رسالة الى سعدان

[JESSUS]

يا الشيخ راني لقيتلك عذر جديد تبلعط بيه الشعب سون سمير

بعد الرطوبة (3-0) و الحكم (4-0) الخطرة هاذي تقدر تقولهم :

ربي ما وفقناش بسبب حضور الجنس اللطيف (3-0)

نورمال واحد ما يتحلبلك يآمنوك وينساوا أنك دخلت (يبدا-منصوري-لحسن) أساسيين خوفا من

ابقاء منصوري في الاحتياط و أنك في مقابلة ودية وانت خاسر 2-0 لم تحدث أي تغيير حتى الدقيقة 60(و أي تغييرات شادلي ما فهم والو كي شاف زاوي داخل نستعرف بيك ضحكتني في هاذي اللقطة

و أنك في بلادك ومقابلة ودية لعبت بمهاجم واحد لي يرجع لوسط الميدان باش يجيب الكرة

المهم مازالو بزاف عفايس ما نكثرش عليك راك علابالك بيهم و ماتخافش حتى واذا فاق بيك واحد ولا زوج

ما عندهم ما يديرو لأن لي آمنو الأعذار نتاوعك يرجعوهم حركة و ما يحبوش بلادهم

اتهلى يا الشيخ حبة حبة و نوليو نلعبو بخطة 6-3-1 زاوي رأس حربة وأنا نتهلى فيك راني نخمملك في 3 أعذار للمونديال

سلام