أنا مربوطة الأيدي....فهل من مشورة تساعدني

[imene08]

السلام عليكم و رحمة الله تعالى و بركاته

تخيلوا أنكم تشوفوا أغلى الناس على قلبكم يعاني و أنتم ما باليد حيلة

توفت والدة خطيبي رحمها الله عندها أقل من أسبوع (أدعوا لها بالرحمة أرجوكم فهي تستحقها)
و خطيبي من النوع لي يعشق الوالدة تاعو عندما ألاحظه يظهرلي صابر لكنني أحس أنه تعبان جدا حتى الكلام مانيش لاقية واش نهدر معاه نحسو يعاني و مانيش قادرة ندير حاجة
قوتلو يرحمني و يرحم روحو قالي ماباليد حيلة
واش نديرلو يا ناس (أنا راني بعيدة عليه مانيش قادرة نكون معاه طول الوقت بحكم أننا غير متزوجين و طول الجنازة و أنا بعيدة نشوفو متألم مانيش قادرة نساعدو حتى البكاء مابكاش بزاف رجع كل شي لداخل و هاذا لي قاهرني
عمري ماحسيت روحي عاجزة كيما هاذ الأيام
أنصحوني واش نقدر نديرلو راني حا نمرض في بلاصتو
راني حاسة روحي مربوطة
راني نشوف فيه يدبال كل يوم و مايبينش علاجال أخواته
يا ربي مانيش قادرة نشوفو هاكذا (الحمد لله إيمانه قوي)
حتا العمل قالي مانروحش ندي عطلة بدون أجر (توسلته باش يروح يخدم باش ينسى شوية و يخرج من الحالة النفسية لي راه فيها ما حبش )

واش ندير هل من رأي سديد يساعدني؟؟؟
صحا فطوركم و أجركم على الله

[ساحرة الجزائر]

ماعليك غير تواسيه بالهاتف والرسائل sms...واكتبيلوا كلمات رقيقة تحسسه ان بجانبه ولست بعيدة عنه .....ومرة على مرة حاولي تخرجي معاه من بعد العيد طبعا وزوريه في البيت مع اهلك لكان تقدري طبعا واسهروا معاهم وواسوهم .......ولازم تكوني حنونة عليه بالكلمة الطيبة لأنه افتقد امه وأنت لازم تحاولي تسدي الفراغ اللي تركتو امه ولو بجزء قليل ..لانه الرجل كاطفل وانت تعرفين معنى ان يفقد الطفل امه ......

[بنت سكيكدة]

ان لله و ان اليه راجعون

رحم لله الفقيدة وأسكنها فسيح جنانه

كل شيء يبتداـ صغير و ينتهي كبير الا الموت فوقعها في النفس كبير ثم يبدأ في التلاشي ..

اختي الغالية ما عليك الا الوقوف الى جانبه و لو من بعيد في هذه الظروف لانه بحاجة لمن يعوضه الفراغ الذي تركته الوالدة رحمة الله عليها و ان شاءالله بمرور الوقت ستتحسن حاله الى ما هو افضل و ذكريه انها سنة الحياة و انه لا اعتراض على حكم الله و ان شاء الله نسمع اخبار طيبة

رمضان كريم

[عُضو مُحترم]

لا تغعلي شيئا

هي مرحلة يمر بها الرجال عادة

ثم يعودون

و خطيبك من النوع الذي يرجع بصعوبة

يعني قد يستغرق وقتا ممكن شهر او اكثر

و لكن

يجب ان تجبروه على العودة

ليس بالضروروة انتي

اخواته اخوته

اي شخص
===================

لا تكثري عليه الإتصالات
فالرجل من هذا النوع يكره ان ينظر اليه الناس بنظرة الشفقة

إياك ثم إياك
تشعريه بهذا الإحساس

الشفقة .....فهو ليس بحاجة اليها
========================
و لا تنسي sms

بحيث تكون بسيطة

و لا تذكّريه بوفاة والدته

======================

ماذا تفعلين؟؟؟؟
ادعيلها بالرحمة

ربي يرحمها و يرحم اموات المسلمين

========================

نسيت حاجة مهمة اقولها لك كاخوك


لا تحاولي ابدا ان تاخذي مكانها في قلبه

او تعوضيه عنها
قهذا مستحيل

اقولها لك كرجل

لا توجد امرأة تاخذ مكان الام

حتى الزوجة او الخطيبة

[محـ العاصيمي ــمد]

