دزيريات صعاب

[le fugitif]

حقيقة هذه العبارة سمعتها غير ما مرة من اناس كثيرين
رد بالك دزيريات صعاب والمقصود طبعا العاصميات فقط
وهي تقال غالبا لمن يريد ان يتزوج من دزيرية (عاصمية)
يحذرونة من عواقب هذا الزواج لانهن واعرات بزاف
ويسوقون مبررات منها انها متفتحة زيادة وانها حضرية درجة اولى واشياء اخر....
ما رايكم ..................... واللي يجاوب نعطيه حبة زلابية وحدة برك

[الجنة الجنة]

السلام عليكم
مع الاسف عندك الحق، كما انني اتفهم قليلا من لديهم هذه النظرة على الدزيريات كما سميتهن لان هناك دزيريات غير صالحات فسدو على دزيريات صالحات.
هذا لا يعني ان الذي يحكم جملة هكذا ويعمم له الحق في ذلك بل هناك بنات اصل في العاصمة لكنهن قليلات خاصة مع كبر المساحة فهن غير ظاهرات اطلاقا.
شكرا على الطرح.......وين راهي الزلابية؟؟؟؟؟؟؟؟؟؟؟؟؟؟؟؟؟؟؟؟

[أسير الذنوب]

سلام.......يا أخي واش نقولك وين تروح تلقى الصالح والطالح كذلك الحال بلنسبة لنساء العاصمة.......علاش غير الدزيريات اللي واعرين ....النساء كامل واعرين خصوصا اذا المرأة اصبحت تتصرف كالأطفال واش يسلك.........تحياتي لك اخي وليلة طيبة......

[le fugitif]

شكرا على ردك الجنة الجنة والحقيقة هم يعتبرونهم كلهم سواء

[le fugitif]

المشاركة الأصلية كتبت بواسطة أسير الذنوب

سلام.......يا أخي واش نقولك وين تروح تلقى الصالح والطالح كذلك الحال بلنسبة لنساء العاصمة.......علاش غير الدزيريات اللي واعرين ....النساء كامل واعرين خصوصا اذا المرأة اصبحت تتصرف كالأطفال واش يسلك.........تحياتي لك اخي وليلة طيبة......

انا هذا ما سمعته اخي وليس بالضرورة اني اؤمن بهذه النظرية

[ابوانس 22]

السلام عليكم ورحمة الله
لا اظن ان هدا الحكم صحيح ..لانني ضد التعميم في كل الاحوال
كما انني لم ازر العاصمة الا قليلا لهدا لا يمكنني الحكم .
لكن اغلب ما في الامر ان سكان المدن الكبرى كوهران مثلا(مع احترامي لكل الشرفاء من وهران)
تجد فيها الكثير من مظاهر الانحلال اكثر من غيرها من المدن الصغيرة
لهدا يقولون ....الوهرانيات واعرات ...و.هدا لا ينطبق على الكل
وليس الكل في الهوى سوا
شكرا

[زهرة الجنة]

السلام عليكم ورحمة الله وبركاته

شكرا لك أخي على المضوع المهم
أخي le fujitif للأسف هذه حقيقة
لكن لا يجب أن لا نعم الكلام على جميع الفتيات
فيوجد من منهن غير متحضرات لدرجة كبيرة
على العموم هذي هي الدنيا فيها لمليح وفيها الدوني

جزاك الله خيرا

[اسيا بنت الواحات]

مساء النور
اول مرة نسمع بهذه المعلومة ,بل بالعكس نحسبهم ناس ملاح
على العموم الزين والشين في كل بلاصة
تقبل مروري

[وسام وسام]

اخي الكريم ربي خلق وفرق وكل واحد وطبيعتو
انا اصلي ماشي من العاصمة لكن نحن نسكن فيها مند اكثرمن 22سنة....حتى من قبل سكننا في العاصمة كنا نسكن في ولاية مجاورة للعاصمة
لكن اديها من عندي والله ناس العاصمة بزااااااااااف ناس ملاح كي نساهم كي رجالهم الى الان ماشفنا منهم غير الخير
وانزيدلك حاجة بالرغم من اننا هاجرنا من بلدتنا الاصلية مند حوالي 40سنة لكن زياراتنا المتكررة لبلدتي الاصلة جعلتنا محافضين على عاداتها وتقاليدها فبالرغم من دلك تاقلمنا مع العاصمين ومع غيرهم

[وسام وسام]

وين راهي الزلابية؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مادا بيك تكون من زلابية بوفاريك

[البلبل الاسمر]

