لو سمحتم مساعدة

[sofiane2075]

واش تمد الحماة لعروستها و امها و اخواتها يوم العرس و شكرا

[hiba71dz]

أختي في العاصمة نقول ترجع يوم السابع أو الصبحية يعني يوم فطور العروسة طرف قماش للأم و جبات للأخوات و للعروسة هدية تكون من الدهب أو دراهم

[وليد مولودية]

في سطيف الحماة تكسي ام العروسة اما اخواتها تعطيهم حاجة حاجة مثلا طرف قماش او عطور وصابون +شوي دراهم

[sofiane2075]

في قسنطينة واش يمدو?

[khawla-b]

انا علابالي يمدو قماش وصابون وسوارد برك

[sofiane2075]

جازاكم الله كل خير

[حبيبة امها]

مساء الخير يا الحاجة يمدو لليجيو مع العروسة خوتها صابون قماش ومناشف ايضا لكان حبيتي وللعروسة حاجة دهب من اللي تقدري ولا دراهم بصح دهب خير ما تصرفهمش يبقى للدكري وام للعروسة والله نقولك يا الحاجة احنا عندنا في قسنطينة يرفهوها مليح يمدو من مليون وطلع وربي يعينكم ويكملكم على خير

[sofiane2075]

جازاك الله خيرا و الله يا ابنتي هده التقاليد صعيبة على حساب ما راهم يشرطو واحد يخدم عمره كله و ما نعرف الا قدر و الله الزوالي ما عاد يتمنى ال يفكر مجرد التفكير في الزواج ان شاء الله يطبقو ما جاء في ديننا لانه اصبح في وقتنا المظاهر و المال هما كلش سلام

[حبيبة امها]

[شفتي يا الحاجة ملقيناش كيفاش نديرو انتي ادا ماكانش في مقدورك اعطي للام فقط والعروسة احنا عجوزتي ما عطات للاختي لا لخالاتي اكرم الام وبنتها وخلاص راهم الناس اللي ما حطوش رحمت ربي في قلوبهم ربي يتملهم بالخير

[sofiane2075]

لله يكتر من امتالك للي يقدرو ظروف الغير احنا رانا في تلاتين مليون غير للعروسة و ما زال بلااالعرس و السكن الله يلطف

[الملاك الصغير]

و الله يا الحاجة ما تقلقي روحك ما والو
احنا جبنا عروسة من قسنطينة و كاينلها ماشي حليلهم و كي جات مدت غير لعجوزتها طرف قماش و سلافاتها خيمارات نتاع 10 الاف
ديري واش تقدري و ما تفورصيش روحك
ربي يكمل و يهنيكم انشاء الله

[sofiane2075]

يهنينا جميعا ان شاء الله و الله عندك الحق بصح نحشم ما عرفتش واش ندير شكرا على نصيحتك