من خير الجزائر و يروح يعيش في بلاده فرنسا و جلهم من امهات فرنسيات يعني يعتبر فرنسا هي وطنه و ليس الجزائر اما اولاد البلاد يموتوا بالشر و ماكانش اللي يسقسي عليهم باطل والله باطل و ربي يحاسبهم...
انا قلت الحق و ماراني خايف من والو و ما يهمني والوا احظروني اقتلوني حتى...

[LOSIANO]

المشاركة الأصلية كتبت بواسطة red moon

كاين ناس يقولوا احنا انحبوا المنتخب مهما كان رابح او خاسر يعني ماعليهش كي يدوا السوارد بلا ما يديروا حاجة بلا ما يفرحونا
إذا كنتم تحبوهم بلا حتى حاجة و نورمال كي يدوا السوارد بلا ما يخدموا علاش زكارة في ارواحكم؟
علاش واحد فاشل تلونسوا فيه مارايحش يتحرك و الدراهم اللي راهم يدوا فيها حرامxحرام كاين ملايين الشباب بلا خدمة بلا مستقبل و هاذوك يمدوا فيها لليزيميغري يعني ياكل من خير الجزائر و يروح يعيش في بلاده فرنسا و جلهم من امهات فرنسيات يعني يعتبر فرنسا هي وطنه و ليس الجزائر اما اولاد البلاد يموتوا بالشر و ماكانش اللي يسقسي عليهم باطل والله باطل و ربي يحاسبهم...
انا قلت الحق و ماراني خايف من والو و ما يهمني والوا احظروني اقتلوني حتى...

امالا نغلقوا الملاعب نتاوعنا و نبنو في بلاصتهم دار للبطالين
و نلغوا جميع الرياضات في الجزائر
باش حظرتك تعيش هاني

و اللي راك تحكي عليهم
الزماغرا
واش درتو انتوما و لاد لبلاد؟
ياك خربتوها و قعدتو على تلها
ماكان حتى بلاصة تصلح و الي يجي يهدر معاه يقولو: ياك هذا مال الدولة
واش خصنا حنا و خص السياحة؟
علاش تونس ادخل الملايير مع انو معظم المناظر الي فيها اصطناعية
و قدها قد ولاية من ولاياتنا ال 48
و احنا عندنا مناطق و الله العظيم احسن حتى من لاس فيغاس
بصح قالك لا.... نخربوها و نزبلوها لانو مال الدولة
السرقة و دعاوي الشر حتى باش تقاري طوموبيلك لازم تخلص

بلاد ميكي نتاع الصح
دير الخير في بلادك انت الاول و مبعد قول: زماغرا

[عربية وافتخر]

ياخي نكارين ياخي.......تحبوا بلادكم ؟ تحبوا فريقكم؟ انانيين.....ملاح غير كي يربحوا .....؟ علاه ماتشوفوش هاد العيوب من قبل ؟ هادا وين تحلوا عينيكم.....؟ وليتوا كامل تفهموا فالبالون.....؟ كامل تتفلسفوا...؟ خاينين.....اللي يحب بلادو صح واللي يحب فريقو صح يكون معاه في السراء والضراء...

مطمور + جبور+ زياني +جميع اللاعبين = محاربي الصحراء

= الفريق اللي خلاكم تحلوا في فامكم عالبالون

= الرجال اللي بكاوكم من الفرحة

= الفريق اللي خلاكم تكتشفوا حبكم للجزاير

= الحارين اللي جابو حق شهداكم فالسودان

= الأسود اللي قهروا الفراعنة

= الرجال نتاع الصح اللي خلاوكم تقعدوا ورا التلفيزيون تتفرجو بلادكم فالمونـــــــديــــــــــال

=الفريق اللي حققلكم حلم جامي تخيلتوه يتحقق

= اللاعبين اللي عطاوكم الجرأة والكفاءة باه تناقشوا بفخر وثقة كي يكون الموضوع عالبالون

=الفريق اللي خلا عديانكم يوزنو هدرتهم معاكم

= الفريق اللي خلاكم تترعدوا كي تسمعو 1.2.3 viva l'algerie ...

