طلب أرج الرد

[souad16]

السلام عليكم و رحمة الله تعالى و بركاته من فضلكم أريد هذا التمرين غدا صباحا أرج الرد
*مركب عضوي صيغته العامة CxHyOz لتحديدي قيم z,y,x نقوم بما يلي :
1- نقيس كثافته بالنسبة للهواء فنجد d =1.58
2- الإحتراق التام ل 5g من هذا المركب يعطي 9.56g من CO2 ثاني أكسيد الكربون و 5.85g من H2O الماء
المطلوب :
عين قيمة z,y,x و الصيغة المنشورة بإفتراض أنه كحول .
أرج أن تجيب على هذا التمرين الذي هو عبارى عن فرض أجر الجميع على الله

[اسامة]

راني قاعد نسنى شكون يحلهولك راو شاطر صح
انا الله غالب في الفيزياء ماشي شاطر خلاص
المهم نشاله يحلوهولك خويا

[souad16]

الحل في الطريق يا اتيان أرج أن يصل بسرعة

[اسامة]

نشاله يجي الفور ويحلو
خوك اسامة

[أنوار لجين]

آسفة ما نقدرش هاد المعلومات قريناهم العام لي فات مي هاد العام ما قريناهمش و مارانيش شافية عليهم سمحيلي ختي

[souad16]

يك خاطياتك الفيزيا يا أسامة ولا حبيت تخوفها

[souad16]

أنوار لجين هذا التمرين فيه معلومات من أول ثانوي لكن يخص الوحدة الأخيرة في الفيزياء مدخل إلى الكيمياء العضوية

[اسامة]

المشاركة الأصلية كتبت بواسطة souad16

يك خاطياتك الفيزيا يا أسامة ولا حبيت تخوفها

ماشي هي الي خاطيتني انا الي خاطاها باين عليك حتى انت يا خويا ولا واش اسمك المهم ما تعرفش فيها

[souad16]

أنا على الأقل سلكة راسي ب 15 في الإختبارالثاني خير من 7 نتاعك ولا واش رايك

[اسامة]

اسمع اخويا شكون قالك نقطة تاعي لعزيزة 7 راي فرحتني كان انت تحقر فيها
ما دقول ختى لواحد على نقطة هع

[أنوار لجين]

ايه علابالي مي الأستاذ قالنا بلي نديرو الوحدة ديال الظواهر الضوئية لأنو هي لي نحتاجوها العام القادم

[اسامة]

تحب نحلهولك مكانش مشكل بصح اذا ديت 3 راني قراي صح

[souad16]

حنى قالنا الأستاذ ألي مايقراش الوحدة الأخيرة مالتاش يقرى لأن العام القدم نسحقوها من البداية إلى النهاية و الله أعلم.

[أنوار لجين]

و حنا قالنا بلي ما غديش نلحقوها ؟ و الله أعلم ......................ايه حقا كيراها امك برات ؟

[souad16]

يلل جرب حضك يا أسامة و النقطة نمركيهالك في الكشف باه طلع شويا المعدل