الشوماج والتشومير .... الكلام مجاني ***فرغ قلبك يا الزوالي/ة**.

[ل..ب..ن..ى]

السلام عليكم ورحمة الله تعالى وبركاته

راح نطرح موضووووووووووووع جريء جميل
جماله مزعج ولكنه واقعي واكيد
هم المجتمع الجزائري والعربي


انه:



واش هي البطالة
بالعربية حبيت نقول الشوماج
ههههههه

تعريف الشوماج:
الشوماج هو ظاهرة اجتماعية
كلمة مترددة بلسان
كل جزائري ...عربي .....وصايي

للشوماج لم اجد التعريف
فخرجت ابحث بين الاقاويل

قلنا ياسيدي نروحو نسقسو الشومارة واش هو تعريف الظاهرة اللي عايشينها!!

قالك السي امين: الشوماج هو ........ الشوماج
نورمال انا مانيش خدام ...ايمالا راني في شوماج!!!!!

يقول السيد محمد من عين المكان:
الشوماج هو كي تكون حاكم قهوة ودخان
وتشوف في السماء تستنى لطف ربي ودعوة الوالدين !!!!!!

رحنا سقسينا السي مراد:
قالك ياسيدي الشوماج
واش حابين ؟؟ظ نورمال الشوماج اللي راني فيه
انا شومور
كي تشوفني تفهم واش هو الشوماج
وقريب يضرب مراسلنا من عين المكان!!!!!

رحنا نزيدو نحوسو على تعريف لظاهرة الشوماج :
لقينا واحد تحت شجرة
حامل ورقة وقلم
باين عليه قاري فاهم وراح يعطينا تعريف للعاطل عن العمل والبطالة :
قال:

عاطل واروي قصتي واتكلّم=
مع ان وضعي مايبيله تفاسير

خريج واحلامي سمو المعلّم=
وكنت انتظر فرحه نجاحي على خير

اربع سنين ارقى على المجد سلّم
=مواطن ازرع لليالي تباشير


حب يزيد يهدر قلنالو صايي بزااف خويا
***لوكان خليناه كان راح مايكملش!!!!
باين مهموم بزاااااااااف ***

قلنا ممكن نشوفو دفترك؟؟؟؟
قال ايه تفضلوا :
وجدنا به رسومات
اليكم بعضها :






غاضتنا عمرنا يا ناس قلنا نبدلو شوية الموضوع
تحرقنا من قهر جال فوق غيامة هؤلاء الشبان!!!!

رحنا تمشينا
فوجدنا احدهم
حامل قارو...سيجارة...
ويشوف في المارة
هدا طالع هدا هابط هدا طالع هدا هابط!!!!
قلنا نروحو ليه

احم احم
نحن: باين عليك خدام ياسيدي
هو: ايه خدام وكاره حياتي في هاديك الخدمة تاع الهم!!!!

نحن: ايه كل خدمة فيها تعب ايوا خير من لي تكون غير قاعد!!!
هو: ايه ...خير من والو
راني خير من سفيان وكمال ومحمد وهشام ويونس و
نحن : ايه فهمنا صايي يا اخي

نحن: واش تخدم ايمالا ؟؟؟هاد الخدة اللي دايرة فيك حالة؟؟؟
هو: بعد تنهيدة طويييييييييييييلة
على بالك .... نعمر البرويطة بالرمل ونطلعها للسانكيام ونزيد نهبط
نزيد نعمرها ونطلع بيها ونزيد نهبط ....... نهار كامل هكا
نحن: ومن وقتاش وانت خدام؟؟؟؟؟؟؟؟؟؟

هو: غدوا نبدا



نتمشو نتمشو تفكرنا التشومير ماعطينالوش تعريف ؟؟؟
السؤال الاول ببالنا اللي حبينا نجاوبو عليه:
هل للشوماج علاقة بالتشومير ؟؟؟؟

رحنا لحي فقير
نسقسو الناس ادا خدامة ولا لا!!!
هادي عائلة يوسف:
بدانا السلام

وشحال انتوما في العائلة؟؟؟؟
9
الله يبارك
لالا ماكملتش 9بنات و7دكور
والاب والام
اه !! الله يبارك

