قصيدة مبكية ...
يواسيني وأنا الميت وحالي يجبر الدمعات
تسيل من الذي فيني ويبكي وهو يواسيني
وأنا ابكي وأتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وأنا ابكيها وتبكيني
وكنه حلم قدامي يقيدني من الصرخات
أبي أصحا ولكني عجزت ألقى اللي يصحيني
فداك القلب يا يمه ومهما قلت من كلمات
صغيره في كبر حقك بس أتمنى تعذريني
نهبت الفرح من بيتي صحيح إني خسيس الذات
صحيح أني ولد طايش وكل ما أسمعه فيني
تجول عيونهم فيني تفصل مني قياسات
وتشيح وجوههم عني وكني غيرت ديني
يظنوا حزنهم اكبر وهم أصحاب هالمأساة
وأنا أتحدى إذا فيهم رُبع ما يحترق فيني
نقص قدري بعد موتك وغابت نشوة اللذات
وصار الهم عكازي أباكيه ويباكيني
عطيتيني بدون حساب ولا سمعتك تقولي هات
وأنا اشرب حيل من دمك ودمك ما يكفيني
يا يمه ارجعي كافي أبجلس معك لو لحظات
واقبل أيدك ورجلك وافرش لك رمش عيني
يا يمه ما تحملهم يقولوا فات ما قد مات
تعالي غيري هالقول وأطيعك باقي سنيني
واترك عادة التدخين وأنفذ ما تبي بسكات
واصلي الفجر في المسجد قبل ما أنت تصحيني
يا يمه ارجعي تكفين وطفي شمعة الآهات
أبيك أنتِ ولا غيرك على موتك تعزيني
وضميني وداويني مثل ما كانت الهقوات
ما أبي أحدن يواسيني أبيك أنتِ تواسيني
دخيلك بس لا تبكي إذا شفتي بي الدمعات
انــا مقـــــوى أبكـــيــك إذا أنتِ تبكــينــي
( تقرير عن مشاركة سيئة )، و الموجودة أسفل كل مشاركة .
2008-01-07, 12:51
قصيدة مبكية
العرض العادي
