جمال عبدون ...هل نحن بحاجة إليه

azizdhs · 2009-09-19, 04:57

السلام عليكم

اولا وقبل كل شيء لازم نتعرف على الاعب

هذه هي صورته

;واش يكون منين جا وين زاد ;:;!!!

الجنسية جزائرية
مولود في 14 فيفري 1986 ... 23 سنة .. صغير و جاي للدنيا
مولود في فرنسا ف Montreuil-sous-Bois في عائلة جزائرية

المهم اللاعب يلعب في وسط الميدان المنصب الي لعبوا طيلة مشوار تاعوا البداية تاع عبدون كانت مع نادي ajaccio لعب فيه مدة 4 مواسم من 2003 حتى 2007 لعب العديد من المبارايات و سجل 4 أهداف فقط :: راح تقول مكان والوا هاذا لالاعب في 4 سنين سحل 4 أهداف ... متتقلقش خويا خلي من بعد و نتناقشوا عليها ... خليني أنكمل برك ...
في سنة 2007 عبدون خمل الكابة وخرج من فرنسا ... تخيل وين راح .... راح لإنجلترا ... واش من نادي ... manchester ... مكاش منها... الله يبارك تسمى هذا حاجة كبيرة ... .. كاين حاجة راح تخلعكم و حتى أنا راني مخلوع فيها...
مكتوب في البطاقة تاع الاعب بلي ألعب في manchester city خلال الفترة جانفي إلى جوان 2007 بصح عدد المباريات 0 صفر ....
كان في الكاجة .. إحتياطي
تسمى يرجع لفرنسا خير في إنجلترا مزيرا عليه...
2007-2008 لعب في فرنسا لنادي CS sedan بصح الدرجة الثانية يعني هبط من شمال أروبا للجنوب و زاد هبط قاع التحت للقسم الثاني معليش نوكلوا عليهم ربي ... كان هذاك الوقت صغير و يتبع راي ..... معلبليش
و أخيرا موسم 2007 -2009- 2009-2010 راه يلعب مع فريق فرنسي من الدرجة الثانية FC nante

نسيت باش نقلكم بلي الاعب راه يوزن 65 كلغ و الطول تاعوا 180 سم
اللاعب لعب 74 مباراة رسمية وسجل 9 أهداف و هذا طيلة مشواره الإحترافي

أنا في الحق و الله ما علبالي إذا كلين وين أنديروه مع الخضرة شوفولوا كاش بلاصة أنتوما تعرفوا كثر مني ....

تفضلوا بالأسئلة ... لاتبخلوا........
الله يحفضكم ...

bebenet · 2009-09-19, 05:28

يا المصري ريح ما تحكي انشاء الله يزيد اربعة اخرين في شباك المنتخب المصري

bebenet · 2009-09-19, 05:31

جامد هدي في مصر لي فيها اللاعبين باردين قلب اولاد الخضرة الله يبارك عليهم يا الكونجلي "جامد"

azizdhs · 2009-09-19, 05:59

اقتباس:

المشاركة الأصلية كتبت بواسطة wely1001

4 أهداااااااااااااااااف !!!!!

لاعب جامد جدا لازم يلعب

صحيح اللاعب ميسجلش الأهداف لكنه يتجرك في وسط الميدان و يمرر العديد من الكرات الحاسمة و هاذي ميزة اللاعب هو معروف كثيرا بفنياته و إستحواذه على الكرة يعني الكرة لا تروح من رجليه و هذا ما ينقص الجزائر في وسط الميدان خاصة عند الاعبين لموشية و منصوري الذي لا يوجد من يعوضهما حتى في الإحتياط ....
الكل لا ينكر أنه رغم خبرة منصوري و قوة و نشاط لموشية إلا أنهم يضعوا الكثير من الكرات في الوسط لذلك رأى سعدان في عبدون و يبدة الحل الأمثل للمنتخب الوطني ....

azizdhs · 2009-09-19, 06:23

ليكن في علم الجميع أن عبدون هو لاعب سابق للمنتخب الفرنسي

هذا فيديوا لبعض لقطات من مشوار عبدون الرياضي
https://www.youtube.com/watch?v=ChgAv...eature=related

mourad05 · 2009-09-19, 10:04

بارك الله فيك

~~خــــالد بن الوليد~~ · 2009-09-19, 10:42

......................................

شرافون · 2009-09-19, 11:01

انا عضو جديد ف المنتدى هادا و بخصوص هاد اللاعي اظن انو بمجيئه سيصبح لدينا وسط ميدان من نار

-تيتو-تقي الدين · 2009-09-19, 11:47

أحب أن أقول للمصري بأن رده لم يكن في المستوى ونحن لانفكر بعقلية الأطفال من يسجل أكثر بل من يساند ويدعم أكثر هذا لاعب وسط ميدان وليس رأس حربةومهمته ليست تسجيل الأهداف بل الاحتفاظ والاسترجاع والربط بين الخطين الدفاعي والهجومي
تقي الدين

manel77 · 2009-09-19, 15:24

اعتقد ان خط الوسط يشكل نقطة ضعف المنتخب الوطني الجزائري لهذا سعدان راهو يشوف في اللاعبين الي بامكانهم يغطو بشكل جيد هذه المنطقة المهمة
ان شاء الله يكون لاعب جيد ويفيد المنتخب
حتى مغني ماهوش اساسي بصح كان مردودو طيب مع الخضر
وشكرااااااااااا

fatou_46 · 2009-09-19, 17:43

مرحبا بيه و مع الخضرة يطلع المستوى و أربعة أهداف في مرمى مصر نشا الله مع هدف زياني رجعوا خمسة
قولوا آمين

~~ينابيع الصفاء~~ · 2009-09-19, 18:20

أين المحليين.

المهندس79 · 2009-09-19, 18:23

ان شاء الله للمونديال يا الخضرة

azizdhs · 2009-09-19, 20:09

أين المحليلين ..... في رأيكم هل يمكن أن يكون عبدون أساسي ,,,.. و مكان من يمكن أن يلعب ;;./§§./.

nare · 2009-09-19, 20:17

لا تنسى يأيها المصري أنه وسط ميدان دفاعي