وشحال من عامل في الدار ؟؟؟
حتى واحد وواش دخلكم انتوما؟؟؟


اووو حتى واحد ؟؟؟ وكيفاه عايشين؟؟؟
الحمد لله لاباس بينا

راح يجو يديرو طريق شرق غرب
ويفوتو على دارنا
راح يعطونا السكنة في جهة اخرى

ايه فهمنا ..بصح شكون يخدم عليكم ؟؟
واش تاكلو ؟ واش تلبسو؟؟؟؟

اه ! فهمتك هههههههه
الام جات تنطق
وليدها: ادخلي للدار الرجال يهدرو!!!!
وبدا يضحك في سنيه:

عندي ام و9اخوات
يخدمو في البيوت

ورانا ناويين نزوجو الكبيرة للميقري ولد عم بنت خالة.....

اه!! القعدة فوووووور ايمالا!!!
قولي .. راكم عايشين لاباس؟؟؟؟

ماخصنا والو
الحمد لله


في طريقنا في بحثنا
نلقاووا شركة قلنا والله غير ندخلو نضربو طلة!!!

صاحب الشركة كان فايت

الشيخ الشيخ ماعليه دقيقة؟؟
ماعنديش الوقت!!!
نحن من جريدة الغروب العالمية حبينا نديرو اشهار لشركتكم
مرحبا بيكم
كم هي ساعات عملك في اليوم؟؟؟
نريح برك منين نجي نرقد
واحد ال5ساعات
الله يبارك ... شحال تقعد مع عائلتك في اليوم؟؟؟
راني بعثتهم لكندا يفوتوا واحد العام ولا عامين
الله يبارك!!!
بشوية بشوية حتى وصلنا لهدا السؤال:
شحال عندك دراهم في البنكا؟؟؟؟
واحد ال130مليار في البنك الاول
و205مليار في البنك 2
و20مليار برك في البنك 3 مانديرش فيهم لامان
الله يكثر منهم ويزيدك
امين لمين امين ياربي
من فمك لربي
تعيشوا
واش ناوي تدير بيهم؟؟؟؟
نستثمرهم ونجيب بيهم دراهم
ايه ومبعد؟؟؟
منين يزيدو ندير مشروع اكبر ونجيب بيهم دراهم
ايه ياسيدي ومبعد؟؟؟
نعاود نستثمر وندي.........
تتقلق عليهم؟؟؟
ايه نخاف يخونوهملي!!!
**يسرقوهم**
/تعيش يا الفقير هاني
ماكاين لادراهم لا تخاف يسرقوهم/

خرجنا بمغزى من الشركة
اللي عندو دراهم ماشي هاني

ايا صايي لحق المغرب
لازم نرجعو
وقصة التشومير
وباقي قصة الشوماج في الجزء الثاني

كاش مراسلين من ولايات اخرى
ياالله احكيونا على الشوماج والتشومير
اسئلتنا:
عرف الشوماج***البطالة****
بصفتك شومار ...ماهي نظرتك للمستقبل؟؟؟؟
انت خدام؟؟؟ واش تشوف في الشباب البطال؟؟؟
انت زوالي وفحل؟؟؟؟ وين هي الفحولية ..كاش قصة...انعش مسامعنا
التشومير.**الفقر.**
واش رايك فيه؟؟؟
مجتمعنا فيه المشومرين؟؟؟**بمجتمعنا يوجد فقراء؟؟
ماهي حلول الفقر برايك

يا الله هدا انتارفيو صغير
ريبوندي علينا يا قارئ
ياك قراتوي الهدرة ***ههههه***
**مجانية الكلام والشكاوي**


اليكم التصريح
اعجبني هدا الرد
فاردت اضافته للموضوع:

المشاركة الأصلية كتبت بواسطة samir406_02

البطالة هي البطالة يعرفها اللي توشة منها ، عندما يهيم شاب في سن الزهور وسط البحار و يخاطر بحياته من أجل أن لا يرى نظرة الحزن و الأسى في أعين الناس على حاله و في مقدمتهم والديه ، عندما يفيق الشاب على كوابيس مزعجة و في عز النهار و تصبح حقيقة تهدد حياته و مستقبله و يرى حقه أنتهك من طرف ناس لا ظمير و لا ذمة لهم ، البطالة هي أن تضع يدك في جيبك و تتكئ على حائط و مرة تنظر في السماء و مرة إلى المارة و مرات كثيرة إلى الأرض و عيناه مملؤة بدموع و هو لا يعلم لماذ و كيف يحدث معه هذا

