اللاعب الانجليزي كراوتش يصرح: مجموعتنا في كأس العالم تضم فرنسا ليس الجزائر

[yalova]

قال النجم الانجليزي بيتر كراوتش في تصريح لأحد الصحفيين الانجليز عن رأيه في مجموعة انجلترا في كأس العالم: أن المنتخب الانجليزي لن يواجه منتخب الجزائر بل سيواجه منتخب فرنسا، هذا و قال أنه يستغرب من الطريقة التافهة التي تعتمدها الاتحادية الجزائرية لكرة القدم وذلك بجلب لاعبين مولودين في فرنسا ولا يمتون بصلة لألوان العلم الجزائري مستخفا كذلك من قول أن الجزائر هي ممثل العرب الوحيد في كأس العالم قائلا: الجزائر ليست ممثل العرب كما يعتقد الجميع لكنها الممثلة الثانية لفرنسا و أضاف كذلك: أعتقد أنه كان من مصلحة العرب أن تتأهل مصر الى المونديال لتمثيل العرب حقيقة وليس فرنسا الثانية - على حد قوله -

ملاحظة: والله بالرغم من أنني جزائري أوافقك يا كراوتش ألفا بالمئة وذلك لأن لاعبي المنتخب الجزائري كلهم يتحدثون الفرنسية ولا يمتون بصلة لعروبة الجزائر حتى انهم لا يحفظون النشيد الوطني.

المصدر: قناة دبي سبورت = حصيلة الدوري الانجليزي =

[etoile filante]

يا خويا انا معاك .فجل الاعبين ليسوا محترفين بل مغتربين . غير الحارس برك

[hidayamina]

روحو روحو ..
علاه نهار دات فرنسا كاس العالم بفضل زيدان ما قلتوش بفضل الجزائر

هاذو ولادنا و هوما لي حابين يلعبو لبلادهم ...
و ديجا الانجليز ام كثرو من الهدرة كي شغل ضمنوا الطلعة ..
ذرك يديرلهم ربي كيما دار لمصر ...
اللاعبين تاعنا جزائريين قلبا و قالبا ..
و يموتو على بلادهم و على العلام ..
و اللي ما امنش يتفكر احداث القاهرة برك يسكت ...
الخلعة هاذيك و راحوا يلعبوا كي الابطال ..
انا جامي نشك في وطنيتهم

-------

ولي يقول غير المغتربين ما همش المحترفين

و صايفي و بزاز و حليش و شاوشي و زياية و قاواوي و زماموش و العيفاوي

هاذو نسيتوهم ...

بركاكم من العقلية هاذي

الانجليز حابين يديرو حملة باش يضربو استقرار المنتخب

و حنا نقبلو فيهم

------

سلاااام

[AYOOM]

و المطلوب منا واش هو ؟؟؟؟ نردوه يهضرو عربية اللاعبين يعرفو النشيد و يقرو العربية و يصلو بالقران

راهم قدامك عجبوكم تفرجو ماعجبكومش بدلو القناة

احنا واش دنبنا ادا هوما زايدين في فرنسا و جاع يا سيدي ايا و المطلوب هادا الانجليزي يقول هاد الهضرة بش ينقص من معنويات اللاعبين

انا متلا عاجبين اللاعبين نتاوعنا و نشجعهم نايهمنيش ني يعرفو العربية ولا والو انا بيا الاداااااااااااااااااااااااء برك سواء من لاعبينا او لاعبين اجانب

ايا قاع حنا عرب واش درنا؟؟؟؟؟ هادا غي مااااااااااااااااااااااااااااااااااااااااااااااااا اااتش و ماتحصيش قاع مايصراش

[MINA05]

وريولي الفيديو وين يهدر هاذ الهدرة
لاعب محترف كيما كراوتش ايجي و يقول** أعتقد أنه كان من مصلحة العرب أن تتأهل مصر الى المونديال لتمثيل العرب حقيقة وليس فرنسا الثانية** تقول مصري يهدر ماشي انجليزي.
و اذا كان الخبر صحيح امالا كامل راصا وحدا

[zoubiri16]

يا اخي احترم رايك مع هذا لا للتفرقة مهما كان الجزائري المولود في فرنسا او اي بقعة من الكرة الارضية والجزائري المولود في الجزائر فهم كلهم جزائريون وشكرا

[AYOOM]

مصلحة الشعب الجزائري أن تتأهل الجزائر الى المونديال لتمثيل نفسها حقيقة

[kada20097]

الخبر غير رسمي مكانش منها

[nouna40]

ومبعد زايدين في فرنسا علاه جامي سمعتو التصريحات تع الاعبين كي يهدرو على دزاير بلادهم كان جاو من فرنسا كيما قال مالا علاه ما لعبوش في فرنسا بيتر هادا تقول مصري

[الشلفاوية]

اسماءهم واصولهم عربية ويدينون بالاسلام وهذا يكفي نقطة الى السطر

[hidayamina]

و كي كانوا يخسروا .. ما يمثلوش فرنسا ..
كي ما تكاليفاوش ف2006 لكاس العالم و كاس افريقيا و في 2008 لكأس افريقيا ما مثلوش فرنسا ...
منصوري من 2001 و عنتر و زياني و بوقرة من 2004 و بلحاج من 2005 و مطمور من 2007 ....الخ ..
كي جا معاهم مدرب مليح و يعرف ....
و نهار تكاليفاو لكاس افريقيا و العالم .. اه اليوم يمثلو فرنسا .. اليوم فرنسيين ..
و نهار دارتلهم الجزائر اسم ..
يجي واحد منهيت .. نامبورت كي .. يقولك يمثلو فرنسا ..
ياخي عباد ياخي ..

-----------

اسمحولي و الله غير كلاني قلبي ما قدرتش نسكت

[بالقيم نرتقي]

ياو لي في القلب في القلب
ما تخلونيش ننفجر والله اذا انفجرت راح نفهم لي مش باغيين يفهمو واش معناها دزاير

[radia_32]

والله واحد في العرب ما عندهم القلب تاع ليجوار تواعنا
وقيلة راهو حاسب كيما هو حركي وكي شاف روحو هكذا
قال ما سمعتوا
ياخي يقولوا الغيرا تهدر

[البحث هن العلم]

رعم كل شيئ لكن معه حق

[البحث هن العلم]

الي قال اعلاه ما لعبوش في فرنسا انا نقول لخطرش ما طرتلهمش عنبالك غير ارواح ولعب