المشاركة الأصلية كتبت بواسطة الجنة الجنة

السلام عليكم
مع الاسف عندك الحق، كما انني اتفهم قليلا من لديهم هذه النظرة على الدزيريات كما سميتهن لان هناك دزيريات غير صالحات فسدو على دزيريات صالحات.
هذا لا يعني ان الذي يحكم جملة هكذا ويعمم له الحق في ذلك بل هناك بنات اصل في العاصمة لكنهن قليلات خاصة مع كبر المساحة فهن غير ظاهرات اطلاقا.
شكرا على الطرح.......وين راهي الزلابية؟؟؟؟؟؟؟؟؟؟؟؟؟؟؟؟؟؟؟؟

شفت كلمة الدزيريات راح بالي طووووول لأختنا الجنة الجنة ..وقلت سير راها هنا ..وكي دخلت لقيتك انتي الاولى هههههه دزيرية فحلة ونص ...بصح ياختي ماقالش فاسدات قال صعبات يعني ماهمش ساهلين
صح كاين تفتح كبير بصح كاين ثاني نسبة كبيرة من الإلتزام والحشمة عند الدزيريات تاع الصح ..يعني بنات العاصمة الاصليات ..شفت عينات ماشاء الله الدين والفهامة والضرافة ..بصح انظن حاجة واحدة فيهم كااامل ...ياختي وشحال يحبو الهدرة ههههههه يدوخ مولاها وهو يسمع ...
صح كيما قلتي مايبانوش مع هاذوك إلي لاعبينها حضارة زعمة هههه وهوما هزو من الغرب غير القشور

المحصلة احترم بنات الفاميلية في العاصمة جدا جدا جدا وهم عندي رقم واحد لانهن صمدن امام طوفان التغريب والمسخ من ايام الاستدمار إلى يومنا هذا

حدسي وشعوري يقول انها نعم الزوجة ورفيقة الدرب ....حاجة وحدة لوكان ينقصو من الهدرة بزاف ..ههههه مانشتيش إلي تثرثر ...نعود رح نخرج من جلدي هههههه


شكرا على اثارتك للموضوع الجميل اخي الهارب

[أختكم في الله]

الحمد لله ما نحبش الزلابية
والله ما عندي فكرة على الدزيريات
ممكن على البليديات

[الـ^ـسَّــآآحِـ^ــرْ ،]

أنا لا أؤمن بهذا الكلام أخي ، لأن ليس كل شخص مثل الآخر ، والأشخـــاص الذين طبقوا هذه المقولة ، أصبحت مطبقة عندهم من تجربة واحدة أخي ، و أنـــا أعتبرها فكرة خاطئة مئة بالمئة . وشكرا أخي لنقلك هذه الأقوال ، وهي تعتبر فاشلة بالنسبة للتحضر الذي يمس تطور مجريات عصرنا وبااااااااااااااااااارك الله فيك .


وزلاااااااااااااااااااااااااااااابية بوفاريك بارك خويا رطل يكفي .

[ذات النورين]

اخي الكريم اضن ان هذا الكلام غير مؤسس ففي كل الولايات في الجزائر وحتى في جميع انحاء العالم
هناك بنات صالحات واخريات طالحات
وعلى من ينوي الزواج ان يختار الاختيار الصحيح فقط ويتكل على الله
وعلى العموم فان الطيبون للطيبات
والخبيثون للخبيثات
والله المستعان

[محـ العاصيمي ــمد]

يا الإخوة واش من التفتح ربي يهديكم
قولوا التفسخ ماشي التفتح والانحلال الخلقي
أنا نقوللكم حاجة راني وليد العاصمة ونعرف ناسها مليح العاصمة تعكس 48 ولاية يعني تجد في العاصيمة كل الأشخاص وكل العقليات من 48 ولاية أنا هادا هو رأيي الشخصي وأنا مقتنع بيه
شوفو الدزيريات الحرات يعني بنات العاصمة تاع الصح وسمحولي على هذه الكلمة ماشي تاع بوبرة صدقوني يالاخوة والله العظيم غير بنات فاميلية وحرات وتاع أصل وتاع دار
ولكن الدزيريات هادو الي راكم تتكلموا عليهم أغلبهن ماشي بنات العاصيمة يعني منبهرات بالحضارة فقط جاو من خارج العاصيمة وجدوا حرية أكبر في العيش فانساقوا وراء الهوى وجرفهم التيار يعني ماحافظوش على عاداتهم ةتقاليدهم كيما كانت تتكلم الأخت وهذه حقيقة مرة نحن نعيشها الأن
ربي يهديهم

على كل حال الصالح والطالح في كل مكان

وتقبلوا مروري

والسلام عليكم