أضحكو غير شوية

[mouh10]

-قالك واحد في السوق حاط دجاجة او معاها 6 كتاكيت ايبيع فيهم ,جاه واحد قالو بgداه service .
د
قالك واحد في حياتوا ما راحش لعرس وهو انسان نية بزاف واحد النهار عرضوه لعرس مطرطق يعني فور بزاف ايا في العرس مول
dj كان داير الغنية نتع ( هو السراق والله ما أنيا) و كي كان المغني يقول هو السراق مول dj ينقص للغنية والغاشي يعاود موراه والله ما أنيا المهم بقاو هكذاك حتى خلاصت الاغنية
السيد كي رجع للبلاد سقساوه صحابوا وش العرس مليح عجبك قالهم فور بزاف عجبني بصح مول dj ما نعرف وش سرقولوا بايت يحلف فينا .


قالك ليك ..هذا واحدالرجل ادخل لوحد القهوة قالهم اللي يخاف مرتو يخرج..
قاع هربو ..حتى مول القهوة ..غير واحد ابفى قعد.
قالو الراجل وانت متهربش كيم هوما..واش ماتخافش من مرتك
قالو السيد لا..ان مرتي قالت لي ما تتحركش من بلاصتك حتى نرجع ليك.
2 قالك واحد سمين بزاف تبارك الله ..مشا يوزن روحو ..ايا كي اوقف فوق الميزان..
خرجتلو واحد الورقة مكتوب فيها خوتي اركبو بالواحد ..الله يخليكم.
3 قلك واحد قزم ..مشا يتصور صورة باش يدير لكارط ناسيونل..اهو يخرج فيها كامل.
4 قالك مرة واحد السيد قالولو مثلنا اشهار مع السبع كي شقل حاب ياكلك..وامبعدة نفهموك كلشي
قالهم السيد ما عليهش بصح فهمو السبع قبل .وامبعدة كلشي ساهل
5 قالك ليك ..هذا واحد اعرف رقم البرتابل نتاع واحد الجن ..
ولا كل ساعة يبعثلو ميساج ببسم الله الرحمن الرحيم
قالك طفلة صغيرة سالت باباها
بابا منين جينا !وش كون احنا وش اصلنا !
قاللها باباها ربي خلق ادم وخلق حوا وتزوجو وجابو دراري والدراري كبرو حتى لحقنا احنا هذا ما كان



الطفلة ما فهمت والو راحت ليماها قالتلها
يا يما احنا منين جينا قالت لها يماها
كنا قرودة "شوادة" وتطورنا مع الاف السنين حتى ولينا كما هاك !
رجعت الطفلة حايرة قالت لباباها
اسمع انت تقلي كنا ادم وحوا وتزوجو وماما تقلي كنا شوادة وقرودة
واش هذا فهموني
قاللها باباها انا كلمتك على اهلي
ويماك كلماتك على اهلها
هذا ماكان