[و.وحيد]

السلام عليكم
اسالي جزائري بامتياز تلقاي اجابة كافية
سلام

[¨°o.سيدو~علالو.o°¨]

*البطالة والتشومير خلقت من عصابة الحكومة*

*الدراهم كاينة.مناصب الشغل كاين الخير كاين مي هم....كلاو كل شئ*

*الله ياخذهم في يوم واحد*

*موضوع في قمة ياااااااا لولو ولكن علاش متشاركيش في موضوعي امممم*

*سلام*

[أمال2008]

ههه
مشكورة اختي لبنى راني نسنى في باقي القصص بفارغ الصبر.
و الله راكي مراسلة شاطرة........

[طارق القبطان]

انا نقلك
قالك الهدرة ولات تيكي
وين راه الحق اللي فيه قاع نسالوا
حبوا يشروا ستار اكاديمي والشعب راه راضي ماعلابالوا
شادين في ربي وعليه تاكلين
زوالي وعليه قاع يسالوه

[[كبْرياء]]

المشاركة الأصلية كتبت بواسطة ل..ب..ن..ى

كاش مراسلين من ولايات اخرى
ياالله احكيونا على الشوماج والتشومير
اسئلتنا:
عرف الشوماج***البطالة****
بصفتك شومار ...ماهي نظرتك للمستقبل؟؟؟؟
انت خدام؟؟؟ واش تشوف في الشباب البطال؟؟؟
انت زوالي وفحل؟؟؟؟ وين هي الفحولية ..كاش قصة...انعش مسامعنا
التشومير.**الفقر.**
واش رايك فيه؟؟؟
مجتمعنا فيه المشومرين؟؟؟**بمجتمعنا يوجد فقراء؟؟
ماهي حلول الفقر برايك

يا الله هدا انتارفيو صغير
ريبوندي علينا يا قارئ
ياك قراتوي الهدرة ***ههههه***
**مجانية الكلام والشكاوي**

و الله يا لبنى راكي صحفية من الدرجة الأولى
الشوماج هو الواحد لي قاعد بلا شغل ولامشغلة قدام الطريق يعس في الناس لي راح ولي جا
أنا راني مزلت نقرا بصح كي نشوف هاذ الناس البطالين يوجعني قلبي بزااااف
ربع مجتمعنا من الطبقة الراقية و الربع لاخر من الطبقة المتوسطة أما النص لي بقا راه الطبقة الفقيرة
هذا الفقر الحلول نتاوعو هي تغيير السياسة لي راه ماشي بيها السلطان نتاعنا
شكرا للموضوع

[ل..ب..ن..ى]

المشاركة الأصلية كتبت بواسطة وحيد المسلم

السلام عليكم
اسالي جزائري بامتياز تلقاي اجابة كافية
سلام

يا الله وحيد الجزائري مسلم بامتياز
سؤال ؤانا سالنا
جزائري بامتياز راهو معانا

الاسئلة هاهيا ليك قدامنا

اجابات خاصنا يا وحيد

جاوب على الاسئلة بليييييييييييييييييز

سلاااااااااام

[*ألخيال*]

[ل..ب..ن..ى]

المشاركة الأصلية كتبت بواسطة علالـ sid ali ـو

*البطالة والتشومير خلقت من عصابة الحكومة*

*الدراهم كاينة.مناصب الشغل كاين الخير كاين مي هم....كلاو كل شئ*

*الله ياخذهم في يوم واحد*

*موضوع في قمة ياااااااا لولو ولكن علاش متشاركيش في موضوعي امممم*

*سلام*

راح نروحلو وماتقولش علاه راهي ماسكتتش هههههه
لقاء الاحبة كان شادني
وهدا كتبتو اليوم باش ندعم مسابقات عادل الجلفاوي

راح نزور موضوعك

مرورك نور الصفحة
عندك الحق فيما قلت


سلاااااااااااااام

[عبدالباسط عبيد]

الله يفرج على الشباب البطال

بالتوفيق للجميع

[ل..ب..ن..ى]

المشاركة الأصلية كتبت بواسطة أمال2008

ههه
مشكورة اختي لبنى راني نسنى في باقي القصص بفارغ الصبر.
و الله راكي مراسلة شاطرة........

