صورة ترفع المورال و تغلق كل الافواه (الخارجية طبعا) ان شاء الله

[lamice120]

صورة ترفع المورال و تغلق كل الافواه (الخارجية طبعا) ان شاء الله









واريد ان اقول امرا

الفريق قدم مباراة في المستوى

ولازم علينا ماننساوش وماننكروش الخير ديالو

وين كنا ووين ولينا

وفي الختام ارجو ان لا تقفل عضويتي لانها جد مهمة بالنسبة لي ففيها 11 وصفا

وشكرااااا

[amlamdja]

one two threeeeeee
viva l'Algérieeeeeee

[وشَـ،ـآحْ الـصـِـبـآا]

ماشي اذا غبنا 24 سنة معناها كي نطلعو لازم نخسرو وبصراحة المباراة لاهي فالقمة ولا حاجة
هذو نفس الأخطاء من نهار عرفت لي كيب لا دفاع مليح ولا هداف
وسعدان ميقدرش يقدمنا اكثر من انو جمع الفريق وجمعو غالط يرحم باباك صايفي وغزال لاعبين..؟؟؟
المهم كثر خير مبولحي والله ما وجهو تاع العرب وجهو وجه خير ولعب فوق طاقتو تاع الصح

واخيرا اتمنى استقالة رابح سعدان الأن قبل الدقيقة التي بعدها بعد راني نشوف فيه وفي روحي 1000

[LOSIANO]

المشاركة الأصلية كتبت بواسطة ~* بسمة ألم *~

ماشي اذا غبنا 24 سنة معناها كي نطلعو لازم نخسرو وبصراحة المباراة لاهي فالقمة ولا حاجة
هذو نفس الأخطاء من نهار عرفت لي كيب لا دفاع مليح ولا هداف
وسعدان ميقدرش يقدمنا اكثر من انو جمع الفريق وجمعو غالط يرحم باباك صايفي وغزال لاعبين..؟؟؟
المهم كثر خير مبولحي والله ما وجهو تاع العرب وجهو وجه خير ولعب فوق طاقتو تاع الصح

واخيرا اتمنى استقالة رابح سعدان الأن قبل الدقيقة التي بعدها بعد راني نشوف فيه وفي روحي 1000

يبدو انك المحللة العالمية الوحيدة التي انكرت تالق المنتخب الجزائري في المونديال
بالاخص امام انجلترا و امريكا
او انك لم تشاهدي المباريات من اصلو

[super girl 15]

وان تو ثري فيفا لالجيري

[samisami]

المشاركة الأصلية كتبت بواسطة lamice120

صورة ترفع المورال و تغلق كل الافواه (الخارجية طبعا) ان شاء الله









واريد ان اقول امرا

الفريق قدم مباراة في المستوى

ولازم علينا ماننساوش وماننكروش الخير ديالو

وين كنا ووين ولينا

وفي الختام ارجو ان لا تقفل عضويتي لانها جد مهمة بالنسبة لي ففيها 11 وصفا

وشكرااااا

اكتب تحت للامانة منقول كي نكون في مستوي التنضيم ولاحترافية وشكرا اخي

[ikram95]

رابحين ولا خاسرين les algériens ديما واقفين ولمونديال 2014 رايحين

1.2.3 viva l'algerie

[✗ ┋ وَړْﮃَةُ آلـﭴَزآئـړْ ┋ ✗]

المشاركة الأصلية كتبت بواسطة ~* بسمة ألم *~

ماشي اذا غبنا 24 سنة معناها كي نطلعو لازم نخسرو وبصراحة المباراة لاهي فالقمة ولا حاجة
هذو نفس الأخطاء من نهار عرفت لي كيب لا دفاع مليح ولا هداف
وسعدان ميقدرش يقدمنا اكثر من انو جمع الفريق وجمعو غالط يرحم باباك صايفي وغزال لاعبين..؟؟؟
المهم كثر خير مبولحي والله ما وجهو تاع العرب وجهو وجه خير ولعب فوق طاقتو تاع الصح