المشاركة الأصلية كتبت بواسطة *الفتى الصغير*

لا تغعلي شيئا

هي مرحلة يمر بها الرجال عادة

ثم يعودون

و خطيبك من النوع الذي يرجع بصعوبة

يعني قد يستغرق وقتا ممكن شهر او اكثر

و لكن

يجب ان تجبروه على العودة

ليس بالضروروة انتي

اخواته اخوته

اي شخص
===================

لا تكثري عليه الإتصالات
فالرجل من هذا النوع يكره ان ينظر اليه الناس بنظرة الشفقة

إياك ثم إياك
تشعريه بهذا الإحساس

الشفقة .....فهو ليس بحاجة اليها
========================
و لا تنسي sms

بحيث تكون بسيطة

و لا تذكّريه بوفاة والدته

======================

ماذا تفعلين؟؟؟؟
ادعيلها بالرحمة

ربي يرحمها و يرحم اموات المسلمين

========================

نسيت حاجة مهمة اقولها لك كاخوك


لا تحاولي ابدا ان تاخذي مكانها في قلبه

او تعوضيه عنها
قهذا مستحيل

اقولها لك كرجل

لا توجد امرأة تاخذ مكان الام

حتى الزوجة او الخطيبة

نعم الرأي رأيك يا أخي

اللهم فرج هم المهمومين ونفس الكرب عن المكروبين

[عُضو مُحترم]

السلام عليكم

خويا محمد

[سعيد الجزائــري]

السلام عليكم ورحمة الله وبركاته رحمها الله وأسكنها فسيح جناته ليس حزن الرجال كحزن النساء ياأخيتي. كي ينسى والأيام ستتكفل بالباقي صح فطوركم وربي يؤجرك على وقفتك معه

[imene08]

المشاركة الأصلية كتبت بواسطة *الفتى الصغير*

لا تغعلي شيئا

هي مرحلة يمر بها الرجال عادة

ثم يعودون

و خطيبك من النوع الذي يرجع بصعوبة

يعني قد يستغرق وقتا ممكن شهر او اكثر

و لكن

يجب ان تجبروه على العودة

ليس بالضروروة انتي

اخواته اخوته

اي شخص
===================

لا تكثري عليه الإتصالات
فالرجل من هذا النوع يكره ان ينظر اليه الناس بنظرة الشفقة

إياك ثم إياك
تشعريه بهذا الإحساس

الشفقة .....فهو ليس بحاجة اليها
========================
و لا تنسي sms

بحيث تكون بسيطة

و لا تذكّريه بوفاة والدته

======================

ماذا تفعلين؟؟؟؟
ادعيلها بالرحمة

ربي يرحمها و يرحم اموات المسلمين

========================

شكرا أخي على النصيحة بارك الله فيك

لا تكثري عليه الإتصالات
فالرجل من هذا النوع يكره ان ينظر اليه الناس بنظرة الشفقة

إياك ثم إياك
تشعريه بهذا الإحساس

الشفقة .....فهو ليس بحاجة اليها

صحيح هو من النوع لي مايحبش لي يشفق عليه لكنني لا أشفق عليه بل أتعذب لعذابه صدقني رايحة نمرض كي نحسلو هاكذا ماشي مرتاح ثم أنه غصبا عني نتاصل بيه

صدقني أنا لا أحتمل رؤيته يتعذب و أنا مكتوفة اليدين

ماذا تفعلين؟؟؟؟
ادعيلها بالرحمة

ربي يرحمها و يرحم اموات المسلمين

راني ندعيلها ليل نهار و انا مصيبتي مصيبة صدقني كنت معولة عليها كثيرا في حياتنا فهي امرأة رائعة راني حاسة روحي قفة بلا يدين خلي عاد ولادها

ربي يرحمها و يجعل قبرها روضة من رياض الجنة و قبل وفاتها بمدة حلمت المصطفى عليه الصلاة و السلام و قد بشرها ببيت في الجنة و هذا ما يصبرنا
رحمها الله