نسيتوا هذا كامل ؟ يا.........

وتعجز كلماتي عن وصف خيانتكم.......ههه

[red moon]

الحمد الله انا مش كيما راكي تقولي و راكي تهدري عليا و كأنك تعرفيني ،صح في هذي البلاد كاين المليح و القبيح و انا نظن بلي ما فهمتيش واش نقصد و لو اني ما لازمش نرد عليك بصح ماعليهش نفهمك:انا اللي حبيت نقولها انو هذا المنتخب أخذ اكثر من حقه دون ان يقدم شيئا و صرف عليه اموال طائلة حتى الطائرة اللتي اقلته إلى جنوب أفريقيا كانت تكلفة تزيينها بالألوان الوطنية 14 مليار سنتيم ليرجعوا على متنها بتعادل و هزيمتين إذا رضيتي بهذا الواقع أنت حرة...

[عربية وافتخر]

شفتوا غير المال اللي يتصرف على اللاعبين .....علاه باغي نعزلوا رواحنا عالعالم على جال رايك نتا...وعلى جال شباب لا يغني ولا يسمن من جوع.....؟ اسمحلي خويا مي تفكيرك رجعي جداااااااااا.......غير الجزائر اللي راهي تصرف عاللاعبين؟ ياخي تخمام ياخي.....

[djauida]

مطمور + جبور+ زياني +جميع اللاعبين = محاربي الصحراء

[adel1444]

الجزائر يخصها مهاجم قناص

[bermareme]

المشاركة الأصلية كتبت بواسطة عربية وافتخر

ياخي نكارين ياخي.......تحبوا بلادكم ؟ تحبوا فريقكم؟ انانيين.....ملاح غير كي يربحوا .....؟ علاه ماتشوفوش هاد العيوب من قبل ؟ هادا وين تحلوا عينيكم.....؟ وليتوا كامل تفهموا فالبالون.....؟ كامل تتفلسفوا...؟ خاينين.....اللي يحب بلادو صح واللي يحب فريقو صح يكون معاه في السراء والضراء...

مطمور + جبور+ زياني +جميع اللاعبين = محاربي الصحراء

= الفريق اللي خلاكم تحلوا في فامكم عالبالون

= الرجال اللي بكاوكم من الفرحة

= الفريق اللي خلاكم تكتشفوا حبكم للجزاير

= الحارين اللي جابو حق شهداكم فالسودان

= الأسود اللي قهروا الفراعنة

= الرجال نتاع الصح اللي خلاوكم تقعدوا ورا التلفيزيون تتفرجو بلادكم فالمونـــــــديــــــــــال

=الفريق اللي حققلكم حلم جامي تخيلتوه يتحقق

= اللاعبين اللي عطاوكم الجرأة والكفاءة باه تناقشوا بفخر وثقة كي يكون الموضوع عالبالون

=الفريق اللي خلا عديانكم يوزنو هدرتهم معاكم

= الفريق اللي خلاكم تترعدوا كي تسمعو 1.2.3 viva l'algerie ...

نسيتوا هذا كامل ؟ يا.........

وتعجز كلماتي عن وصف خيانتكم.......ههه

في حقيقة الأمر انت غير مبالية بالذي يحدث على الواقع الاخوة لم يتطرقوا الى مهاجمة فريقهم وانما بعد هذا التعب والسفر والتكلفة ومشاعر الجمهور كان لابد من أن نترك المشاعر جانبا ويتصرف بالمدرب الذكي فالذي حدث انه حطم لاعب في القمة وهو بودبوز الذي كان يتهيأ للعب ولكن صايفي كان بالمرصاد فدخل بالقوة وكانت الخسارة بقوة
ولهذا هم عاتبوا سعدان

[floritta]

انا نضن بلي اكبر خطأ قام بيه سعدان هو عدم استغلال قدرات عبدون و ايضا عندما لم يستدعي عامر بوعزة