[color="rgb(112, 128, 144)"]ايه ان شاء الله
تجيكم عن قريب
واش هو اعطينا رايك
جاوبي على الاسئلة

ولا ماشي بطالة ؟؟؟؟؟؟؟

طلتك تسرنا
ورايك يهمنا
سلااااااااااااااام[/color]

[مصرية من الجزائر]

خيالك واسع جداا ياقلبي
بصراحة فهمت نصف كلامك أم النصف الآخر لم افهم
المهم
ان الموضوع يتحدث عن البطالة
أظن البطالة توجد لاعتماد الدول العربية علي الغرب
عدم وجود صناعات في البلاد العربية لتشغيل شبابها !
يكمن أيضا
عدم تطور الشباب مهاراته
أو معني اصح التعليم لا يأهل الشباب للعمل مباشرة
فتجد الشباب يجب أن يكتسب خبرة قبل العمل
والمصانع والشركات لا تريد تدريب أحد علي العمل
فيطلبوا عمال أجانب من الخارج
للعمل بدل السكان الأصليين
شكراا ع الموضوع حبيبتي

[طارق القبطان]

انا نقلك
قالك الهدرة ولات تيكي
وين راه الحق اللي فيه قاع نسالوا
حبوا يشروا ستار اكاديمي والشعب راه راضي ماعلابالوا
شادين في ربي وعليه تاكلين
زوالي وعليه قاع يسالوه
وهدا ماعجبكش ولا وش

[س..ع..ي..د]

صراحتا البطالة هي شبح بي نسبة لينا وهي لتوصل للحرقة وتوصل للمخذرات وتوصل لكل حاجة مش مليحة

بطالة هي ام الافات الاجتماعية...شكرا اختي لبنى موضوع جميل بي توفيق...

[ل..ب..ن..ى]

المشاركة الأصلية كتبت بواسطة طارق القبطان

انا نقلك
قالك الهدرة ولات تيكي
وين راه الحق اللي فيه قاع نسالوا
حبوا يشروا ستار اكاديمي والشعب راه راضي ماعلابالوا
شادين في ربي وعليه تاكلين
زوالي وعليه قاع يسالوه

شفت شفت يا طارق !!!
صح حابين يشرو ستار اكاديمي؟؟؟؟؟
ربي يجيب الخير لبلادي

كنت اتوقع مرورك طارق
بصح منين غيرت اسمك راك درت خطوة كبييييييييييييرة اخي
تخص مستقبلك

سلاااااااااااام

المشاركة الأصلية كتبت بواسطة imane32

و الله يا لبنى راكي صحفية من الدرجة الأولى
الشوماج هو الواحد لي قاعد بلا شغل ولامشغلة قدام الطريق يعس في الناس لي راح ولي جا
أنا راني مزلت نقرا بصح كي نشوف هاذ الناس البطالين يوجعني قلبي بزااااف
ربع مجتمعنا من الطبقة الراقية و الربع لاخر من الطبقة المتوسطة أما النص لي بقا راه الطبقة الفقيرة
هذا الفقر الحلول نتاوعو هي تغيير السياسة لي راه ماشي بيها السلطان نتاعنا
شكرا للموضوع

يعطيك الصحة ايمان
ماشي انا اللي صحفية من الدرجة الاولى
راه المجتمع تاعنا فنان!!!!!!!

ايه عندك الصح
بصح ممكن يدبروا على ريسانهم بعض الشباب

كاين اللي والله مايحوس على الخدمة
وراح في جرة المظلومين!!!!!!

مرورك عطرالصفحة
شكرا

المشاركة الأصلية كتبت بواسطة جهاد البيريني

اهلا بك جهاد
نورت وشرفت الصفحة
بصح وين هو رايك؟؟؟؟؟؟؟؟

سلااااااااااااااام