واخيرا اتمنى استقالة رابح سعدان الأن قبل الدقيقة التي بعدها بعد راني نشوف فيه وفي روحي 1000

نقدم لكم المحللة الأولى عالميا لكرة القدم الآنسة ''بسمة ألم'' والتي حللت أداء الفريق الوطني الجزائري في كأس العالم 2010 بكل احترافية
واش رايك لوكان يزيد مصطفى الآغا يستضيفك في بلاصة قندوز الليلة زيدي حللي المباراة

[الفلاح المحترف]

one two three
viva l'Algérie

[mega_timo]

تحيا الجزائر ورانا مع منتخبنا ولا غير كي نربحوا ما لازمش ننساوش خيرهم نستعرف بيهم فحولة

[وشَـ،ـآحْ الـصـِـبـآا]

LOSIANO
عضو مشارك

ouarda1992
عضو مجتهـد


لمعلوماتكما نتوما ل2 انا من اللي كان في عمري 5 سنين نتفرج لكرة القدم
ما خليت كاس عالم ولا كأس افريقيا ولا حتى الدوري الإسباني والإيطالي هذي1
باش تتنحى تاع بين يوم وليلة جاتك الفهامة
وزيد
أولا

LOSIANO
عضو مشارك

أنت تفرجت المباراة ونقولو كتتفرجلهم من قبل
قداه عندو الفريق الوطني مسجل حت هدف ؟؟
وكيفاه برز الحارس بلي راه مليح اذا الدفاع قايم بخدمتو ؟؟

مفهمتش كيفاه مترجمين اللعب الجميل هذا...!!
بالاك قصدك عالتمريرات هذيك اللي يقومو بيها؟؟
اذا كان هكذا والله صح لعبو مليح وانا غالطة وانا اسفة

وثانيا

ouarda1992
عضو مجتهـد


أختي وردة ؛ اذا انا حللت بكل احترافية فلتكن الردود تاعك بمستوى التحليل تاعي حت نتناقش
واذا لقيتيني غالطة في كلمة قلتها او معجبتكش حاجة اشريحيهالي واشرحيلي اسبابها
اما اذا كان كلامك هو بدون اية تأييد وبدون منطقية بالأحرى ومجرد رد على رد
فهنا رايح يكون ردي عليك بطريقة اخرى تماما
منتمناش نوصلو ليها



نظن هكذا وفيت مع اني واللي في قلبي لا ينتهي
وانا جاهزة لأي نقاش اذا حبيتو

[وشَـ،ـآحْ الـصـِـبـآا]

المشاركة الأصلية كتبت بواسطة ouarda1992

نقدم لكم المحللة الأولى عالميا لكرة القدم الآنسة ''بسمة ألم'' والتي حللت أداء الفريق الوطني الجزائري في كأس العالم 2010 بكل احترافية
واش رايك لوكان يزيد مصطفى الآغا يستضيفك في بلاصة قندوز الليلة زيدي حللي المباراة

اه نسيت نقلك
اذا كنتي تعرفي تخيري ضيوف الحلقات صح
بالاك نتوصطلك مع مصطفى الآغا تباني تفهمي

[samisami]

هده الردود ولا بلاش ههههههههههه

[صبرينة 2023]

يخي اعضاء يخي رايحين تتقابضو واش بيكم لازم نكونو اخوة واش بيكم ولازم نعتارفو بلي فريقنا الوطني كان افضل وشرفنا في المونديال وان تو ثري فيفا لالجيري وتحيا سعدان الرائع ويحياو ولاد بلادي محاربي الصحراء ويحياو ولاد كل الجزائر وزكارة في الغيارين اقصد ولاد 48 ولاية

[etoile filante]

1.2.3 فيفا سعدينيو و كريمة الزياني و نذير الحاج و بوقرة بو.......