|
|
|
|||||||
| الجلفة للمواضيع العامّة لجميع المواضيع التي ليس لها قسم مخصص في المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
مراحش نفجر روحي غير ماكلها تعسوني
 |
|
|
أدوات الموضوع | انواع عرض الموضوع |
2010-02-25, 16:18
|
رقم المشاركة : 1 | ||||
|
مراحش نفجر روحي غير ماكلها تعسوني
سلام تعرفوني شحال نكره الحكومة تاع الجزاير بلا منقولكم  بصح اليوم عدت حاير من هذا الشعب لصابر على الحكومة الا القلة المقللة منهم لانه فعلا امر محير  شعب ربما ميعرفش صلاحو  اليوم عرفت علاش  العام لي فات شباب يفجر انفسم امام مقرات الدرك ومقر الحكومة واجهزة الدولة  ايه عادي كان لقى يفجر روحو الف مرة يدرها اذا كان مسكين مايعرفش مليح امور الدين  يجوا بزوج كلمات يغروه يقولول هذوك طغات ونتا راح تموت شهيد وتدخل للجنة  لاني حسيت واش كانوا يحسو هوما والظروف لمرو بيها  المهم موضوعي ماشي على هذو نخاف يحسبوني راح نفجر روحي يجو يرفودني نقوللهم غير مكالاها دمى اغلى من ان يُهدَر على امثالكم ايه نرجع للموضوع قوتلكم كرهت هذا الشعب وكي نقول الشعب يعني الاغلبية ماشي 100% لانه اولا شعب معاك ياخضرة خاسرة ولا رابحة و معاك يالحكومة ظالمة ولا عادلة  وشعب ما يخمم غير نفسو وما يهمو غير صلاحو اذا بديت نهدر على الحكومة بلي انها تساعد شعبها لدخول جهنم بمساعدة الشباب في العمل بالربى وتسميها قروض حسنة و فوائد و و و وتساعد على الفاحشة بتسمية الزانيات بالامهات العازبات و تعتني بهم ولا تعاقبهم وتساعد الشباب على شرب الخمر بسماح باسترادها وصنعها وبيعها وتعتني اهم العناية بأمور الاختلاط من ان يولد الطفل في المستشفى ثم يدخل المدرسة الابتدائية ثم السيام ثم الليسي ثم الجامعة ثم في الخدمة واذا خرج من كل وهو لم يفعل الفاحشة فيعتبر انجاز بنسبة ليه يلزم يكفوءه عليه لانه صح ماشي حاجة ساهلة واخر خرجة الغاء حكم الاعدام لانه لافائدة منهم حسب زعمهم وبأنه اجرام في حق الانسانية وهذا بدون الحديث عن الامور الاخرى لانه الف موضوع وموضوع لن تكفي نرجع لشعب الجزائر القرن 21 اسئلة برك ونتوم حكمو شحال من جزايري يتعامل بالرشوة؟ شحال من جزايري يتعامل بالريبة ؟ شحال من جزاير يتعامل بالوساطة .؟ شحال من جزايري ميخدمش خدمتوا كما يلزم شحال من جزايري يغش بشكل من الاشكال شحال من جزايري يسرق ويختلس واشكال السرقة والاختلاس بزاااااف وشحال وشحال وشحال نروح الاضربات لرجعت سُنة حميدة في السنوات الاخيرة اضرابات الاساتذة لرجعو ميخموش غير فروحهم وطفروها في التلميذ والمخزي والعار الكبير كاين اساتذة مع الاضراب في المدارس ويشتكي من الاكتظاظ وكثرة ساعات العمل كي تروح لدارو تلقاه حل كوري يدرس فيه التلميذ دروس خصوصية ثم معندوش لا مشكل الاكتضاض ولا مشاكل اخرى يصبر على كل شيء وهناك من يتعمد الاضراب الا لهذا