نسيت حاجة مهمة اقولها لك كاخوك


لا تحاولي ابدا ان تاخذي مكانها في قلبه

او تعوضيه عنها
قهذا مستحيل

اقولها لك كرجل

لا توجد امرأة تاخذ مكان الام

حتى الزوجة او الخطيبة

[/quote]

أبدا أخي عمري ما فكرت و لا رايحة نفكر فيها لأن كل واحد و مكانه أصلا مكانها محفوظ سواء في قلبه أو في قلبي و باش نلحقها يلزملي قرون و قرون و يا ربي لكن نحاول نهتم بيه قدر الإمكان
شكرا على النصاح أخي و إن شاء الله لا تبلى في غالي يا رب

[imene08]

المشاركة الأصلية كتبت بواسطة الصارم 78

السلام عليكم........................فعلا شيء عصيب لكن انا في رأيي لا تتركيه ابدا كلمة طيبة رسالة نصية في الموبايل ....درس للموعظة تهديه له ...اكيد الايام ستنسيه ....اتمنى لك السعادة معه فعلا انت عملة نادرة الله يبارك فيك ويرزقك ...

بارك الله فيك أخي و الله ماراني مخلياتو مستحيل نخليه و لو تنطبق السماء على الأرض لأننا تفاهمنا على الحلوة و المرة فرحنا كيف كيف و حزنا كيف كيف
و راني ندير بنصيحتك أخي مع أنني قللت من إتصالاتي له باش مانقلقوش بزاف و كي نتكلم معاه نحس عمرو رايحة تخرج و بالتالي عمري تخرج معاه

ربي يخليلك ميمتك إن شاء الله لا تبلى في غالي

[imene08]

المشاركة الأصلية كتبت بواسطة ساحرة الجزائر

ماعليك غير تواسيه بالهاتف والرسائل sms...واكتبيلوا كلمات رقيقة تحسسه ان بجانبه ولست بعيدة عنه .....ومرة على مرة حاولي تخرجي معاه من بعد العيد طبعا وزوريه في البيت مع اهلك لكان تقدري طبعا واسهروا معاهم وواسوهم .......ولازم تكوني حنونة عليه بالكلمة الطيبة لأنه افتقد امه وأنت لازم تحاولي تسدي الفراغ اللي تركتو امه ولو بجزء قليل ..لانه الرجل كاطفل وانت تعرفين معنى ان يفقد الطفل امه ......

و الله راني نحاول نكون بجمبه قدر المستطاع لكنني لا أستطيع إخراجه من الحالة لي راهو فيها
عندما ذهبنا إلى المقبرة صدقيني حسيت روحي رايحة تخرج شفت الحزن في عينيه و دمعة صغيرة نزلت حسيت أنو كابت لداخل حبيت نروح ليه نتكلم معاه لكن ماقدرتش بحكم أنه خاطبني فقط تخيلي الكل يواسيه و انا بعيدة ماقدرتش نقرب ليه و نحدثو (تخيلي أختي)

لا أضن أنني رايحة نخرج معاه بعد العيد لأنني ماخرجتش معاه قبل هذه الضروف باش نخرج معاه بعد هذه الضروف
الأهل ديالي بارك الله فيهم كانوا في القمة وقفوا معاهم للأخير و رانا نحاولواقدر المستطاع
فراغ أمه عمرو ماراح نقدر نسدو لكنني رايحة نحاول نوقف معاه قد ما نقدر

[imene08]

المشاركة الأصلية كتبت بواسطة بنت سكيكدة

ان لله و ان اليه راجعون

رحم لله الفقيدة وأسكنها فسيح جنانه

كل شيء يبتداـ صغير و ينتهي كبير الا الموت فوقعها في النفس كبير ثم يبدأ في التلاشي ..

