للترفيه ..>>قريتو ياسر

الهام الحياة · 2010-05-22, 19:53

السلام عليكم
بما اننا في العطلة حبيت نعمل موضوع تع ترفيه
كل واحد يدخل و يمد رأيه في العضو الي قبله ...>> يعني الي بعدي يمد رايه في شخصية قطرة حنان و الي بعدو نفس الشيء
و لكن من دون تجريح
نتمنى فهمتو الموضوع .. مع اني ما نعرفش نشرح

ربي يستر وش رايحين يقولو عليا

kader7989 · 2010-05-22, 20:02

باسم الله رايح نبدا بالاخت قطرة حنان
بالنسبة ليا ام تفعلي او تكتبي اي شيء يجرحني
لقد كنت خير مشارك مساعد لي في هدا المنتدى
و ما نيش عارف واش رايحين يقولو عليك لخرين
merci beaucoup

الهام الحياة · 2010-05-22, 20:06

ششكرا خويا كادر
انت يا خويا تبانلي عاقل ياسر و ما تدخلش روحك خلاص .... عضو هادئ و صامت ..>> صامت يعني ساكت هههههه

نتمنى تعجبكم فكرة الموضوع

asmar&zizo · 2010-05-22, 20:09

ااااااااااااااه خويا قاديرو انت معسكري كيما انا و لازم نشكرك
انت شخص ما شاء الله عضو مجتهد و المنتدى بلا بيك ....................و مواضيعك كامل مفيدة.

alkhansaae · 2010-05-22, 20:13

السلام عليكم انا راني عضوة جديدة ما نعرف يلا مسموحلي ندخل في هاد الموضوع
بصح على حساب معرفتي ليك ملي دخلت المنتدى انك عضو نشيط و مساهمة في اكثر المواضيع
انا علابالي ما كان حتيى راي فيا
هههههههههههههههه مازالني مجهولة

الهام الحياة · 2010-05-22, 20:17

مرحبا بيك اختي .... ماتخافيش الراي نخلقوه مع الوقت
رايي فيك عضوة جديدة و متفهمة

kader7989 · 2010-05-22, 20:38

اقتباس:

المشاركة الأصلية كتبت بواسطة asmar&zizo

ااااااااااااااه خويا قاديرو انت معسكري كيما انا و لازم نشكرك
انت شخص ما شاء الله عضو مجتهد و المنتدى بلا بيك ....................و مواضيعك كامل مفيدة.

وحتى نتي ختي asmar&zizo كنتي مفيدة لهدى المنتدي و ماعندي ما نقول فيك ............نشيطة ......مثقفة ........و مبدعة
مشكوووووووووووورة

اميرة الابتسامة · 2010-05-22, 20:53

اقتباس:

المشاركة الأصلية كتبت بواسطة kader7989

وحتى نتي ختي asmar&zizo كنتي مفيدة لهدى المنتدي و ماعندي ما نقول فيك ............نشيطة ......مثقفة ........و مبدعة
مشكوووووووووووورة

وانش نقول فيك واش نخلي.......ملي تبدى و انت في كلمة شريكي ياك الشركة هلكة...........راك عضو مميز و فعال( تقدر تقول تتفاعل بالمفهوم الفيزيائي)و اذا ولينا من ناحية العلوم.........ااااا مانعرف والو في العلوم من الناحية العلمية...الله اعلم

imad cabiste · 2010-05-22, 20:53

يالنسبة لكادار يخي نتا هو لي تنقل بالتيليفون خود رايي دير معريفة مع الأسنادة لي تعسك خير
و بالنسبة لزوج قطرات حنان جابلي ربي بالعة كاسيت لحكايات مايخلصولكش ههههههههههههههههههههههههههههههههه
راني غير نضحك معاك والله المنتدى بلا بيك كيما القهوة بلا سكر راكي نتي هي السكر تاع المنتدى كي ندخل للمنتدى ومانلقاش المواضيع تاعك يصماطلي المنتدى
مشكووووووووووووووووووووووورة على الفكرة

اميرة الابتسامة · 2010-05-22, 20:54

و اذا تحوس من الناحية الادبية.....ساهمت بكثير في اثراء هذا المنتدى

imad cabiste · 2010-05-22, 20:55

ونتا يا أيير مانمدش رايي فيك حتان تفولي ادا رانا متفاهمين في لافار تاعنا ولا لالا

اميرة الابتسامة · 2010-05-22, 20:57

اما من الناحية الفلسفية...............متاسف ما نقراش الفلسفة.....ومن الناحية الرياضية....كو تنقص من هذا المنتدى يعني مثلا كان 1111111عضو كي ينقص واحد لي هو انت يولي1111110ببساطة اكيد رايح يودي الى اختلال في النظام البيئي ومن ثمة يحصل مالا يحمد عقباه......ربي يوفقك

asmar&zizo · 2010-05-22, 20:58

ayir.........................sans commentaire

asma1856 · 2010-05-22, 20:58

بالنسبة ليك الاخ ايير ربما انت تحب تشارك بزاف تضحكوا عليا ما نشفاش بزاف على الاسامي سمحولي المهم المواضيع و على كل كلكم اعضاء رائعين ما نقدرش قع نفارق المنتدى على جالكم

اميرة الابتسامة · 2010-05-22, 21:00

اقتباس:

المشاركة الأصلية كتبت بواسطة imad cabiste

ونتا يا أيير مانمدش رايي فيك حتان تفولي ادا رانا متفاهمين في لافار تاعنا ولا لالا

صافية لبن راني كريت محل وانت بعتك...:dربي نواب ما لقيتهاش معايا تلقاها مع واحد اخر.....هذي الدنيا ربح و خسارة....ربي يعوض عليك