الشيء والتلميذ مسكن في الليسي ميقراش يلزم عليه يروح يقرى في داير الاساتذة ولا المدارس الخاصة مالا غير اغلقو الليسيات  راهم 90% من التلميذ يقراوى دروس خصوصية ويروحو لليسي غير يجوزو الوقت  واضربات القاطعات الاخرى منحكوش حتى الاطباء سبحان الله رجعوا يدريو اضراب اضراب عليمن على المرضي ليجوا يداوو جاو يداوو لقاو روحهم يزدو مرض على مرض لا حول ولا قوة الا بالله خطرة رحت لطبيب قالي العساس راهم آقراف سي قراف الطبة يدرو لاقراف  وباقي القطاعات تاع المصانع ولا صحاب الاحياء لمعندهمش الغاز ولا الماء كي يدرو لاقراف يروحو يغلقوا الطريق العمومي سبحان الله ماكذبش لقال من الشعب والى الشعب يعني جات من الشعب ويخلصها غير الشعب وانا كي تغلق طريق في وجهي واش ربحت يالسي المضرب  نسيت بلي انا كيفك شعبي حاصل بين لمحاين نسيت بلي الطريق يجوز فيها الخدام ليخدم على اولادو ويجوز فيها لمريض و و و لالا منستش محال نتسا هذا بصح نتا تخمم غير في روحك و يهمك غير صلاحك ها روح للبلدية ولا مقر الوزارة وطالب بحقوقك وحرقها وقطع الطريق قدامها ولا لقيتا غير حنا ساهلين جي تفرغ فينا زعافك خفت المضرب كي تروح ليهم مالا واش داك للاضراب .............................. ونقطة اخرى ميزتها في هذا الشعب هي شعب ينسى بالخف غير يفرجها ربي عليه يرجع يمدح في الحكومة وفي الدولة  ويقول لالا الجزاير مليحة فيها الخدمة وفيها كلش وغير نتوم لمتحوسوش وتظلو قاعدين وتهدروا سبحان الله البارح برك كنت معنا تهدر و تندب على حالك اليوم لقيت خدمة رجعت الجزاير جنة يرحم باباكم قولولي واحد عمرو 24 ولا 25 ولا حتى 30 ولا35 طول حياتو وهو يقرى هذه اذا صحتلو يقرى ويهنبر في هذه لبلاد كي يلحق السن باه يلزم يخدم يروحو يحوس على خدمة بنيتو مسكين و كي جيه فرصة ويقول أخيرا لقيت خدمة جي واحدة شابة بحركة من فمها ولا عينها تطيرلو بلاصتو ولا يجي وليد فلان وعلان صاحب النفوذ والنقود يدلو مكانو وخلي وخلي وخلي الطرق والسبل المتعددة الاختصصات في هذا الجانب من بعد يبقى عايش في حالوا ضايع حتى يلقى فتاة احلامو  و من حقوا راه في سن الزواح ترجعلو شوية ارادة باه يخطط من جديد و يزيد يحوس على كاش مايلقى خدمة قبل ما يسبقوه ليها بصح كيف كيف جزاير القرن 21 هي هي مزال الخدمة بالغمزة واللمزة حتى يشوف فتاة احلاموا يديها وعينه تشوف وليد سي فلان لي كلاو دراهم لبلاد وبلاك حق ذلك الشاب راهم في رصيد هذا السي فلان اكيد ماشي الكل واكيد كاين اغنياء بالحلال بصح شحال منهم ؟ وفي الاخير ليس هذا الموضوع ليس تشائم ولكنه الواقع ونأملو نرجوعوا احسن من هذا وحتى اذا لقيت خدمة ب10 ملايين لشهر ولا كثر راني شاد في كلامي في كل واش قولت جزائر الفرن 21 شعبها بدون اهداف المهم يعيش وخلاص وما تهمو امور البلاد ومكالها تقولوا حنا على الاقل مانتعاملوش مع ليهود وحنا لملاح في العرب راني نهدرو على واش صارى لداخل مناش على بارة على هذيك الموضوع راه بالدرجة باه تكون حنا في حنا وهذه المرة البرانى يسمحنا وفي الاخير الشعب الجزائري 90% شعب غافل عن امرو وراه في سبات عميق يلزم يفطن منها بصح شكون هذا ليجي ويفطنا ويشد بيدنا وباه حتى واحد ما يجي ينقدني راني خليت 10% فيها بركة و كل لواحد فيكم يقول بلي راه منهم هكذا باه متقولوش راني نهدر برك و لا راني عليكم وختاما الحمد لله ربي خلق الجنة والنار والحمد لله جينا نعيشو في هذه الدنيا اقل من 100 سنة والحمد لله ان الواحد منا ما يدي غير اعمالوا معاه ما يدي لا دراهم جمعهم ولا معارف ولا شهادات محصل عليها ولو اردنا لا فعلنا لكننا في غفلة من امرنا ان شاء الله مطولش علينا سلام يا احلى اعضاء
|
||||
|
|
2010-02-25, 16:50
|
رقم المشاركة : 3 | |||
|
وااخييرااااا راسي وجعني |
|||
|
|
|
2010-02-25, 16:55
|
رقم المشاركة : 4 | |||
|
و الله غير كلام جميل |
|||
|
|
|
2010-02-25, 17:07
|
رقم المشاركة : 5 | |||
|
السلام عليكم ورحمة الله وبركاته
نهدر خويا كمـــــــــــــــال ما يكفينيش المنتدى احنا ثاني فاجينا معاك كي كتبت وربي يجيب الخير ويعطينا الصبر ديما كاين دعاء ديما ندعيه في بلاد ميكي اللهم إذا أصابني الضر و انت ارحم الراحمين سلام |
|||
|
|
|
2010-02-25, 17:15
|
رقم المشاركة : 7 | |||
|
قد يكون كلامك صحيح لأنو هذا الوقت اصبح كل شخص لا يخمن الا في نفسه |
|||
|
|
|
2010-02-25, 18:06
|
رقم المشاركة : 8 | ||||
|
اقتباس:
 |
||||
|
|
|
2010-02-25, 18:09
|
رقم المشاركة : 9 | |||
|
كلامك صحيح اخي |
|||
|
|
|
2010-02-25, 18:14
|
رقم المشاركة : 12 | ||||
|
اقتباس:
يا ختيتي كنزة عمرك 13
لالا عقلك عمرو كثر ما شاء الله عليك كلامك رائع اختي |
||||
|
|
|
2010-02-25, 18:24
|
رقم المشاركة : 13 | |||
|
لقد نقلت واقعنا المعاش و أبدعت و صدقت في كل كلمة قلتها... |
|||
|
|
|
2010-02-25, 18:28
|
رقم المشاركة : 14 | |||
|
يا خويا انا حبيت نعرج على الاطباء لانو اللي ماعلابالوش من حقو يضحك الاطباء في بلادنا ولاو النشافة خير منهم من كل الناس نبدالك من عمال النظافة و طلع حتى المرضى ما يحترموش الطبيب بالنسبة للمستشفبات راهي كوارث و كونك طبيب ما تقدرش توفر اقل الامكانيات للمريض نتاعك و عند حدوث حالات الوفاة لا قدر الله شكون يحطوه في فم المدفع الطبيب و ما يهدروش على نقص الامكانات و ما يهدروش على الجهاز الشبه طبي و ما يهدروش على المعاملة السيئة للمرضى مساكن حتى من عانلات النظافة ......اذا بديت نحكيلك على معاناة الاطباء مات امنش يا خويا ف يحسن عونهم..... |
|||
|
|
|
| الكلمات الدلالية (Tags) |
| ماكلها, مراحش, تعسوني, روحي, نفجر |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