اختي الغالية ما عليك الا الوقوف الى جانبه و لو من بعيد في هذه الظروف لانه بحاجة لمن يعوضه الفراغ الذي تركته الوالدة رحمة الله عليها و ان شاءالله بمرور الوقت ستتحسن حاله الى ما هو افضل و ذكريه انها سنة الحياة و انه لا اعتراض على حكم الله و ان شاء الله نسمع اخبار طيبة

رمضان كريم

شكرا أختي صح إن لله و إن إليه راجعون و لا مرد لقضاء الله
ربي يرحمها و يجعل قبرها روضة من رياض الجنة يا رب

و الله يا أختي راني نتعامل معاه هاكذا و نذكرو بأنها سنة الحياة لكن كلامو يوجعني
قوتلو واش نقدر نديرلك و نخرجك ملي راك فيه أخبرني أنني لا أستطيع فعل شيئ و أنني لا أستطيع إعادة أمه و أنه يحس أنه مخنوق و رايح يطرطق لكن ما عليه إلا التماسك لأجل أختيه و هذا لي قهرني أنه ما خرجش و خفت كاشما يصرالو
شكرا أختي و إن شاء الله لا تبلين في غالي

[wessam12]

المشاركة الأصلية كتبت بواسطة imene08

شكرا أختي صح إن لله و إن إليه راجعون و لا مرد لقضاء الله
ربي يرحمها و يجعل قبرها روضة من رياض الجنة يا رب

و الله يا أختي راني نتعامل معاه هاكذا و نذكرو بأنها سنة الحياة لكن كلامو يوجعني
قوتلو واش نقدر نديرلك و نخرجك ملي راك فيه أخبرني أنني لا أستطيع فعل شيئ و أنني لا أستطيع إعادة أمه و أنه يحس أنه مخنوق و رايح يطرطق لكن ما عليه إلا التماسك لأجل أختيه و هذا لي قهرني أنه ما خرجش و خفت كاشما يصرالو
شكرا أختي و إن شاء الله لا تبلين في غالي

---------------------------
الحمد لله انك بخير-----
وكل ردودك تدل على انك انسانة فاهمة وواعية جدا----
وهذا يضمن لك حياة سعيدة ان شاء الله ----
تقبلى تحياتى وشكرا---

[imene08]

المشاركة الأصلية كتبت بواسطة سعيد الجزائــري

السلام عليكم ورحمة الله وبركاته رحمها الله وأسكنها فسيح جناته ليس حزن الرجال كحزن النساء ياأخيتي. كي ينسى والأيام ستتكفل بالباقي صح فطوركم وربي يؤجرك على وقفتك معه

بارك الله فيك أخي شكرا على كلامك الطيب ربي يؤجرك على كل حرف
أما أنا فربي يقدرني على الوقوف بجنبه لأنه واجب عليا
صدقني حالته تقطع القلب حتا أنه نقص كثيرا في الوزن في أقل من 5 أيام و هاذا لأنه يرد للداخل
ربي يرحم الوالدة تاعو كانت إمرأة رائعة
إن شاء الله لا تبلى في غالي يا رب

[karimi]

يقول الله تعالى/ وبشري الصابرين الذين إذا أصابتهم مصيبة قالوا إنا لله وإنا إليه راجعون/

أبشري فكل شيء يكون صغيرا ثم يكون كبيرا

إلا مصيبة الموت من نعم الله فهي تكون كبيرة عند بدايتها ثم تكون صغيرة مع مرور الأيام أي تخف ثم تخف الى أن تصبح لا

أثر لها إنها مرحلة مهما كان ستنتهي وتبدأا حياة جديدة وتستعدان لبناء أسرة ملؤها المودة والمحبة والتعاون

فكلنا مررنا بهخذه المحنة ولايسلم منها أحد يقول الله تعالى / كل من عليها فان ويبقى وجه ربك ذو الجلال والإكرام /

[مصرية من الجزائر]

ربنا يصبر خطيبك ويصبرك.......
أكيد الموت ليس سهل
وبالذات في فقدان شخص غالي كالأم
ربنا يرحمها ويدخلها فسيح جناته ....
أنا أعلم أنه لن ينسي والدته
ولكن عندما تتحدثي معه
لا تأتي بذكر امه
ع الاقل اخرجيه من ما فيه ...
لو لديك أخوة شباب
اجعليهم يدعوا للخروج
وتغير الجو .....
خليكي وراه انه ينسي
يعني شجعي خطيبك ع الخروج من العمل...
لا تنسي العزومات ع الإفطار عندكم في جو عائلي متين
ربنا يصبركم يارب